Numeli 2:3 - Chiyawo Bible

^3-9 Kumbali ja kungopoko lyuŵa, aŵe ŵa mbendela ja likuga lya lukosyo lwa Yuda, nipo taciŵa m'masakasa gawo m'makuga, pasi pa acimlongola ŵawo mpela mwakuyicisyamu: Lukosyo Mwenye Ciŵalanjilo Yuda Nashoni mwanace jwa Aminadabu 74,600 Isakala Netanele mwanace jwa Suwala 54,400 Sebuloni Eliyabu mwanace jwa Heloni 57,400 Ciŵalanjilo cosope caliji: 186,400 Likuga lya Yuda tiliciŵa lyandanda pakwenda.

Numeli 2:3 Iomraidhean Croise

Genesesi 35:22

Yakobo ali mkutama mcilambo celeco, Lubeni ŵagonile ni Biliha ŵamkwawo ŵanondi ŵa baba ŵawo, nipo Yakobo ŵayipikene yeleyo. Yakobo ŵakwete ŵanace 11.

Genesesi 35:23

Aŵa ni ŵanace ŵiŵapali mwa Leya. Lubeni mwanace jwandanda jwa Yakobo, Simiyoni, Lefi, Yuda, Isakala ni Sebuloni.

1 Mbi 2:10

Lamu ŵaliji babagwe Aminadabu nipo Nashoni ŵaliji cisukulu ca Lamu juŵaliji mlongola jwa lukosyo lwa Yuda. Nashoni ŵaliji mwanace jwa Aminadabu soni ŵaliji cisukulu ca Lamu.

1 Mbi 5:2

Lukosyo lwa Yuda lwaliji lwamacili mnope sikati ja ngosyo syosope sya ku Isalaeli nipo ayimwene ŵatyocelaga ku lukosyo lwelelo).

Ekisodo 6:23

Aloni ŵalombele Elisheba, mwanace jwamkongwe jwa Aminadabu, mlumbugwe ŵaliji Nashoni. Elisheba ŵaŵelece ŵanace mcece, Nadabu, Abihu, Eliyesa ni Itamala.

Numeli 1:5

Aŵa ni acalume, ŵakulongolela ngosyo syawo, ŵiŵasagwile kutyocela m'maŵasa kuti akamucisye pa masengoga: Lukosyo Mwenye Lubeni Elisuli mwanace jwa Sheduwele Simiyoni Shelumiyele mwanace jwa Sulishadayi Yuda Nashoni mwanace jwa Aminadabu Isakala Netanele mwanace jwa Suwala Sebuloni Eliyabu mwanace jwa Heloni Efelemu Elishama mwanace jwa Amihudi Manase Gamaliele mwanace jwa Pedasuli Benjamini Abidani mwanace jwa Gidiyoni Dani Ahiyesa mwanace jwa Amishadayi Asha Pagiyele mwanace jwa Okilani Gadi Eliyasafu mwanace jwa Deuweli Nafutali Ahila mwanace jwa Enani

Numeli 10:5

Pamti kupikanice gomba kwa ndaŵi jejipi, mitundu jijataŵile masakasa kungopoko lyuŵa tijicisama.

Numeli 3:38

Mose ni Aloni ni ŵanace ŵawo ŵaliji ŵakutaŵa masakasa kusogolo kwa Tenti kungopoko lyuŵa. Jemanjaji masengo gawo galiji gakupanganya masengo m'malo mwa ŵandu ŵa Aisalaeli M'malo Gamaswela. Jwalijose juŵalinjilile kutenda yeleyo ŵamwuleje.

Numeli 7:12

Jemanjajo ŵapelece mbopesi syawo camti myi: Lisiku Lukosyo Mwenye Lisiku lyandanda Yuda Nashoni mwanace jwa Aminadabu Lisiku lyaŵili Isakala Netanele mwanace jwa Suwala Lisiku lyatatu Sebuloni Eliyabu mwanace jwa Heloni Lisiku lya mcece Lubeni Elisuli mwanace jwa Sheduwele Lisiku lya msano Simiyoni Shelumiyele mwanace jwa Sulishadayi Lisiku lya msano ni limo Gadi Eliyasafu mwanace jwa Deuweli Lisiku lya msano ni gaŵili Efelemu Elishama mwanace jwa Amihudi Lisiku lya msano ni gatatu Manase Gamaliele mwanace jwa Pedasuli Lisiku lya msano ni mcece Benjamini Abidani Lisiku lya likumi Dani Ahiyesa mwanace jwa Amishadayi mwanace jwa Gidiyoni Lisiku lya 11 Asha Pagiyele mwanace jwa Okilani Lisiku lya 12 Nafutali Ahila mwanace jwa Enani Mbopesi siŵajigele jwalijose syaliji syakulandana: mpika umo wa silifa* usito wakwe wakwanila kilogalamu jimo ni hafu, libeseni limo lya silifa usito wakwe wakwanila magalamu 800, pa mlingo wakwiticika, yosope yiŵiliyo yegumbale ni utandi wakuwanganya ni mawuta yakupelecela mbopesi ja mbeju sya songolo, mbale jimo ja golidi usito wakwe wakwanila magalamu 110, muli mwegumbale ni ubani* ng'ombe jimo jamwana, ngondolo jimo, ni mwanace jumo jwangondolo jwa caka cimo, yakupelecela mbopesi syakutinisya, mbusi jimo jambopesi jakupesya ulemwa* ni ng'ombe siŵili, ngondolo msano, mbusi msano, ni ŵanace ŵangondolo msano ŵa caka cimo wakupelecela mbopesi ja mkamulano.*

Matayo 1:4

Lamu ŵaŵelece Aminadabu, Aminadabu ŵaŵelece Nashoni, Nashoni ŵaŵelece Salimoni.

Lute 4:20

Aminadabu ŵaŵelece Nashoni, Nashoni ŵaŵelece Salimoni,