Numeli 5:7 - Chiyawo Bible

⁷ akuŵajilwa kwiticisya ulemwa* wakwe ni kuwucisya yosope yiŵajonasileyo, soni ajonjecesye cimo mwa mbuwa msano ja mtengo wakwe ni kumpa juŵamlemwecesyejo.

Numeli 5:7 Iomraidhean Croise

Masalimo 32:5

Nambo pinajiticisye ulemwa wangu kwa ŵalakwe, nganisisa ungalumbana wangu. Tinjiticisye ulemwa wangu kwa ŵalakwe, nipo ŵalakwe ŵangululucile yakulemwa yangu yosope.

Misyungu 28:13

Mundu jwakusasisa ulemwa* wakwe ngasapata upile, nambo mundu jwakusapesya ulemwa ni kuwuleka, tacitendeledwa canasa.

Lefitiko 26:40

“Nambo naga yisukulu yenu tiyicipesya ulemwa wawo ni ulemwa wa acinangolo ŵawo, ŵimkinaŵa ŵakulupicika kwa une soni ŵaŵatesile yindu yakusisyana ni une.

Lefitiko 26:41

Ligongo lya yindu yeleyo une nakanile, ni najaŵisye ku cilambo ca amagongo ŵawo. Nambo naga mitima ja yisukulu yenu jikulitulusya ni kwiticisya kupocela cilango ligongo lya ulemwa wawo.

Lefitiko 5:15

Naga mundu akulemwa, nambo ngaŵa mwa mele, pakutenda yindu mwangakulupicika, pakulepela kupeleka kandu kwa AMBUJE, mundujo apelece mbopesi jakulipila kwa AMBUJE, ligongo lya kulemwa kwakweko. Mbopesi jakwe jiŵe ngondolo jamkambako jangalemala, ni ngondolojo jiŵe jakwanila pa mtengo wa mbiya sya silifa,* pakuya mitengo mwakuŵalanjila ku Nyumba ja AMBUJE. Jeleji ni mbopesi jakwaŵenda AMBUJE kululucila ulemwa.

Lefitiko 5:16

Panyuma pakwe mundujo apelece kwa AMBUJE yindu yiŵalepele kupelekayo, ni ajonjecesye mbali jimo ja mbuwa msano pa yinduyo, ni ayipelece kwa ŵakutaga mbopesi. Jwakutaga mbopesijo tatende msyungu wakwaŵenda AMBUJE kuti amkululucile mundujo, pakupeleka mbopesi ja ngondolo jamkambako jila, ni AMBUJE tacimkululucila ulemwa wakwe mundujo.

Lefitiko 5:5

Naga mundu akulemwa pakutenda cindu cilicose ca yitukolasileyi, akwenela kupesya ulemwa wakwewo.

Lefitiko 7:7

Mbopesi jakulipila magambo jikulandana ni mbopesi jakwaŵenda AMBUJE kululucila ulemwa,* mbopesi siŵilisi sikwete lilamusi limpepe. Jwakutaga mbopesi jwakutendesya msyungu wakupeleka mbopesi jakwaŵenda AMBUJE kululucila ulemwa, jwalakwejo nyamajo tijiŵe jakwe.

Numeli 5:8

Nambo naga jwakumwucisyajo awile ali mkinakola mlongo mjakwe jwamti ni kumwucisya, taciyipeleka kwa AMBUJE kuti yiŵe ya jwambopesi. Celeci ticiciŵa cakonjecesya pa ngondolo jamkambako jakusapelekaga pakulipila msyungu wakuliswejesya ku yileŵi kwa mundu jwakulemwajo.

Luka 19:8

Nambo Sakeyo ŵajimi ni ŵamsalile Yesu kuti, “Ambuje, tinjipeleka hafu ja yipanje yangu kwa ŵandu ŵakulaga. Naga najigele kandu kalikose kwa mundu mwakulambusya tinjimwucisya jwalakwejo kacece.”

Yoswa 7:19

Yoswa ŵatite kwa jwalakwe, “Mwanangu, salani yakuwona apano pameso pa AMBUJE, Mlungu jwa Aisalaeli, nipo ŵecetani. Musalile une sambano yimtesile m'mwejo. Mkalinga kusisila une.”