Numeli 1:3 - Chiyawo Bible

³ ŵakwanile yaka 20 kapena kupunda pelepo, ŵali ŵakuŵajilwa kuputa ngondo.

Numeli 1:3 Iomraidhean Croise

2 Sam 24:9

Kaneko Yowabu ŵapelece ciŵalanjilo ca ŵandu wosope kwa mwenye. Ku cilambo ca Aisalaeli kwapali ŵandu 800,000 ŵakombola kuputa ngondo, nipo ku Yuda kwapali 500,000.

1 Mbi 5:18

Ŵandu ŵa ngosyo sya Lubeni, Gadi ni hafu ja lukosyo lwa Manase ŵapali asilikali ŵakwanila 44,760, ŵalijiganye cenene kukamulisya masengo yakucijila, mawupanga ni mawukunje.

2 Mbi 25:5

Mwenye Amasiya ŵasongenye pamo acalume wosope ŵa lukosyo lwa Yuda ni Benjamini nipo ŵaŵisile m'makuga ga ŵandu ŵakwana 10 mwakulingana ni ngosyo syawo, nipo ŵapele soni acimlongola ŵa ŵandu ŵa makuga 100 ni 1,000. Ŵasongenye acalume wosope kupwatikapo soni acacanda ŵaŵaliji ŵa yaka 20 nipo wosope ŵene ŵakwanile 300,000. Jemanjaji ŵaliji acalume ŵakumanyilila kuputa ngondo pakamulisya masengo mapanga ni yakucijila.

Ekisodo 12:17

Cindimba* celeci ca mikate jangali cakusasaŵilisya, mcisunjeje, ligongo tinjiwukoposya mtundu wenu wosope, kutyoka mcilambo ca Iguputo pa lyele lisikuli. Myoyo mkalisunjeje lyele lisikuli, mpela mwa lilamusi lya yaka yosope, pa mipago jenu josope.

Ekisodo 30:14

Jwalijose jwalembedwe mkawundulamo, jwa yaka makumi gaŵili kapena kupunda, akwenela kupeleka yeleyi kwa une AMBUJE.

Ekisodo 38:26

Mundu jwalijose ŵapelekaga ma galamu msano ni jimo ja mbiya, malinga ni mlingo wa ku Nyumba ja AMBUJE. Ŵandu wosope ŵalembesye mkawundula ŵapali 603,550 acalumepe ŵa yaka 20 kapena kupunda pelepo.

Numeli 14:29

Jemanja timciwa nipo mitembo jenu tijiciŵa palipose mcipululu muno. Ligongo adandawile mwakusisyana ni une, pangali jwa jemanja jwapundile yaka 20 jutacijinjila mu cele cilamboco.

Numeli 26:2

“Tendani ciŵalanjilo ca maŵasa ga mpingo wosope wa Aisalaeli, ca acalume wosope wakwanile yaka 20 kapena kupunda ŵali ŵakuŵajilwa kwawula ku ngondo.”

Numeli 3:15

kuti ŵalembe Alefi mwa maŵele ni maŵasa gawo, amlembe jwamlume jwalijose jwakwanile mwesi umo kapena kupunda,

Numeli 32:11

‘Pangali jumo mwa acalume ŵakwana yaka 70 kapena kupunda juŵatyocele mcilambo ca Iguputo jutacijinjila mcilambo cinaŵisile cilanga* kwa Abulahamu,* Isaki, ni Yakobo* ligongo nginanguya une mwakulupicika.’

Numeli 33:1

Aga ni mena ga malo giŵataŵaga Aisalaeli masakasa gawo ali atyosile ku Iguputo m'makuga ga mitundu jawo piŵalongolelaga Mose* ni Aloni.*

Numeli 4:3

ni kwalemba acalume wosope ŵa pasikati pa yaka ya 30 ni 50 ŵiŵaŵajilwe kupanganya masengo mu citenti cakusimanilana.

Detulonomo 24:5

“Naga jwamlume ali alombele jwamkongwe ni nginamala kutama najo pa ulombela caka cimo, akasajinjila masengo ga usilikali, kapena kutyoka kuja kukamula masengo kwakutalika. Kuti apakombole kutama ku musi ni kwasangalasya ŵamkwawo ŵalombelewo.

Detulonomo 3:18

“Pa ndaŵi jelejo nasalile ŵandu ŵa lukosyo lwa Lubeni, lwa Gadi ni lwa Manase kuti, ‘AMBUJE Mlungu jwetu, ni jwampele jemanja cilambo celeci ca kungopoko lyuŵa kwa Yolodani, kuti mtameje. Sambano acalume wosope ŵakupakombola kuputa ngondo ajigale yida yawo ya ngondo ni ajomboce Lusulo lwa Yolodani, ŵalongolele acalongo acimjawo, ŵa lukosyo lwa Aisalaeli.