Numeli 2:2 - Chiyawo Bible

² “Pakutaŵa Aisalaeli masakasa, jwamlume jwalijose tacitaŵa pajili mbendela ja likuga lyakwe ni mbendela ja liŵasa lyakwe. Masakasago tacigataŵa kusyungulila citenti cakusimanilanaco.”

Numeli 2:2 Iomraidhean Croise

Masalimo 74:4

Amagongo ŵawo ŵagumisile mwakondwa m'malo gawo gamaswela; ŵaŵisile mbendela syawo kulosya kuti apundile.

Masalimo 76:11

Lumbilani kwa AMBUJE* Mlungu jwenu, ni kuyitenda yele yimlumbilileyo; jemanja ŵa ngosyo ŵimŵandicile mjigale mituka jenu kwa jwalakwe jwakwenela kumjogopa.

Yesaya 12:6

Jemanja ŵandu ŵa mu Siyoni,* mtende lisegwe ni kwimba mwa lukondwa, ligongo lyakuti Ŵaswela ŵala ŵa Isalaeli ali ŵakulungwa sikati jenu.”

Yesaya 18:3

Mpikane jemanja wosope ŵimkutama mcilambo capasi, Pitacijimusya mbendela ja cimanyisyo pa matumbi, mlole! Pitacigombaga lipenga, mpikane!

Esek 43:7

Ŵasalile kuti, “M'mwe mwanace jwa mundu, malo gano ni malo ga citengu ca ucimwene wangu, malo gele gingusaliŵataga ni sajo syangu. Akuno ni kwele kucinjitama ni ŵandu ŵangu Aisalaeli mpaka kalakala. Jemanjajo atamose ayimwene ŵawo ngasalisakasya lina lyangu lyeswela pakuŵa ŵangakulupilila kapena pakusika mitembo ja ayimwene ŵawo kuyikwesya ya kupopelela.

Sakaliya 9:16

Pitilicikwana lisiku lyelelyo, AMBUJE tacakulupusya ŵandu ŵakwe, mpela mkucinga mwakusayicinjilicisya yilangwa ku yakogoya. Ŵanduwo taciŵa ŵakunyesimila mcilambo mwawomo mpela tumaganga twamtengo wapenani twakusaŵika pa cisoti ca mwenye.

Numeli 1:50

M'malo mwakwe, Alefi akole udindo ŵakulolela citenti cangu jakusimanilana ni yida yakwe yosope. Tacijinyakula ni yida yakwe, kutumicila mwelemo, ni kutaŵa masakasa gawo mwakujisyungulila.

Numeli 10:14

nipo ndaŵi jilijose jiŵatyokaga, ŵaliji mkukuya mndandanda uwowo. Ŵele ŵiŵakuyaga mbendela ja likuga liŵalongolelaga ŵa lukosyo lwa Yuda ni ŵiŵatandite kutyoka pandanda, mpela mwa makuga gawo, nipo Nashoni mwanace jwa Aminadabu ni juŵalongolelaga.

Numeli 10:18

Ŵakuya ŵakwe ŵaliji ŵele ŵiŵakuyaga mbendela ja likuga liŵalilongolele ŵa lukosyo lwa Lubeni ŵawutandaga ulendo, mpela mwa makuga gawo, nipo Elisuli mwanace jwa Sheduwele ni juŵalongolelaga.

Numeli 10:22

Ŵakuyicisya pelepo ŵaliji ŵa likuga lilyakuyaga mbendela ja lukosyo lwa Efelemu ŵawutandaga ulendo, mpela mwa makuga gawo, nipo jwakulongolela likugalyo ŵaliji Elishama mwanace jwa Amihudi.

Numeli 10:25

Pakumalicisya, ŵele ŵiŵakuyaga mbendela ja likuga liŵalilongolelaga ŵa lukosyo lwa Dani, ni ŵiŵaliji mpela ŵakulondela kunyuma kwa makuga gosope gene, nombe nawo ŵawutandaga ulendo mpela mwa makuga gawo, nipo Ahiyesa mwanace jwa Amishadayi ni juŵaliji mlongola jwawo.

Numeli 2:1

AMBUJE* ŵasalile Mose* ni Aloni* ayi yinduyi.

Numeli 2:10

Mbali ja kum'mwela, tikuŵeje mbendela ja likuga lya Lubeni, taciŵa m'masakasa m'makuga pasi pa acimlongola ŵawo mwakuyicisyamu: Lukosyo Mwenye Ciŵalanjilo Lubeni Elisuli mwanace jwa Sheduwele 46,500 Simiyoni Shelumiyele mwanace jwa Sulishadayi 59,300 Gadi Eliyasafu mwanace jwa Deuweli 45,650 Ciŵalanjilo cosope caliji: 151,450 Likuga lyeleli tiliciŵa lyaŵili pakwenda.

Numeli 2:3

Kumbali ja kungopoko lyuŵa, aŵe ŵa mbendela ja likuga lya lukosyo lwa Yuda, nipo taciŵa m'masakasa gawo m'makuga, pasi pa acimlongola ŵawo mpela mwakuyicisyamu: Lukosyo Mwenye Ciŵalanjilo Yuda Nashoni mwanace jwa Aminadabu 74,600 Isakala Netanele mwanace jwa Suwala 54,400 Sebuloni Eliyabu mwanace jwa Heloni 57,400 Ciŵalanjilo cosope caliji: 186,400 Likuga lya Yuda tiliciŵa lyandanda pakwenda.

Numeli 24:2

nipo ŵaweni Aisalaeli ali ataŵile masakasa gawo mtundu uliwose pajika. Msimu wa Mlungu ŵatulwice pa jwalakwe,

1 Akoli 14:33

ligongo Mlungu ngakusosa cisokonesyo, nambo mwakukamulana ni mwa mtendele. Mpela muyikusatendecekwela m'mipingo josope ja ŵandu ŵa Mlungu,

1 Akoli 14:40

Yindu yosope yitendekwe mwakulongosoka.

Ŵafilipi 1:27

Sambano cakusosekwa mnope cili cakuti ndamo syenu siŵe syambone mpela musikuŵecetela Ngani Syambone syakwamba Klistu. Naga ndili jwakupakombola kwika kukumlola, yili yambone nditu, nambo soni atamose naga ngulepela kwika kukumlola jemanja, nambo ngusaka mbikaneje kuti jemanja mkulimbicila ni mtima umpepe. Ngusaka kupikana soni kuti mwakupikanganana ni mwakamucisyana kuputa ngondo ligongo lyakulupilila Ngani Syambone.

Ŵakolosai 2:19

nipo ngakwegamila Klistu jwele jwali mtwe wa cilu. Nambo pakulongoleledwa ni Klistu cilu cosope cikusapocela cakulya ni kulumbikana pampepe ni mbindi syakwe ni mitasi jakwe. Myoyo cilu cikusakula mpela mwele mwakusacila Mlungu kuti cikule.

Yoswa 3:4

Jemanja nginimyiceje akuno ni kala kose myoyo jemanjajo tacimlosya litala lyakupitila. Nambo mkasiŵandicila Libokosi lya Cilanga, mjimeje pakutalicila ciŵandika mkuli wa kilomita jimo panyuma pa Libokosilyo.”