Numeli 27:3 - Chiyawo Bible

³ Nipo ŵatite kuti, “Baba ŵetu ŵawile mcipululu ngaleka ŵanace ŵaliwose ŵacalume. Ŵelewo nginaŵa mwikuga lya ŵandu ŵakumkuya Kola, pakwajimucila ni kusisyana nawo AMBUJE. Ŵele ŵawile ligongo lya ulemwa* wawo.

Numeli 27:3 Iomraidhean Croise

Esek 18:4

Umi uliwose wa mundu uli wangu, umi wa nangolo kwika soni wa mwanace. Mundu jwakulemwa ni jutaciwa.

Numeli 14:35

Ngulumbila kuti tinjitenda ayi kwa jemanja ŵandu ŵakusakala ŵimsongene pamo kusisyana ni une. Wosope ŵene ŵa jemanjaji taciwila mcipululu munomuno. Une, AMBUJE, mbecete.’ ”

Numeli 16:19

Kaneko Kola ŵalisonganyisye likuga lyosope lya ŵandu, ni ŵajimi ali mkulolegana ni Mose ni Aloni pa mlango pa tenti. Mwakusisimucisya lilanguka lyakunyesimila lyakulosya kuti AMBUJE ŵaliji papopo lyawonece kwa likuga lyosope lya ŵandu lila,

Numeli 16:49

Winji wa ŵandu ŵiŵawile piŵaŵalasile waliji 14,700, ngaŵalanjila ŵele ŵiŵawile pa ndaŵi jiŵajimucile Kola.

Numeli 26:33

Selofehadi mwanace jwa Hefele nganakola ŵanace ŵacalume, nambo ŵacakongwepe basi, nipo mena gawo galiji Mala, Nowa, Hogila, Milika ni Tilisa.

Numeli 27:2

Jemanjaji ŵajawile ni kuja kwima pasogolo pa Mose,* Eliyesa jwakutaga mbopesi, acakulungwa ni mpingo wosope pa mlango wakwinjilila mu tenti jakusimanilana ni AMBUJE.*

Numeli 27:4

Ana lina lya baba ŵetu liwe ligongo nginakola mwanace jwamlume? Atupe cilambo cetu pasikati pa acalongo acimjawo ŵa baba ŵetu.”

Yohana 8:21

Yesu ŵasalile jemanjajo soni kuti, “Une ngwawula, jemanja timcindolesya nambo pakuŵapo kuti mkupitilisya kutenda ulemwa timciwa nawo. Jemanja ngaŵa mkupakombola kwawula kungwawula une.”

Yohana 8:24

Ni ligongo lyakwe namsalile kuti naga mkupitilisya ni ulemwa wenuwo timciwa. Timciwa ni ulemwa wenuwo naga ngamkukulupilila kuti ‘Une Ndili Jundili.’ ”

Ŵaloma 5:12

Ulemwa wayice pa cilambo capasi ligongo lya mundu jumo, nipo ulemwawo wayice naco ciwa. Myoyo ciwa cijendelecele kwa ŵandu wosope ligongo jwalijose alemwisye.

Ŵaloma 5:21

Myoyo mpela muŵalamulilaga ŵandu ulemwa ni kwikasya ciwa pasikati pawo, myoyo soni kwaliji kwakusosekwa kuti umbone mtima wa Mlungu ulamulile pakwikasya cilungamo kwa ŵandu, ni kwayicisya ku umi wangamala* mwa Yesu Klistu Ambuje ŵetu.

Ŵaloma 6:23

Pakuti malipilo ga ulemwa cili ciwa, nambo mtuka walulele wa Mlungu uli umi wangamala mwa Klistu Yesu Ambuje ŵetu.