Masengo 2:3 - Chiyawo Bible

³ Nipo ŵagaweni malulumi mpela malamba ga moto gali mgaŵanyika, ni gagwilaga pa jwalijose jwa jemanjajo.

Lilangano lya Sambano

³ Nipele, yakopochele indu iyaoneche mpela malamba ga mooto, yajenele ni yatusile pachanya pa kila jumo jwao.

Masengo 2:3 Iomraidhean Croise

Genesesi 11:6

Ni AMBUJE ŵatite, “Sambano ŵanduŵa ali mtundu umo, soni akuŵeceta ciŵeceto cimo. Yindu yakutendayi ni kutanda kwa yindu yitaciyitenda. Kaneko tatendeje yindu yiliyose yitasaceje kuyicitenda.

Masalimo 55:9

Ŵalakwe AMBUJE,* asokonesye yiŵeceto ya amagongo ŵangu! Pakuŵa nguwona ŵandu ali mkukangana ni kutenda njojo mu msindamo,

Yesaya 6:5

Pelepo une natite kuti, “Likungu kwa une! Njonasice! Pakuti ndili mundu jwa ngomo syakusakala, nipo ngusatama sikati ja ŵandu ŵa ngomo syakusakala. Nambope ni meso gangu naweni mwenye, AMBUJE Ŵamaciligosope.”

Yelemiya 23:29

Ana maloŵe gangu nganigaŵa mpela moto, nambo soni mpela nyundo jajikusakasa lwala?

Matayo 3:11

Une ngusinam'batisya jemanja ni mesi, kulosya kuti mpitikwice mitima. Nambo jwele jwakwisa panyuma pangujo tacimbatisya jemanja ni Msimu Ŵaswela ni moto. Jwalakwejo ali jwamkulungwa kumbunda une, mwakuti nganguŵajilwa kunyakula sapato syakwe.

Matayo 3:15

Nambo Yesu ŵajanjile kuti, “Kundani sambano jino, ligongo naga tukutenda myoyo, tukwanilisye yosope yiŵasacile Mlungu.” Myoyo Yohane ŵakundile.

Luka 24:32

Jemanjajo ŵatandite kuwusyana jwine ni mjakwe acitiji kuti, “Mitima jetu jatesile mpela jikolele moto pa ndaŵi jaŵeceteje ni uwe, ni kutulondecesya ya Malemba mwitala mula.”

Masengo 1:15

Gali gapite masiku gapanandi, Petulo ŵajimi pasikati pa ŵakulupililawo. (Ŵanduwo ŵaliji ŵakwana 120). Nipo Petulo ŵatite,

Masengo 2:11

Ayuda ni ŵandu ŵane ŵiŵakuyaga ya dini ja Ciyuda, nipo ŵane ŵa uwe tukutyocela ku Kilete ni kwa Alebiya, nambope wosopewe tukwapikana alimkuŵeceta myiŵeceto yetu kwamba ya masengo gamakulungwa gatesile Mlungu.”

Masengo 2:2

Mwacisisimucisya kwapikanice lisegwe kutyocela kwinani mpela mkokomo wa mbungo jamacili ni jagumbele m'nyumba mosope mwele muŵaliji mkutama mula.

Masengo 2:4

Wosope ŵala ŵapocele Msimu Ŵaswela ni ŵatandite kuŵeceta yiŵeceto ya cilendo,* mpela yiŵatite Msimuwo pakwaŵecetekasya.

1 Akoli 12:10

Msimu Ŵaswela akusapeleka macili gakutenda yakusimonjesya, jwine mtuka wakulalicila maloŵe ga Mlungu, jwine lunda lwakupakombola kulekanganya sikati ja mituka jakutyocela kwa Msimu Ŵaswela ni mituka jele nganijiŵa. Akusampa jwine mtuka wakuŵeceta yiŵeceto ya cilendo,* soni akusampa jwine mtuka wakugopolela ciŵecetoco.

Yakobo 3:6

Lulumi luli mpela moto. Ligongo lyakuti luli sikati ja yiŵalo ya cilu cetu, lukusacisakasya cilu cetu cosope. Lukusasakasya ndamo syosope sya mundu. Lukusapamba moto mu umi wetu wosope, kutandila pakupagwa, kuyicila lisiku lyakuwa; moto wakwe uli wakutyocela ku Jahena.*

Chunukuko 11:3

Tinjituma mboni syangu siŵili syetakule yisaka, kuti jemanjajo talalicile maloŵe gakutyocela kwa Mlungu kwa masiku 1,260.”

Chunukuko 14:6

Kaneko naliweni lilayika line lili mkuguluka mwinani. Lyakwete Ngani Syambone* syangamala syakuti akalalicile kwa ŵandu ŵa cilambo capasi, kwa ŵandu ŵa mtundu uliwose, ŵa lukosyo lululose, ni ŵa ciŵeceto cilicose.