Numeli 16:3 - Chiyawo Bible

³ Jemanjajo ŵasongene pamo pameso pa Mose ni Aloni* ni ŵatite kuti, “Jemanja mpundile macili mnope! Ŵandu wosope ŵa likugali ali ŵa AMBUJE* nipo soni AMBUJE ali ni uwe wosope. Ligongo cici sambano wawo Mose, akulikwesya jikape pasikati pa likuga lya AMBUJE?”

Numeli 16:3 Iomraidhean Croise

Esala 9:2

Acalume ŵane ŵa ku Isalaeli alombele acakongwe ŵa yilambo yine, soni ŵakundile ŵanace ŵawo ŵacalume kuti atendeje myoyo, kuti mtundu wa ŵandu ŵakusagulidwa ni Mlungu uwanganicilane ni ŵandu ŵa m'yilamboyo. Acimlongola ni nduna ni ŵapundile kutenda yangalumbanayo.

Masalimo 106:16

Piŵaliji mcipululu mula ŵandu ŵamtendele litima Mose* pampepe ni Aloni,* jwamswela jwakutumicila jwawo AMBUJE.

Masalimo 68:17

AMBUJE ŵayice ku malo gawo gamaswela kutyocela ku Sinayi, ali ni mageleta gamacili gamajinji.

Ekisodo 19:6

Jemanja timciŵa ŵandu ŵakundumicila une mpela ŵakutaga mbopesi, soni mpela lukosyo lweswela. Gelega ni maloŵe gatimkasalile Aisalaeli.’ ”

Numeli 14:14

jemanjajo tacasalila ŵandu ŵakutama mcilambo amuno. Ŵele ŵanduŵa apikene kala kuti, wawojo, AMBUJE, ali pamo ni uwe, soni kuti wawojo akusawonekaga naga liwunde lijimi penani petu, nipo kuti wawojo akusatulongolela mcipilala ca liwunde musi nipo mcipilala ca moto naga cili cilo.

Numeli 16:11

Pakudandawula mwakusisyana ni Aloni, kuŵeletu kwajimucila AMBUJE kusyesyene kwakutenda jemanja ni ŵakwakuya ŵawowo.”

Numeli 16:41

Kundaŵi kwakwe likuga lyosope lya ŵandu lyadandawile mwakusisyana ni Mose ni Aloni nipo ŵatite kuti, “Jemanja awuleje ŵane mwa ŵandu ŵa Ambuje.”

Numeli 23:21

Une nayiweni kala cile kuti sogolo ja Aisalaeli mwana upilepe basi, mwangali yisawusyo. AMBUJE Mlungu ŵawo ali nawo jemanjajo, nipo ali pasikati pa kugumila kuti jwalakwe ni mwenye jwawo.

Numeli 35:34

Mkajonanga cilambo cimkutama, ligongo une ndili AMBUJE nipo ngisatamaga pasikati pa Aisalaeli.”

Numeli 5:3

Ŵandu wosope ŵamti myiyi ŵatyosyeje pakwakopocesya kusa kwa masakasa kuti akagasakasya, pakuŵa une ngusindamaga pasikati pa ŵandu ŵangu.”

Masengo 7:39

“Nambo acinangolo ŵetu ŵakanile kumpikanila jwalakwe, ni ŵamtutile kumbali ligongo mitima jawo jasacile kuwujila ku Iguputo.

Masengo 7:51

Sitefano ŵatite soni kuti, “Jemanja ŵandu ŵangakomboleka, mitima jenu jili jakusakala, mapikanilo genu galesile kupikana. Ndaŵi syosope mpela muŵatendelaga acinangolo ŵenu, nombe jemanja mkukana kupikanila Msimu Ŵaswela.