Numeli 5:9 - Chiyawo Bible

⁹ Yakupeleka yosope yakusagulidwa yakusapelekaga Aisalaeli kwa AMBUJE pakwika nayo kwa ŵakutaga mbopesi yili yawo ŵakutaga mbopesiwo.

Numeli 5:9 Iomraidhean Croise

Ekisodo 29:28

Pa yindu yitacipeleka mbopesi ŵanace ŵa Aisalaeli, ŵacalume ndaŵi syosope. Tacipocela ligongo taciŵa ŵakutaga mbopesi, ni taciŵa ŵakupocela yakupeleka ya mkamulano ya Aisalaeli, pakuŵa tiyiciŵa mtuka wa Aisalaeli kwa une AMBUJE.

Lefitiko 10:13

Mlyeje yeleyi mli pa malo gamaswela, ligongo yeleyi namgaŵile kutyocela ku mbopesi jakutinisya pa moto jakupeleka kwa AMBUJE, kuti yiŵe yenu, m'mwejo ni ŵanace ŵenu ŵacalume. Yeleyi ni yiŵandamwile AMBUJE.

Lefitiko 10:14

Nambo cidali cakucipeleka kuŵa mtuka wapadela, pakuyuya makono cila, pampepe ni ciga, mlyeje yeleyi mli pa malo galigose geswela, m'mwejo ni ŵanace ŵenu wosope ŵacalume ni ŵacakongwe ŵimli nawo. Yeleyi yipegwile kwenumwe kuti yiŵe yenu ni ŵanace ŵenu, kutyocela pa mbopesi jamkamulano* jele jajipelece Aisalaeli.

Lefitiko 10:15

Ayice naco ciga ni cidali, cakupelecekwa mwa mtuka wa padela pakuyuya makono cila, pampepe ni mbopesi ja mawuta jakutinisya pa moto, kuti yiŵe mbopesi jakupeleka pameso pa AMBUJE. Yeleyi yiŵeje yenu ni ŵanace ŵenu mpaka kalakala, mpela mwele muŵalamulile AMBUJE.”

Lefitiko 6:26

Jwakutaga mbopesi jwakutendesya msyungu, wakupeleka mbopesi jakwaŵenda AMBUJE kululucila ulemwa, alye nyamajo. Alye ali m'malo gamaswela, mluŵala lwa citenti cakusimanilana.

Lefitiko 7:32

Ciga ca lukongolo lwamunyuma lwa mlyo, mcipelece kwa jwakutaga mbopesi, kuti ciŵe cakupeleka cakutyocela pa mbopesi jenu jamkamulano.

Lefitiko 7:34

Myoyo cidali cakucipeleka ali mkuyuya makono, pampepe ni ciga cakucipelekaco, AMBUJE ayityosisye yosopeyo m'myala mwa Aisalaeli. Ayityosisye pa mbopesi syawo sya mkamulano. Ni ayipelece kwa jwakutaga mbopesi Aloni ni kwa ŵanace ŵakwe ŵacalume, kuti yiŵeje mbuwa jawo kwa yaka yosope.

Numeli 18:19

“Une ngupeleka kwa m'mwejo, kwa ŵanace ŵenu ŵacalume, ni kwa ŵanace ŵenu ŵacakongwe kwa mpaka kalakala, yakusonjesya yosope yakusapelekaga kwa une Aisalaeli. Aci cili cilanga* cangapasuka cindesile ni m'mwejo pamo ni yisukulu yenu.”

Numeli 31:41

Mose ŵapelece kwa Eliyesa msongo wapadela kwa AMBUJE kulosya ucimbicimbi mpela muŵamlamulile AMBUJE Mosejo.

Numeli 5:8

Nambo naga jwakumwucisyajo awile ali mkinakola mlongo mjakwe jwamti ni kumwucisya, taciyipeleka kwa AMBUJE kuti yiŵe ya jwambopesi. Celeci ticiciŵa cakonjecesya pa ngondolo jamkambako jakusapelekaga pakulipila msyungu wakuliswejesya ku yileŵi kwa mundu jwakulemwajo.

Detulonomo 12:26

Yakupeleka yenu pamo ni mituka jenu jimwaŵisile cilanga kupeleka kwa AMBUJE, yosopeyo mjawule nayo kuja kupeleka kumalo gakulambila gele gitakasagule AMBUJEWO.