Numeli 17:5 - Chiyawo Bible

⁵ Kaneko simbo ja mundu junimsagwile tijicisipuka. Mu lyele litalali tinjikulekasya kudandawula kwa ndaŵi syosope kwakutenda Aisalaeli pakusisyana ni m'mwejo.”

Numeli 17:5 Iomraidhean Croise

2 Mbi 26:16

Usiya ŵatandite kulinonyela ligongo lya macili giŵakwete, yeleyi yatendesye kuti alepele. Ŵalakwewo ŵaliji ŵangakulupicika kwa AMBUJE, Mlungu jwawo, lyuŵa line ŵajinjile m'Nyumba ja AMBUJE kukutinisya ubani* pa malo gakutinicisya ubani.

Masalimo 105:26

Jwalakwe ŵamtumile Mose* jwakutumicila jwakwe pampepe ni Aloni* juŵamsagwile.

Ekisodo 16:7

kundaŵi, timkuwone kumelemenda kwa lilanguka lya AMBUJE. Pakuŵa agapikene madandawulo genu gamkwadandawulila AMBUJE gala. Pakuŵa uwe ŵani, kuti mkutudandawulila uweji?”

Yesaya 11:1

Lunyambi tilucisipuka pa litepo lya Yese nipo yakusipuka yakwe tiyicikopocela ku miciga jakwe.

Yesaya 13:11

AMBUJE akuŵeceta kuti, “Tinjipeleka cilango ku cilambo capasi ligongo lya kusakala kwakwe, ni kwa ŵandu ŵakusakala ligongo lya ulemwa* wawo. Tinjimasya kulilumba kwa ŵandu ŵakulikwesya, nipo tinjikutulusya kulikwesya kwa ŵandu ŵangalwe.

Yesaya 27:6

Masiku ga pasogolo, Aisalaeli, yisukulu ya Yakobo* tacimela miciga mpela mpeleya. Tacisipuka ni kusogola yisogosi, yitiyicigumbala mcilambo cosope capasi.

Yesaya 5:24

Myoyo mpela moto muwukusajonanjila ciputu, mpela soni mwele manyasi gejumu gakusapila pamoto, myoyo soni miciga jawo tijiciwola, nipo maluŵa gawo tigacijumula ni kuguluka mpela luwundu, ligongo ŵakanile Malamusi ga AMBUJE Ŵamaciligosope ni kuganyosya maloŵe ga Ŵaswela ŵala ŵa Aisalaeli.

Esek 16:41

Tacijoca nyumba syenu ni kumpa cilango acakongwe ŵajinji ali mkulola. Tinjimasya lilama lyenu soni ngasimgapa mbiya maganja genu.

Esek 23:27

Myoyo tinjilekasya yakunyalaya ni yacikululu yenu yele yimŵele mli mkuyitenda mli mkutama ku Iguputo. Myoyo ngasimkumbila soni yindu ya Iguputo kapena kuyikumbucila soni.”

Hoseya 14:5

Kwa ŵandu ŵa ku Isalaeli, tinjiŵa mpela ula ku cilambo cejumu cangali mesi. Tacigopola mpela maluŵa ni kukola miciga mpela yitela ya ku Lebanoni.

Numeli 1:51

Pakusama pa masakasa genu, Alefi tacicicuŵa citentico ni kuja kucitaŵa soni ku malo gasambano gamasakasa galigose. Jwalijose jwakwisa ciŵandika ni citentijo taciwulajidwa.

Numeli 11:1

Ŵandu ŵala ŵatandite kudandawula kwa AMBUJE* ligongo lya yakusawusya yawo. AMBUJE piŵapikene jemanjajo, ŵapile mtima nipo ŵatumisye moto kwa ŵanduwo. Wakolele pasikati pawo nipo wajonasile pakutinisya mbali jimo ja masakasago.

Numeli 16:11

Pakudandawula mwakusisyana ni Aloni, kuŵeletu kwajimucila AMBUJE kusyesyene kwakutenda jemanja ni ŵakwakuya ŵawowo.”

Numeli 16:5

Kaneko ŵatite kwa Kola ni ŵakumkuya ŵakwe, “Malaŵi kundaŵi AMBUJE tacitulosya kuti jwali jwa ŵelewo nduni, jwalakwe tacitendesya kuti jwali jwakwe, kwamba kuti jwamsagwile kuti aŵe jwakutaga mbopesi jwakwe, tacija kumtumicila ku malo gakupelecela mbopesi.

Numeli 17:10

AMBUJE ŵatite kwa Mose, “Mjiwucisye simbo ja Alonijo pasogolo pa Libokosi lya Cilangalyo. Ajisunjeje kuti jiŵe cimanyisyo cakwakalamusya Aisalaeli ŵakwimucila kuti taciwa naga ngakuleka kudandawula kwawo.”

Numeli 17:6

Myoyo Mose ŵaŵecete kwa Aisalaeli, nipo jwalijose jwa ŵakulongolela ŵawo ŵapele simbo, jimo kwa mtundu uliwose, pamo syosope 12, nipo simbo ja Aloni ŵajiŵisile pamo ni sinesyo.

Numeli 17:8

Kundaŵi kwakwe, piŵajawile Mose mu tenti mula, ŵajiweni simbo ja Aloni, jakwimilila lukosyo lwa Alefi, jili jisipwice. Jakwete nyambi, sisyakopwesye maluŵa, nipo gakopwesye yisogosi!

1 Akoli 10:10

Mkadandawula mpela muŵadandawulile ŵane ŵa jemanjajo, nipo ŵawulajidwe ni Lilayika lyalikusayika ni ciwa.

Yoswa 4:7

timwasalile kuti mesi ga mu Lusulo lwa Yolodani galesile kwenda pilyajombwece lusulo Libokosi lya Cilanga ca AMBUJE. Gele magangaga tigacakumbusya Aisalaeli masiku gosope yiyatendekwe apano.”