Numeli 18:1 - Chiyawo Bible

¹ AMBUJE* ŵatite kwa Aloni,* “M'mwejo, ni Alefi mkuŵajilwa kulaga ligongo lya ulemwa* uliwose wakwayana ni pakutumicila mu tenti jakusimanilana, nambo m'mwejo ni ŵanace ŵenu timcilaga ligongo lya kupanganya masengo ga ŵakutaga mbopesi.

Numeli 18:1 Iomraidhean Croise

Ekisodo 28:38

Liluŵalyo liŵe pa usyo ja Aloni, pakutenda myoyo Aloni, taŵe ali atwicile cakulemwa cilicose ca yakupeleka yele Aisalaeli akuyipeleka kwa AMBUJE. Aloni awaleje lyele liluŵali ndaŵi syosope, kuti AMBUJE ayipocele yakupeleka ya ŵanduwo.

Yesaya 53:11

Patiyicimala yisawusyo yakweyo, taciwona cakupata cakwe, nipo tacijikutila. Mwa umanyilisi wakwe jwakutumicila jwangu jwakulungamajo tacipocela cilango ca ŵandu wosope kuti ŵajinji mwa jemanja akasasimanikwa soni ŵakulemwa.

Yesaya 53:6

Wosope twasokonecele mpela ngondolo. Jwalijose jwagambaga kulijendela mwa lisosa lyakwe, nipo AMBUJE ŵampele jwalakwejo cilango, citukajenele uwe wosope.

Esek 4:4

“Sambano mgonele kumciji kwenu, nipo tinjiŵika ulemwa* wa mtundu wa Aisalaeli penumwe. Kwa masiku 390 gatimkaŵe kweleko timkalaje ligongo lya ulemwa wawo. Namlamwile m'mwejo lisiku lililyose limo likwamba caka cimo cilicose ca cilango cawo mucicimalila.

Lefitiko 10:17

Ŵatite kuti, “Ligongo cici nganimlila mbopesi jakwaŵenda AMBUJE kululucila ulemwa ula pa malo gamaswela? Jili jajiswela mnope, AMBUJE ajipelece kwa jemanja kuti mtyosye ulemwa wa mpingo wosope.

Lefitiko 22:16

pakwakunda ŵandu wamba kulya yakulya yeswelayo, ligongo taŵe ŵandu ŵakulemwa soni wakwenela kupocela cilango. Une ndili AMBUJE, junguyiswejesya yakupelekayi.”

Lefitiko 22:9

Ŵakutaga mbopesi asunje malamusi gangu gimbelece. Naga ngakutenda myoyo taciŵa ŵakulemwa soni taciwa, ligongo nganagapikanila malamusi gangu gamaswela. Une ndili AMBUJE, jwele jungugaswejesya malamusi gangu.

Numeli 14:34

Jemanja tacilaga ligongo lya ulemwa uŵatesile kwa yaka 40, caka cimo m'malo mwa lisiku limo mwa masiku 40 giŵajigele pakwendela cilamboco. Jemanja tacikumanyilila kugopolela kwakwe kwakusisyana ni une!

Numeli 16:10

Jwalakwe ŵakundile jemanja ni Alefi ŵane wosope kuti mkole wele ucimbicimbiwu nipo sambano mkulinga kuti mjigale ni udindo wa ŵakutaga mbopesi soni!

Numeli 17:13

Naga jwalijose jwakuŵandicila tenti taciwa, ni kuti wosopewe tuli mpela ŵawe kala!”

Numeli 17:3

ni kaneko mlembe lina lya Aloni* pa simbo jakwimilila m'malo mwa Alefi. Tipaciŵa simbo jimo ja jwakulongolela jwalijose jwa mtundu.

Numeli 17:7

Kaneko Mose ŵasiŵisile simbo syosopesyo mu tenti pasogolo pa Libokosi lya Cilanga.

Numeli 18:11

“Pakonjecesya, yakupeleka yambone yiliyose yakuyipeleka Aisalaeli kwa une tiyiciŵa ya wawojo. Une nguyipeleka kwa wawojo, ŵanace ŵawo, ni ŵacakongwe kwa ndaŵi syosope sya msogolo. Mundu jwalijose jwa mwiŵasa mwawo jwali jwamswejele mpela mwa misyungu akukomboleka kuyilya.

Numeli 3:6

“Myice nalo lukosyo lwa Lefi nipo mwasagule kuti aŵe ŵakutumicila ŵa Aloni jwakutaga mbopesi.

Detulonomo 10:8

Ndili masile kuŵika maganga gaŵili gala mwibokosi, kwitumbi kula, AMBUJE ŵasagwile ŵandu ŵa lukosyo lwa Lefi, kuti aŵe ŵakunyakula ni kulolela Libokosi lya Cilanga, soni kuti aŵe ŵakutaga mbopesi ŵakwatumicila AMBUJE, ni kuti soni ŵapeje upile ŵandu ŵa ngosyo sine m'malo mu lina lyawo AMBUJE. Gelega ni gali masengo gawo mpaka lelo jino.

Ŵaeblania 13:17

Mwapikanileje ŵakumlamula ŵenu ni kutenda yakumlamula. Jemanjajo ŵangapumulila kose kulolela umi wenu, pakuti akwenela kusala ya masengo gawo pameso pa Mlungu. Naga mkwapikanila, jemanjajo, tacikamula masengo mwakusangalala, ngaŵa mwakutumbila, ligongo naga ngatenda yeleyo ni kuti jemanja ngasiyimkamucisya kose.

Ŵaeblania 4:15

Pakuti tukwete jwamkulungwa jwa ŵakutaga mbopesi jwele jwakusatutendela canasa ligongo lya kulepetala kwetu. Nambo Jwamkulungwa jwakutaga mbopesi jwetu jwalinjidwe muyosope mpela mwele uwe tukusalinjidwa, nambo Jwalakwe nganalemwa kose.

1 Petulo 2:24

Klistu msyene jwatwicile yakulemwa yetu mcilu cakwe pa msalaba kuti tulece kuŵa mu ulemwa, nambo pakupeleka cilungamo uwe tuŵe cijumi. Jemanja mwaposyedwe ni maŵanga gakwe.

Ŵakulamula 17:12

Mika ŵamsagwile jwalakwejo kuti aŵe jwakutaga mbopesi jwakwe, nipo ŵatamaga m'nyumba ja Mika.