Numeli 3:3 - Chiyawo Bible

³ Jemanjaji ŵasagwile pakwajitila mawuta pa mtwe ni kwasajika magasa mpela ŵakutaga mbopesi,

Numeli 3:3 Iomraidhean Croise

1 Mbi 23:6

Panyuma pakwe Daudi ŵagaŵenye Alefiwo m'makuga, pakukuya maŵasa gatatu ga ŵanace ŵa Lefi aŵa: Geleshoni, Kohati ni Melali.

Ekisodo 28:41

Yakuwala yeleyi mwawece Aloni akulu ŵenu ni ŵanace ŵawo ŵacalume. Mwapakasye pa mitwe pawo ni mawuta, ni mwape masengo gakutaga mbopesi, ni mwaŵice pajika, kuti aŵe ŵakutaga mbopesi ŵakundumicila une.

Ekisodo 40:13

Mkawece Aloni yakuwala yapajika yeswela, mkapakasye mawuta, ni mkaŵice pajika kuti akaŵe jwakutaga mbopesi jwakundumicila une.

Ekisodo 40:15

Mkapakasye mawuta ŵanacewo, mpela yimwatite pa kwapakasya baba ŵawo, kuti akaŵe ŵakutaga mbopesi ŵakundumicila une. Kwapakasya kwa mawuta kweleku tikucatendesya kuti aŵe ŵakutaga mbopesi ŵangu pa mipago jawo josope.”

Lefitiko 8:12

Mawuta gane gakupakasyago, ŵagapungulile pa mtwe pa Aloni, ni ŵampakesye, kuti amswejesye.

Lefitiko 8:30

Mose ŵajigele mawuta gakupakasya ni miasi jijaliji pa malo gakupelecela mbopesi, ni ŵam'misile najo Aloni pampepe ni yakuwala yakwe, soni ŵanace ŵakwe ŵacalume ŵala pampepe ni yakuwala yawo. Pakutenda myoyo Mose ŵamswejesye Aloni ni yakuwala yakwe, ni ŵanace ŵakwe ŵacalume ni yakuwala yawo.

Numeli 3:4

nambo Nadabu ni Abihu ŵawulajidwe ndaŵi jiŵapelekaga mbopesi ja moto wangajenela kwa AMBUJE mcipululu ca Sinayi. Jemanjajo nginakola ŵanace, myoyo Eliyesa ni Itamala ŵatumicile mpela ŵakutaga mbopesi mu ndaŵi jiŵaliji Aloni cijumi.

Ŵaeblania 7:28

Malingana ni malamusi ga Mose ŵandu ŵiŵaliji atamose ŵakulepetala ŵasagulidwaga kuŵa acakulungwa ŵa ŵakutaga mbopesi wosope. Nambo cilanga ca Mlungu catamilicice ni kulumbilila, cele cayice panyuma pa malamusigo, gele gigamŵisile Mwanagwe, jwele juŵaliji jwangali ulemwa yaka yosope kuti aŵe jwamkulungwa jwa ŵa ŵakutaga mbopesi wosope.