Numeli 18:3 - Chiyawo Bible

³ Akusosekwa kukwanilisya masengo gawo kwa m'mwejo ni ma udindo gawo ga ku tenti, nambo ngamkwenela kuyiŵandicila yindu yakusagulidwa ku Malo Geswela ni malo gakupelecela mbopesi. Naga akutenda, wosope ni m'mwejo ŵakwe tacimwulaga.

Numeli 18:3 Iomraidhean Croise

Esek 44:13

Jemanjaji ngasandumicila Une mpela ŵakutaga mbopesi iyayi kapena kuyiŵandicila yindu yangu yeswela kapena kwinjila ku Malo Geswela Mnope. Tacitenda soni mnope ligongo lya masengo gawo gakunyalaya.

Numeli 1:51

Pakusama pa masakasa genu, Alefi tacicicuŵa citentico ni kuja kucitaŵa soni ku malo gasambano gamasakasa galigose. Jwalijose jwakwisa ciŵandika ni citentijo taciwulajidwa.

Numeli 1:53

Nambo Alefi tacitaŵa masakasa kusyungulila citentico kuti acilondeleje, kuti pakapagwa jwalijose jwakuciŵandicila ni kundendesya ukali kuti nalijonanje likuga lya Aisalaeli.”

Numeli 16:40

Aci caliji cimanyisyo cakwakalamusya Aisalaeli kuti jwalijose jwamkanaŵa cisukulu ca Aloni akayika kumalo gakupelecela mbopesi kukututumisya ubani wa AMBUJE, nimkaŵa konasika mpela Kola ni ŵandu ŵakwe. Yosope yeneyi yatendece mpela muŵamlamulile AMBUJE Eliyesa kupitila mwa Mose.

Numeli 18:4

Jemanjajo tacipanganya masengo ni m'mwejo ni kukwanilisya ma udindo gawo ga masengo gosope mu tenti, nambo mundu jwangaŵajilwa akapanganya masengo ni wawojo.

Numeli 18:7

Nambo m'mwejo ni timcikwanilisya ma udindo gosope ga ŵakutaga mbopesi ŵakusakwayana ni malo gakupelecela mbopesi ni yele yayili ku Cipinda Ceswela Mnope. Ayi yinduyi yiŵele udindo wawo, ligongo une napele wawojo mtuka wa ŵakutaga mbopesi. Mundu jwalijose jwangaŵajilwa jwakwika ni kuyiŵandicila yindu yakusagulidwa tacimwulaga.”

Numeli 3:25

Jemanjajo ni ŵiŵaliji ŵakulamulila ŵa citentico, yakuwunicila yakwe ya mkati, ya kusa, likatani lya pa mlango pakwinjilila,

Numeli 3:31

Jemanjaji udindo wawo waliji ŵakulolela Libokosi lya Cilanga,* tebulo, cakuŵikapo nyali, kumalo kwakupelecela mbopesi, yida yakupanganyicisya masengo ŵakutaga mbopesi ku Malo Gamaswela, ni likatani lya pa mlango pakwinjilila ku Cipinda Ceswela Mnope. Jemanjaji ŵakwete udindo wakwayana ni yele yinduyi.

Numeli 3:36

Jemanjaji ŵapele masengo gakulinganya mafelemu ga Tenti, yisyano, njalamila, pasi pakwe, pamo ni yakutaŵila yakwe yosope. Udindo wawo waliji wa masengo gosope gakwayana ni yeleyi.

Numeli 31:30

Mbali jakusigala ja ŵandu jila, ajigale cindu cimo mpela mundu jumo mwa acikayidi 50 nipo atende myoyo kwa yine yosope mpela ng'ombe, acibulu, ngondolo, ni mbusi. Ayipelece yeleyi kwa Alefi ŵakusalolela tenti ja AMBUJE.”

Numeli 4:15

Pa ndaŵi jakugwisya masakasa, liŵasa lya Kohati tiliciyika kukunyakula yindu yakusagulidwayo, nipo ali amasile Aloni ni ŵanace ŵawo kuyiwunicila pamo ni yida yakwe yosope, liŵasa lya Kohati ngalikuŵajilwa kwikamula yindu yakusagulidwayo, kogopela kuti taciwa. Gelega ni masengo ga liŵasa lya Kohati pakutyosya Tenti.