Numeli 18:2 - Chiyawo Bible

² Myice nawo acalongo acimjenu, ŵa lukosyo lwa Lefi, kuti apanganyeje pamo ni m'mwejo masengo ni kumkamucisya pakupanganya masengo ku tenti m'mwejo ni ŵanace ŵenu.

Numeli 18:2 Iomraidhean Croise

Genesesi 29:34

Ŵakwete citumbo cine, ŵaŵeŵelece soni mwanace jwamlume, nipo ŵatite, “Sambano ŵamkwangu tanonyele mnope pakuŵa naŵelecele ŵanace ŵacalume ŵatatu.” Myoyo ŵampele lina lyakwe Lefi.

2 Mbi 30:16

Jemanjaji ŵatemi m'malo mwawo m'Nyumba ja AMBUJEJO pakukuya Malamusi ga Mose mundu jwa Mlungu. Alefi ŵapelece miasi ja mbopesi jila kwa ŵakutaga mbopesi, ŵiŵajimisile miasi jila pa malo gakupelecela mbopesigo.

Esek 44:11

Tacigamba kuŵa ŵakutumicila ni kulolelaga yipata M'nyumba jangu basi. Taciwulagaga nyama sya mbopesi syakutinisya ni mbopesi sine sya ŵandu. Myoyo taciŵa alimkwatumicila ŵanduwo.

Esek 44:15

AMBUJE Mlungu ŵatite kuti, “Ŵakutaga mbopesi ŵa mtundu wa Lefi ŵa mwiŵasa lya Sadoki, uŵapitilisyaga kulolela Nyumba jangu ndaŵi jele Aisalaeli ŵasokonecele ni kunjasa Une, jemanjajo taciŵandicila kwa Une kuti andumicileje, taciyika kwa Une kupeleka mbopesi sya mawuta ni miasi. Ni yinguti Une AMBUJE Mlungu.

Mala 2:4

Pelepo timcimanyilila kuti nampele lilamusili, kuti cilanga* cangu ni ŵakutaga mbopesi, ŵele ŵali yisukulu ya Lefi, cikajonasika.

Numeli 1:53

Nambo Alefi tacitaŵa masakasa kusyungulila citentico kuti acilondeleje, kuti pakapagwa jwalijose jwakuciŵandicila ni kundendesya ukali kuti nalijonanje likuga lya Aisalaeli.”

Numeli 16:40

Aci caliji cimanyisyo cakwakalamusya Aisalaeli kuti jwalijose jwamkanaŵa cisukulu ca Aloni akayika kumalo gakupelecela mbopesi kukututumisya ubani wa AMBUJE, nimkaŵa konasika mpela Kola ni ŵandu ŵakwe. Yosope yeneyi yatendece mpela muŵamlamulile AMBUJE Eliyesa kupitila mwa Mose.

Numeli 17:7

Kaneko Mose ŵasiŵisile simbo syosopesyo mu tenti pasogolo pa Libokosi lya Cilanga.

Numeli 18:4

Jemanjajo tacipanganya masengo ni m'mwejo ni kukwanilisya ma udindo gawo ga masengo gosope mu tenti, nambo mundu jwangaŵajilwa akapanganya masengo ni wawojo.

Numeli 3:5

AMBUJE ŵatite kwa Mose,

Numeli 4:15

Pa ndaŵi jakugwisya masakasa, liŵasa lya Kohati tiliciyika kukunyakula yindu yakusagulidwayo, nipo ali amasile Aloni ni ŵanace ŵawo kuyiwunicila pamo ni yida yakwe yosope, liŵasa lya Kohati ngalikuŵajilwa kwikamula yindu yakusagulidwayo, kogopela kuti taciwa. Gelega ni masengo ga liŵasa lya Kohati pakutyosya Tenti.

Numeli 8:19

nipo ngwapeleka Alefi kwa Aloni, mpela mituka kutyocela kwa Aisalaeli, kuti apanganyeje masengo mu tenti m'malo mwa Aisalaeli wosope nipo soni kwacinjilicisya jemanjajo ku yakogoya yampakana yatendecele naga ali aŵandicile mnope ku Malo Gakusagulidwa.”

Numeli 8:22

Ŵandu ŵatesile cilicose ciŵamlamwile AMBUJE Mose cakwayana ni Alefi. Nipo Alefi ŵaŵajilwe kutenda masengo mu tenti mwakwalongolela Aloni ni ŵacalume.

Ŵaeblania 9:6

Amu ni mwele muyaŵelaga yindu. Ŵakutaga mbopesi ŵajinjilaga mcipinda candanda cila masiku gosope kujakamula masengo gawo,