Numeli 4:5 - Chiyawo Bible

⁵ AMBUJE ŵampele Mose yakuŵajilwa kuyitenda yakuyicisyayi. Pitijicikwana ndaŵi jakusama pa masakasa, Aloni* ni ŵanace ŵawo tacijinjila mu citenti, ni kutulusya likatani lya pasogolo pa Libokosi lya Cilanga,* ni kuwunicila Libokosilyo.

Numeli 4:5 Iomraidhean Croise

1 Mbi 15:15

Nipo Alefi ŵanyakwile libokosilyo ni mbiko pa makoyo gawo, mpela Mose* muŵamlamulile pakugakuya maloŵe ga AMBUJE.

1 Mbi 23:26

Myoyo ngapakusacikwa soni kuti Alefi anyakuleje Tenti ja AMBUJE ni yida yosope yakukamulisya masengo pa kwalambila AMBUJE.”

2 Mbi 3:14

Solomoni ŵasalile ŵandu kuti ajigele nguwo jecejewu, jine ja papo, ni jine ja bafuta, ni apanganyisye likatani lyakucinjila ku Cipinda Ceswela Mnope nipo ŵapetile panguwopo yitusitusi ya akelubi.

Ekisodo 36:35

Ni ŵatotile nguwo jakucijila mkati mwa citenti ja mtundu ŵa buluwu, ŵa papo, ni wecejewu, soni nguwo ja bafuta jwakunyililika, jeluce cenene, ni ŵajipetile ni yitusitusi ya akelubi.

Ekisodo 40:3

Mkaliŵice Libokosi lya Cilanga ca AMBUJE* mugali maganga ga malamusimo, mkalicije libokosilyo ni nguwosyo.

Ekisodo 40:5

Mkaŵice malo gakututumicisya ubani* ga golidi,* pasogolo pa Libokosi lya Cilanga ca AMBUJE. Mkawugale pa mlango wa citenti ni nguwo syakuciga.

Yesaya 25:7

Pa litumbi alino tacityosya canasa cele cakamwile ŵandu wosope, cele ciwunicile mitundu josope ja ŵandu.

Lefitiko 16:2

AMBUJE ŵamsalile Mose kuti, “Mwasalile akulu ŵenu Aloni kuti, akajinjilaga ndaŵi jilijose mwakusacila, ku Cipinda Ceswela Mnope, cicili kusyeto kwa likatani lyakuciga, ligongo lyakuti kweleko ni kunguwonecela une mwiwunde, pacanya pa ciwuniko ca Libokosi lya Cilanga,* naga ngakupikanila taciwa.

Numeli 10:14

nipo ndaŵi jilijose jiŵatyokaga, ŵaliji mkukuya mndandanda uwowo. Ŵele ŵiŵakuyaga mbendela ja likuga liŵalongolelaga ŵa lukosyo lwa Yuda ni ŵiŵatandite kutyoka pandanda, mpela mwa makuga gawo, nipo Nashoni mwanace jwa Aminadabu ni juŵalongolelaga.

Numeli 4:15

Pa ndaŵi jakugwisya masakasa, liŵasa lya Kohati tiliciyika kukunyakula yindu yakusagulidwayo, nipo ali amasile Aloni ni ŵanace ŵawo kuyiwunicila pamo ni yida yakwe yosope, liŵasa lya Kohati ngalikuŵajilwa kwikamula yindu yakusagulidwayo, kogopela kuti taciwa. Gelega ni masengo ga liŵasa lya Kohati pakutyosya Tenti.

Numeli 4:4

Masengo gawo gakwayana ni yindu yakusagulidwa mnope basi.”

Numeli 7:9

Nambo Mose nginapeleka kose yigeleta kapena ng'ombe syecele ku liŵasa lya Kohati, ligongo yindu yakusagulidwa yiŵayisamalilaga yaliji yakuti ayinyakuleje pa makoyo gawo.

Matayo 27:51

Ni mlole, papopo nguwo jakuciga ku lusasa lwa Nyumba ja AMBUJE japapwice cilikati, kutyocela penani mpaka pasi. Cilambo catenganyice nipo maganga gekulungwa gakasice.

Detulonomo 31:9

Mose ŵalembile Malamusi ga Mlungu ni ŵagapelece kwa ŵakutaga mbopesi ŵa ci Lefi, ŵele ŵaŵanyakulaga Libokosi lya Cilanga ca Mlungu, soni ni kwa acakulungwakulungwa wosope ŵa Aisalaeli.

Ŵaeblania 10:20

Jwalakwe ŵatuwugulile litala lyasambano ni lya umi wakupelenganya cakucinga, cele cili cilu cakwe.

Ŵaeblania 9:3

Nipo pasyeto pa likatani lyaŵili paliji cipinda cakolanjidwa Cipinda Ceswela Mnope.

1 Sam 6:19

AMBUJE ŵawuleje ŵandu makumi msano ni gaŵili ŵa ku Beti Shemeshi ligongo ŵalolite mkati mwa Libokosi lya Cilanga papopo acimjawo ŵalisile pakuŵapo AMBUJE ŵawuleje ŵandu ŵajinji pasikati pawo.