Numeli 19:3 - Chiyawo Bible

³ nipo tacijipeleka kwa Eliyesa jwakutaga mbopesi. Tacijikoposya kusa kwa masakasa nipo tacijiwulaga pameso pakwe.

Numeli 19:3 Iomraidhean Croise

Lefitiko 16:27

Ng'ombe ni mbusi sisyakamulisidwe masengo pa mbopesi sya ulemwa, syele miasi jakwe ŵajijigele kuja kutendela msyungu wakuswejesya Cipinda Ceswela Mnope kuti atyocesye ulemwa, asikopocesye kusa kwa masakasa. Mapende, nyama ni ndoŵe syakwe ayitinisye.

Lefitiko 24:14

“Mumkoposye kusa kwa masakasa jwele mundujo. Nipo jwalijose jwampikene jwalakweju ali mkulwesa, asajice magasa gakwe pa mtwe pa mundujo, kutendela umboni ŵakusimicisya kuti alemwisye, nipo likuga lya ŵandu limwulaje pa kumsoma ni maganga.

Lefitiko 4:11

Nambo lipende lya ng'ombe jamkambakojo, pampepe ni mnowu wakwe, mtwe wakwe, ngongolo syakwe, ciwukala ni matumbo gangaminya,

Lefitiko 4:12

gamba kuti ng'ombe josopejo, akopoce najo kusa kwa masakasa, mpaka kumalo geswejesedwe kwakusajasila liwu, ajijoce nyamajo pelepo pa moto wa sasu.

Lefitiko 4:21

Ng'ombejo tajikoposye kusa kwa masakasa, ni tajijoce mpela muŵajitendele jandanda jila. Jeleji ni mbopesi jakuŵenda kwa AMBUJE kululucila kwa ulemwa, jakupeleka likuga lyosope lya ŵandu.

Numeli 15:36

Myoyo likuga lyosope lya ŵandu lyamjigele kukopoka najo kusa kwa masakasa ni kuja kukumsoma maganga mpaka kuwa, mpela muŵalamulile AMBUJE.

Numeli 19:9

Kaneko mundu jwali jwamswela mwa msyungu tacikokola liwu lya ng'ombe lila ni kuliŵika pa malo gamaswela kusa kwa masakasa, kutacilisalasya kuti likuga lya Aisalaeli tilipanganyicisye masengo pakugalinganya mesi kuti gaswejele kutyosya yakusakala mpela mwa msyungu. Wele msyunguwu taciwutendaga pakutyosya ulemwa.*

Numeli 3:4

nambo Nadabu ni Abihu ŵawulajidwe ndaŵi jiŵapelekaga mbopesi ja moto wangajenela kwa AMBUJE mcipululu ca Sinayi. Jemanjajo nginakola ŵanace, myoyo Eliyesa ni Itamala ŵatumicile mpela ŵakutaga mbopesi mu ndaŵi jiŵaliji Aloni cijumi.

Numeli 5:2

“Mwalamule ŵandu ŵa ku Isalaeli kuti amtyosyeje jwalijose ku masakasa jwakwete cilwele ca matana kapena jwakukopoka yakusakala mcilu mwakwe ni jwalijose jwawukwayisye ni mtembo.