Masalimo 99:8 - Chiyawo Bible

⁸ AMBUJE Mlungu jwetu, ŵalakwe ŵajangaga jemanjajo; ŵalakwe ŵaliji mkwakululucila, nambo soni ŵaliji mkupocela cilango ligongo lya yitendo yawo yakusakala.

Masalimo 99:8 Iomraidhean Croise

2 Sam 12:14

Nambo, pakuŵa ŵatesile yindu yeleyi ŵalakwe, ni kuti ŵanyosisye AMBUJE mnope, mwanace jutacimŵelecelajo taciwa.”

Masalimo 78:38

Nambo Mlungu pakuŵa ali jwa canasa, ŵakululucile yakulemwa yawo, nganiŵajonanga kose jemanjajo. Kaŵili kaŵili ŵalilekasyaga kutumbila, nganakunda kwimusya ukali ŵawo wosope.

Masalimo 89:33

Nambo ngisinamtyocesya cinonyelo cangu cangamala Daudi, ngasindama jwangakulupicika kwa jwalakwe.

Ekisodo 32:2

Myoyo Aloni ŵasalile ŵanduwo kuti, “Mkatyosye ndolo sya golidi* syawete m'mapikanilo aciŵamkwenu, ŵanace wenu ŵacalume ni ŵacakongwe ŵakwe, ni myice nayo kwa une.”

Ekisodo 34:7

Akusalosya cinonyelo cawo cangamala kwa ŵandu ŵajinji, ni akwakululucila yakulemwa yawo, yangalumbana yawo ni ulemwa* wawo. Nambo ngasiŵalecelela ŵakulemwa, ni tacipeleka yipwetesi kwa ŵanace ŵawo ni kwa yisukulu yawo, mpaka mpago watatu mpaka wa mcece, ligongo lya yakusakala ya acatati ŵawo.”

Jwak 7:29

Nalijiganyisye cindu cimo cakuti, Mlungu pakumpanganya mundu, ŵampele mtima wambone, nambo uwe tukusakuya matala getu gakusakala.

Yelemiya 46:28

AMBUJE akumsalila Yakobo* kuti, m'mwe jwakutumicila jwangu, tinjiyika kukumkulupusya. Tinjijonaga mitundu josope ja ŵandu ja ku yilambo kunamtopocesye jemanja. Nambo une ngisinimjonanga jemanja, elo cilango tinjimpa mpela muyikuŵajila kuŵela, une ngaŵa kumlecelela ngampa cilango.”

Sefaniya 3:7

Naganisisye kuti kusyene ŵandu ŵangu tanjogope, ni kwiticisya cilango cangu, soni kuti ngaliŵalila malamusi gangu. Nambo kaneka ni ŵatandite kutenda yakusakala yamkinatendeje.

Numeli 20:12

Nambo AMBUJE ŵatite kwa Mose ni Aloni, “Ligongo lyakuti mkanile kukulupilila macili gangu gamaswela pameso pa mpingo wa Aisalaeli, ngasimwalongolela soni pakwajinjisya cilambo cinaŵisile cilanga* kuti tinjipeleka kwa jemanjajo.”

Numeli 20:24

“Aloni ngaja kwinjila ku cilambo cinatesile cilanga kuti tinjipeleka kwa Aisalaeli, tawe, ligongo jemanja wosope ŵaŵili nganimpikanila lilamusi lyangu ku Meliba.

Ŵaloma 1:21

Atamose kuti jemanjajo ŵam'manyi Mlungu, m'malo mwakuti amlumbe jwalakwejo kapena kumtogolela, nganisyo sya ŵanduwo syaliji syangali mate, nipo soni m'mitwe mwawo mugumbele ni nganisyo syakusakala.

Detulonomo 3:26

“AMBUJE ŵandumbilile uneji ligongo lya jemanja, ni nginambikanila kose. M'malo mwakwe ŵagambile kungalipila kuti, ‘M'mwe! Mlece mkaŵeceta soni, ngangusosa kujipikana soni ngani jeleji.