Masengo 1:3 - Chiyawo Bible

³ Kwa masiku makumi mcece panyuma pakuwulajidwa kwakwe, ŵalilosisye kakajinji mwakwasimicisya ŵanduwo kuti ali ŵacijumi. Ŵanduwo ŵam'weni Yesu, ni ŵaŵecete nawo ya Ucimwene wa Mlungu.*

Lilangano lya Sambano

³ Kwa moŵa alobaini pakumala chiwa chao, Che Yesu ŵaakopochele ŵanyawo sooni ni sooni achilosyaga kuti ŵaliji ŵajumi. Ŵanyawo ŵammweni nombejo ŵaŵechete nawo yankati Umwenye wa Akunnungu.

Masengo 1:3 Iomraidhean Croise

1 Ayi 19:8

Eliya ŵala ŵajimwice, ŵalile mkate ni kumwela mesi. Nipo cakulyaco campele macili gakupakombola kwenda ulendo wa masiku 40 mpaka kuja kwika ku Sinayi, Litumbi lya Mlungu.

Matayo 21:43

“Ni ligongo lyakwe ngumsalicisya jemanja kuti, Mlungu tacimsumula Ucimwene wakwe ni kuwupeleka kwa ŵandu ŵane ŵitacimpikanila ni kupeleka yisogosi yakwe yakwenela.” [

Matayo 28:9

Mwacisisimucisya Yesu ŵasimangene nawo ni ŵatite, “Monitu mwanja mama!” Jemanjajo ŵayice ni kumŵandicila soni ŵakamwile sajo syakwe, nipo ŵamlambile.

Matayo 3:2

Ŵatiji, “Mpitikuce mitima jenu ni kuleka kutenda ulemwa, pakuti Ucimwene wa kwinani uŵandicile.”

Matayo 4:2

Kwa masiku makumi mcece Yesu nganalya kandu kalikose musi ni cilo, mwakuti jamkwete sala.

Maliko 16:19

Ambuje Yesu piŵamasile kuŵecetana nawo, ŵajigalidwe kwawula kwinani, nipo ŵajile kutama ku mkono wamlyo wa Mlungu.

Yohana 20:26

Gali gapite masiku msano ni gatatu ŵakulijiganya ŵakwe ŵala ŵasongene soni mkati mwa nyumba mula, nipo Tomasi ŵaliji nawo yalumo. Matanga galiji gewugale ni maloko, nambo Yesu ŵayice ni kwima pasikati pawo nipo ŵatite, “Mtendele uŵe ni jemanja.”

Yohana 21:1

Gali gapite masiku ga panandi, Yesu* ŵalilosisye soni kwa ŵakulijiganya* ŵakwe ku Nyasa ja Tibeliya. Amu ni muyatendecele:

Yohana 21:14

Aji jaliji ndaŵi jatatu jiŵalilosisye Yesu kwa ŵakulijiganya ŵakwe Mlungu ali amjimwisye ku ŵawe.

Masengo 13:31

ni kwa masiku gejinji ŵawonecele kwa ŵandu ŵala, nipo ŵajesile nawo kutyocela ku Galileya kwawula ku Yelusalemu. Jemanjajo ni ŵakumtendela umboni kwa ŵandu sambano.

Masengo 19:8

Paulo ŵajinjile m'nyumba ja kupopelela, nipo kwa miesi jitatu ŵaliji mkuŵeceta mwakulimba mtima. Ŵaŵecetaga ni ŵanduwo ya Ucimwene wa Mlungu,* ni ŵalingaga kwakopa.

Masengo 28:23

Pelepo ŵapangene ni Paulo lisiku, nipo ŵandu ŵajinji ŵayice ku nyumba kwele Paulo ŵatamaga. Kutandila kundaŵi mpaka ligulo, Paulo ŵaliji mkwasalila ya Ucimwene wa Mlungu.* Nipo ŵasakaga kuti amkulupilile Yesu,* pakwasalila Malamusi ga Mose* nambo soni ya m'mabuku ga ŵakulocesya.

Masengo 28:31

Ŵalalicile ya Ucimwene wa Mlungu ni kwiganya ya Ambuje Yesu Klistu* pakulanguka pangajogopa jwine kumlekasya.

Masengo 8:12

Nambo Filipi piŵalalicilaga Ngani Syambone syakusala ya Ucimwene wa Mlungu* nipo soni lina lya Yesu Klistu, ŵandu ŵakulupilile, nipo ŵabatisidwe acalume ni acakongwe wakwe.

Ŵaloma 14:17

Pakuti mu Ucimwene wa Mlungu* cakusosekwa mnope ngaŵa cakulya kapena cakumwa, nambo cilungamo, mtendele ni lukondwa yakusapeleka Msimu Ŵaswela.

Detulonomo 9:18

Natindiŵele ni kupopela pameso pawo AMBUJE kwa masiku makumi mcece, musi ni cilo. Nganindya kapena kumwa kandu, ligongo lya jemanja ŵimwatesile ulemwa ni kwatumbilisya AMBUJE, pakupanganya mlungu jwa mwanace jwa ng'ombe jwa cisyano jula.

Detulonomo 9:9

Une nakwesile litumbi kuja kupocela mawubawo gaŵili ga maganga giŵalembilepo Cilanga ciŵapangene ni jemanja, AMBUJE. Natemi kweleko masiku makumi mcece, musi ni cilo, ni nganindya kapena kumwa kandu kalikose.

Ŵakolosai 1:13

Ŵatukulupwisye ku macili gacipi, ni ŵatujinjisye mu Ucimwene wa Mwanagwawo jwakunonyelwa.

1 Ates 2:12

Twamlimbisyaga mitima, kumsangalasya ni kumŵenda kuti ndamo syenu siŵeje syakumnonyelesya Mlungu, jwele jwakumŵilanga kuti mkajinjile mu Ucimwene wakwe wa lumbili.

1 Yohana 1:1

Tukumlembela jemanja ya Jwalakwe jula jwele juŵapali kutyocela pandanda pene picapanganyidwaga cilambo capasi, jwele jutwampikene, kumwona ni meso getu ni kumkwaya ni magasa getu. Jwalakwejo ali Liloŵe lyakupeleka umi.