Numeli 3:6 - Chiyawo Bible

⁶ “Myice nalo lukosyo lwa Lefi nipo mwasagule kuti aŵe ŵakutumicila ŵa Aloni jwakutaga mbopesi.

Numeli 3:6 Iomraidhean Croise

1 Mbi 15:2

Nipo Daudi ŵatite, “Ŵandu ŵa liŵasa lya Alefipe ni ŵatanyakule Libokosi lya Cilanga ca AMBUJE,* ligongo AMBUJE ŵasagwile jemanjaji kuti anyakuleje libokosilyo ni kwatumicila AMBUJE mpaka kalakala.”

1 Mbi 23:28

Ŵapegwile masengo gakwakamusya ŵanace ŵa Aloni pa masengo gawo gakupeleka mbopesi ku Nyumba ja AMBUJE, kusamalila luŵala ni yipinda yakwe, ni kusunga yida yosope yene kuti yiŵeje yeswela.

1 Mbi 23:32

Myoyo ŵapegwile masengo gakusamalila Tenti ja AMBUJE ni kwakamusya soni acalongo acimjawo ŵambopesi ŵa lukosyo lwa Aloni pakutumicila m'Nyumba ja AMBUJE.

1 Mbi 6:33

Aga ni mena ga ŵandu ŵaŵatumicilagawo pamo ni ŵanace ŵawo: Kutyocela kwiŵasa lya Kohati, ŵapali Hemani juŵaliji jwakulongolela kwimba nyimbo soni ŵaliji mwanace jwa Yoweli. Lukosyo lwawo lwatandilile pa Yakobo,* Hemani, Yoweli, Samuele, Elikana,

2 Mbi 29:11

Ŵanace ŵangu, mkajasa ndaŵi, pakuti AMBUJE amsagwile jemanja kuti mwatinicisyeje ubani ni kwatumicila ŵalakwewo pakwalongolela ŵandu kuti amlambileje jwalakwejo.”

Esala 6:18

Nipo kaneko ŵaŵisile ŵakutaga mbopesi ni Alefi pa masengo gawo gakutumicila m'Nyumba ja AMBUJE ku Yelusalemu, mpela muŵayilembele mu buku ja Mose.

Mala 2:4

Pelepo timcimanyilila kuti nampele lilamusili, kuti cilanga* cangu ni ŵakutaga mbopesi, ŵele ŵali yisukulu ya Lefi, cikajonasika.

Numeli 18:21

AMBUJE ŵaŵecete ni une acitiji kuti, “Mbelece kwa Alefi calikumi* cilicose cakusapelekaga Aisalaeli kwa une. Gelega ni malipilo ga masengo gawo gakutenda pakusamalila tenti jakusimanilana ni une.

Numeli 2:17

Kaneko, pasikati pa makuga gaŵili ni gaŵili gakumalisya Alefi tacijendaga ali anyakwile citenti. Likuga lililyose tilicijendaga mu mndandanda uwowo mpela mwataŵile masakasa, lililyose pa malo ga mbendela jakwe.

Numeli 2:33

Mpela muŵamlamulile AMBUJE Mose, Alefi nganalembesya piŵalembesyaga Aisalaeli ŵane wosope.

Numeli 3:5

AMBUJE ŵatite kwa Mose,

Detulonomo 10:8

Ndili masile kuŵika maganga gaŵili gala mwibokosi, kwitumbi kula, AMBUJE ŵasagwile ŵandu ŵa lukosyo lwa Lefi, kuti aŵe ŵakunyakula ni kulolela Libokosi lya Cilanga, soni kuti aŵe ŵakutaga mbopesi ŵakwatumicila AMBUJE, ni kuti soni ŵapeje upile ŵandu ŵa ngosyo sine m'malo mu lina lyawo AMBUJE. Gelega ni gali masengo gawo mpaka lelo jino.