Numeli 19:2 - Chiyawo Bible

² kuti ŵasalile Aisalaeli malamusi aga. Ayice najo ng'ombe jecejewu kwa Mose ni Aloni jangali liŵasi jimkanajikamulisye masengo,

Numeli 19:2 Iomraidhean Croise

Ekisodo 12:5

Mwanace jwangondolo jwakwe aŵe jwamlume, jwa caka cimope jwangalemala. Komboleka kusagula atamose mwanace jwa mbusi.

Yesaya 1:18

AMBUJE akuŵeceta kuti, “Kwende tuŵecete magambo genu: Mŵele ŵacejewu ligongo lya ulemwa wenu, nambo une tinjimcapa, nipo timciŵa ŵaswela kuti mbee. Mgambile kuti psyu mpela miasi, timciŵa ŵaswela mpela litonji.

Malilo 1:14

“Ŵajigele yakulemwa yangu ni kuyitaŵa pampepe, ni ŵayikolece pa lukosi lwangu, ni napesile ligongo lya usito wakwe. AMBUJE ŵambelece kwa amagongo ŵangu, nipo nasoŵile yakwatenda jemanjajo.

Lefitiko 1:10

Naga mundu akupeleka mbopesi jakutinisya ja ngondolo kapena ja mbusi, jiŵeje jamkambako jangalemala.

Lefitiko 1:3

Naga mundujo akupeleka ng'ombe jakwe kuti jiŵe mbopesi jakutinisya kwa une, apeleceje ng'ombe jamkambako jangalemala. Ajipeleceleje pa mlango wa citenti cakusimanilana, kuti AMBUJE ajipocele.

Lefitiko 14:6

Jwakutaga mbopesi ajigale cijuni cine cila pamo ni lujambi lwa citela ca mkungusa cila, kaguwo kecejewu kala ni liwupulu lya katela ka hisope kala. Yosopeyo pamo ni cijuni ca umico, ayicuye m'miasi ja cijuni ciŵaciwulajile mu mbale ja litaka jila muli mwana mesi ganatekape pa cisima gala

Numeli 19:1

AMBUJE* ŵalamwile Mose* ni Aloni*

Numeli 19:6

Kaneko jwakutaga mbopesijo ajigale citela ca mkungusa, liwupulu lya hisope,* ni kanguwo kakacejewu ni kuyiponya m'motomo.

Numeli 31:21

Eliyesa ŵatite kwa ŵandu ŵiŵayice kutyocela ku ngondowo, “Malamusi gampele Mose AMBUJE ni aga:

Luka 1:35

Lilayika lila lyajanjile kuti, “Msimu Ŵaswela taciyika pa m'mwejo nipo macili gakwe tigaciŵa pa m'mwejo. Ali ni ligongo lyakwe kuti mwanace jutacipagwajo taciŵa jwamswela; tacikolanjidwa kuti Mwanace jwa Mlungu.

Detulonomo 21:3

ni acakulungwakulungwa ŵa msinda uli ŵakuŵandikana mnope ni pele pawuli mtembopo, asagule ng'ombe jimkanijikamule masengo.

Ŵaeblania 7:26

Yesu ali jwamkulungwa jwa ŵakutaga mbopesi* wosope jwele jwakukwanilisya yakusoŵa yetu. Ali jwamswela mtima, jwangali cileŵi kapena ulemwa* uliwose, jwakulekangana ni ŵandu ŵakulemwa, nipo soni Yesu ali jwakupedwa ucimbicimbi kupunda ya kwinani yosope.

Ŵaeblania 9:10

Yikusagamba kusala ya yakulya, yakumwa, ni misyungu jakulekanganalekangana jakojela. Yosopeyo yili ya malamusi gakusala yakuwoneka ni meso basi, gaŵicidwe kuti gagambe kutama mpaka ndaŵi jitacikolosya Mlungu yosope.

1 Petulo 1:19

m'malo mwakwe ŵamwombwele jemanja ni miasi jamtengo wapenani ja Klistu ŵele uŵaliji mpela mwanace jwangondolo jwangali liŵasi lililyose kapena liŵala.

1 Petulo 2:22

Jwalakwejo nganatendeje kose ulemwa,* soni nganaŵeceteje ya unami yiliyose.

Chunukuko 1:5

Amsalalile mtima ni kumpa mtendele Yesu Klistu, mboni jakulupicika, jwele jwali jwandanda kwimusidwa kutyocela ku ŵawe, soni jwali mwenye jwakwalamulila ayimwene wosope ŵa pacilambo capasi. Jwalakwejo akusatunonyela, soni kupitila mu ciwa cakwe ŵatugopwele ku ulemwa wetu,

1 Sam 6:7

Myoyo jemanja mlinganye ligeleta lya sambano nipo mjigale ng'ombe siŵili syasikongwe sya mkaka simkanisiwale likongwa citandilile. Msitaŵe ng'ombesyo ku ligeletalyo, nambo ŵanace ŵakwewo mwawusye ni kwajinjisya mwicinga mwawo.