Masalimo 99:4 - Chiyawo Bible

⁴ Ŵalakwe mwenye jwamacili, ŵakunonyelwa ni kulamula kwambone, ajiŵisile ndamo jangali lusagu, ni kulamula kwagoloka mcilambo ca Yakobo.*

Masalimo 99:4 Iomraidhean Croise

Yobu 37:23

Macili ga Mlungu gali gakogoya mwakuti uwe ngaŵa mkupakombola kumŵandicila jwalakwejo. Jwalakwejo ali jwakulungama ni jwa cilungamo pa ŵandu.

Masalimo 11:7

Pakuŵa AMBUJE ali ŵakulungamika, soni akuyinonyela yitendo yambone, ŵakutenda yambone tacijiwona ngope jakwe.

Masalimo 98:9

pakuŵa akwisa kukulamula cilambo capasi. Tacilamula ŵandu ŵa ngosyo syosope mwakulungamika ni mwangali lusagu.

Yesaya 42:4

Ngasalepela kapena kwasa mtima, mpaka ali atamilisye cilungamo pa cilambo capasi. Ŵandu ŵa yilambo yine akwembecela malamusi gakwe.”

Yesaya 61:11

Kusyene mpela mbeju musikusamelela ni kula, AMBUJE tacakulupusya ŵangu ŵakwe, Nipo mitundu josope tijicalumba AMBUJEWO.

Yesaya 9:7

Macili ga ulamusi wakwe tigaciŵa gangali mbesi, ucimwene wakwe tiwuciŵa wa mtendele ndaŵi syosope. Tacilamula mpela muŵatendele nangolo jwakwe Mwenye Daudi,* ulamusi wakwe taciwutamilisya ni kuwulimbanganya, pakulosya cilungamo soni kulungamika, kutandila ndaŵi jelejo mpaka ndaŵi syangamala. AMBUJE* Ŵamaciligosope akwete lung'wanu lwakuyitenda yosopeyi.

Yelemiya 23:5

AMBUJE akuŵeceta kuti, “Ndaŵi jikwisa jitinjisagula mwenye jwakulupicika cisukulu ca Daudi.* Mwenye jwelejo tacilamulila mwa lunda ni kutenda yayili yakulungamika ni ya cilungamo mcilambo mosope.

Detulonomo 10:18

Akulolecesya kuti ŵanace ŵamasije ni acakongwe ŵamasije* akutama cenene. Akwanonyela ŵandu ŵa cilendo ŵakutama m'misi mwenu, ni akwapa yakulya pamo ni yakuwala yakwe.

Yuda 1:15

Akwisa kukwalamula ŵandu wosope. Ŵandu ŵangalumbana tapocele cilango ligongo lya yindu yakusatenda, soni ligongo lya maloŵe gosope gacabe gakusaŵeceta mwakwasisya Ambuje.”

Chunukuko 19:11

Kaneko nakuweni kwinani kuli kwewuguce, nipo japali haci jeswela. Jwakukwelapo jwakwe akusaŵilanjidwa ni lina lyakuti “Jwakulupicika nambo soni Jwakuwona.” Ni kulungamika kwakweko akusalamula ni kuputa ngondo syakwe.

Chunukuko 19:16

Pa mkanjo wakwe nambo soni pa ciga cakwe palembedwe lina lyakuti: “Mcimwene jwa ayimwene wosope ni Ambuje ŵa acambuje wosope.”