Numeli 4:6 - Chiyawo Bible

⁶ Taciŵikapo cakuwunicila ca lipende lyambone, ni kutandika penanipo nguwo ja buluwu, kaneko ni kwinjisya mbiko syakunyakulila.

Numeli 4:6 Iomraidhean Croise

Ekisodo 25:10

“Akapanganye libokosi lya matabwa ga citela ca akesha. Ulewu wakwe ukaŵe masentimita 110, mcijipi mwakwe mukaŵe masentimita 66, ukulu wakwe ukaŵe masentimita 66.

Ekisodo 35:19

nguwo syakusalala mnope syakuwala ŵandu ŵakutumicila ku malo gamaswela, soni yakuwala yeswela ya jwakutaga mbopesi Aloni,* ni ŵanace ŵakwe ŵacalume, ndaŵi jakutumicila mpela ŵakutaga mbopesi.”

Ekisodo 39:1

Ŵapanganyisye yakuwala yakusalala mnope ya ŵakutaga mbopesi, yakuwala pakutumicila ku malo gamaswela. Ŵapanganyisye yakuwalayo ni nguwo ja buluwu, ja papo ni jecejewu. Ŵapanganyisye yakuwala ya Aloni* mpela mwele AMBUJE* ŵamlamulile Mose.*

Ekisodo 39:41

Ŵayice nayo soni yakuwala yakusalala mnope, yakwenela kuwala ŵakutaga mbopesi, ndaŵi jakutumicila ku malo gamaswela, yakuwala yeswela ya jwakutaga mbopesi Aloni, ni soni yakuwala ya ŵanace wakwe ŵacalume, yakwenela kuwala pakukamula masengo ga kutaga mbopesi.

Numeli 4:14

Taciŵika pelepo yida yosope yakupanganyicisya masengo ku malo ga mbopesi: mbale sya moto sya ubani, yisyano yakuloŵela nyama, yakokolela liwu ni mabeseni. Kaneko taciŵikapo cakuwunicila ca lipende cambone ni kwinjisya mbiko syakunyakulila.

Numeli 4:25

nguwo syakuciga ku Cipinda Ceswela Mnope, ni tenti pamo ni nguwo syakucinga syakwe, lipende lya mbusi lyakuwunicila penani pakwe, ni nguwo jakucinga pa mlango ŵa ku tenti ja AMBUJE.

Detulonomo 31:9

Mose ŵalembile Malamusi ga Mlungu ni ŵagapelece kwa ŵakutaga mbopesi ŵa ci Lefi, ŵele ŵaŵanyakulaga Libokosi lya Cilanga ca Mlungu, soni ni kwa acakulungwakulungwa wosope ŵa Aisalaeli.