Numeli 7:3 - Chiyawo Bible

³ ŵayice nayo yakupeleka yawo ya mbopesi kwa AMBUJE: mageleta msano ni limo ni ng'ombe syecele 12, ligeleta limo lya ŵakulongolela ŵaŵili ni ng'ombe jecele jimo ja jwakulongolela jwalijose. Panyuma pakuyipeleka yeleyo,

Numeli 7:3 Iomraidhean Croise

Genesesi 45:19

Mwasalile soni kuti ajigale yigeleta yakunokuno kuti akakwelemo ŵanace ŵawo ni aciŵamkwawo ni akajigale baba ŵawo ni akayiceje akuno.

Genesesi 45:21

Ŵanace ŵa Yakobo* ŵatesile yeleyo nipo Yosefe ŵapele yigeleta mpela muŵalamulile Mwenye jwa ku Iguputo. Ŵapele soni yakulya ya pa ulendo.

Esala 2:68

Ŵandu ŵiŵaliji ku ukapolo ŵala piŵayice ku Nyumba ja AMBUJE ku Yelusalemu, acimlongola ŵane ŵa maŵasa ŵapelece mwa lisosa lyawo mituka kuti jikamucisye pa masengo gakutaŵa soni Nyumba ja AMBUJE pa malo gakwe gakala.

Ekisodo 25:2

“Mwasalile Aisalaeli kuti apelece yakupeleka kwa une. M'mwejo mpocele yakupelekayo kwa mundu jwalijose jwakwete mtima ŵakusaka kupeleka kwa une.

Yesaya 66:20

Myoyo taciyika nawo acalongo acimjenu wosope kutyocela kwa ŵandu ŵa mitundu josope, kuti aŵe mtuka kwa une. Taciyika nawo kwitumbi lyangu lyeswela lya Yelusalemu, acalongo acimjenuwo pitacikwesya mahaci, acibulu, ngamila* pa mageleta ni ngolo. Taciyika nawo mpela mwele mwakusayicila ni yakupeleka Aisalaeli ya yakulya ku Nyumba ja AMBUJE, ali ayijigalile mu yakujigalila yeswejesedwe.

Amosi 2:13

Mpikane! Une tinjimtwinyicisya pasi kumangwenuko, nipo timcilila mpela ngolo jajigumbele ni tiligu.

Numeli 7:4

AMBUJE ŵatite kwa Mose,