Masalimo 99:3 - Chiyawo Bible

³ Wosope alilumbe lina lyakwe lyalikulungwa ni lyakogoya; jwalakwe ali Jwamswela.

Masalimo 99:3 Iomraidhean Croise

Nehemiya 1:5

Natite kuti, “AMBUJE,* Mlungu jwakwinani, jwamkulungwa ni jwakogoya, jwakusasunga cilanga* cakwe ni kulosya cinonyelo cangacenga kwa ŵandu ŵakusiŵanonyelaga wawo ni kusunga malamusi ga wawo.

Nehemiya 4:14

Nambo pinaweni kuti ŵanduwo akudandawula, nasalile jemanjajo pamo ni acimlongola ni acakulungwa ŵakulamulila kuti, “Mkasimwajogopa amagongo ŵetuŵa. Mkumbucile kuti AMBUJE ali ŵamacili nambo soni ŵakogoya, sambano mwaputile ngondo acalongo acimjenu, ŵanace ŵenu, aciŵamkwenu, ni nyumba syenu!”

Nehemiya 9:32

“AMBUJE Mlungu, wawo ali ŵakulungwa, ŵakogoya ni ŵamacili! Wawo akusasunga cilanga cawo mwakulupicika. Conde akumbucile yisawusyo yosope ya ŵandu ŵawo, acayimwene, acimlongola, ŵakutaga mbopesi, ŵakulocesya, acinangolo ŵetu, ni ŵandu wosope, kutyocela ndaŵi ja acayimwene ŵa ku Asiliya mpaka sambano jino.

Nehemiya 9:5

Alefi ŵakuyicisyaŵa mpela Yeswa, Kadimiyele, Bani, Hashabineya, Shelebiya, Hodiya, Shebaniya, ni Petahiya ŵasalile ŵanduwo kuti: “Mjime kuti mwalumbe AMBUJE Mlungu jwenu; mwalumbeje ŵalakwejo mpaka kalakala! Jwalijose alilumbe lina lyakwe lya ucimbicimbi, lyele ŵandu ngaŵa mkulikombola kulicimbicisya ni kulilumba mwakwanila.”

Masalimo 100:4

Jinjilani ku yipata yakwe mli mkutogolela, mjinjile m'Nyumba jakwe ni malumbo, mumtogolele AMBUJE ni kulicimbicisya lina lyakwe.

Masalimo 103:1

Mtima ŵangu, wacimbicisye AMBUJE,* umi ŵangu wosope ucimbicisye lina lyawo lyaliswela.

Masalimo 111:9

Ŵakulupwisye ŵandu ŵawo, ŵaciŵisile cilanga cawo kuti ciŵe cangamala. Lina lyawo lili lyaliswela ni lyagoloka.

Masalimo 145:17

AMBUJE ali ŵagoloka myitendo yawo, soni ŵacanasa pa yosope yakutenda.

Masalimo 66:3

Msale kwa Mlungu kuti, “Masengo gawo gali gakusimonjeka. Macili gawo gali gamakulungwa kwakuti amagongo ŵawo akwajinamila ŵalakwe ni woga.

Masalimo 76:1

Mlungu ali jwakumanyika mcilambo ca Yuda, lina lyawo lili lyalikulungwa mu Isalaeli.

Masalimo 76:12

Jwalakwe ni jwakwasumula macili ŵandu ŵakulamula, ni kwajogoya ayimwene ŵa pa cilambo capasi.

Yesaya 6:3

Aselafi ŵakolanganaga kuti: “Ŵaswela, Ŵaswela, Ŵaswela! AMBUJE Ŵamaciligosope cilambo cosope capasi cigumbele lumbili lwakwe.”

Yelemiya 20:11

Nambo AMBUJE ali ni une, jwalakwejo ni msilikali jwakogoya. Ali ni ligongo lyakwe ŵandu ŵakundagasya une tacilepela ngisambunda une. Tacitenda soni mnope ligongo lyakundepelako, soni syawosyo ngasisiliŵalicika mpaka kalakala.

Yohana 17:11

Nipo sambano ngwisa kwa wawojo, pangakaŵapa ngamba soni mcilambo capasi cino, nambo jemanjaji tacipitilisya kuŵape mcilambo muno. Atati ŵangu, ŵali Ŵaswela! Ŵasunje ni macili gawo, macili giŵambele une, kuti aŵe ŵamo mpela mutuŵelele wawojo ni une.

Detulonomo 28:58

“Naga ngamkuja kugapikanila mwakulupicika malamusi gosope ga AMBUJE Mlungu jwenu, galembedwe m'buku ajino, soni naga ngamkuja kulicimbicisya lina lyakusimonjeka ni lyakutesya woga lya AMBUJE Mlungu jwenu,

Detulonomo 7:21

Mkajogopa ŵandu ŵeleŵa, pakuŵa AMBUJE mlungu jwenu ali ni jemanja. Jwalakweju ali Mlungu jwamkulungwa jwakwenela kumjogopa.

Yoswa 24:19

Yoswa ŵatite kwa ŵandu, “Nambo nganiciŵatu cindu cakoloŵa kwatumicila AMBUJE. Ŵele ali Mlungu jwamswela nipo ngasiŵakululucila ulemwa* wawo. Ngasiŵalecelela ŵali ŵangakulupicika kwa AMBUJE.

Chunukuko 4:8

Ca umi cilicose cakwete mapapiko msano ni limo, soni yakwete meso posepose ni mkati mwakwe. Cilo ni musi yaliji mkwimba mwangalecesya kuti, “Ŵaswela, ŵaswela, ŵaswela ali Ambuje, Mlungu Jwamaciligosope juŵapali, jwapali, ni jwele jwakwisa.”

1 Sam 2:2

“Pangali soni jwine jwamswela jwakulandana ni ŵalakwe AMBUJE, pangali jwine nambo jwalakwe pejo. Pangali jwakucinjilicisya jwine jwakulandana ni Mlungu jwetu.