Masalimo 99:1 - Chiyawo Bible

¹ AMBUJE* ali mwenye; mitundu ja ŵandu jitetemele. Jwalakwe akutama pa akelubi mpela citengu cakwe ca ucimwene, cilambo capasi citenganyice.

Masalimo 99:1 Iomraidhean Croise

2 Sam 6:2

Ŵanyakwice Daudi pamo ni asilikali ŵakwe ŵa ngondo wosope ŵele ŵiŵaliji nawo kutyocela ku Baala jwa ku Yuda kuti akajigale Libokosi lya Cilanga ca Mlungu. Libokosilyo lyamanyikaga soni ni lina lyakuti AMBUJE* Ŵamaciligosope, ŵakutama pa akelubi mpela pa citengu ca ucimwene.

1 Mbi 16:30

Mtetemele pameso pawo, jemanja ŵandu wosope ŵa cilambo capasi. Cilambo capasi citemi nji, nipo ngasicitenganyika.

Masalimo 18:10

Ŵakwesile pa akelubi ni ŵagulwice ŵajesile mwakwanguya ni mbepo.

Masalimo 2:6

“Une namsyene nimjinjisye kala mwenye jwangu,” jwalakwejo ali petumbi lyangu lyeswela lya Siyoni.

Masalimo 80:1

Atupikane Ŵalakwe Mkucinga jwa Isalaeli, ŵalakwe ŵakulongolela ŵandu ŵa Yosefe mpela ngondolo. Ŵalakwe ŵakutama pacanya pa akelubi mpela pa citengu cawo ca ucimwene,

Masalimo 80:2

alilosye asyene ku mitundu ja Efelemu ni Benjamini ni Manase. Agalosye macili gawo, ayice kutukulupusya.

Masalimo 82:5

Jemanjajo ngakumanyilila kandu soni nganakola lunda, akwamba kwenda mcipi; yilimbilimbi yosope ya cilambo capasi yitenganyice.

Masalimo 93:1

AMBUJE* ali mwenye. Aliwecice ucimbicimbi ni macili, ŵacitamice cilambo capasi, ngasicitenganyika kose.

Masalimo 96:10

Mjisalile mitundu ja ŵandu kuti, “AMBUJE ali mwenye! Elo, cilambo capasi ŵacilimbice, ngasicitenganyika kose; tacijilamula mitundu josope ja ŵandu mwagoloka.”

Masalimo 96:9

Mumpopele AMBUJE mciwalaga yayiswela, tetemelani pameso pakwe, jemanja ŵandu ŵa cilambo capasi cosope.

Masalimo 97:1

AMBUJE* ali mwenye, ŵandu ŵa pa cilambo capasi asangalale. Ŵandu wosope ŵa mumbali mwa nyasa asangalale.

Masalimo 97:4

Kumesya kwa njasi syakwe sikulangusya cilambo cosope capasi, ŵandu wosope akusalola ni kutetemela.

Ekisodo 25:22

Tinjisimana ni m'mwejo pelepo, ni tinjiŵecetana namwe kutyocela pacanya pa ciwuniko, pasikati pa akelubi ŵaŵili awo ŵali pacanya pa libokosilyo, tinjimpa malamusi gakuti mwasalile Aisalaeli.

Yesaya 19:14

AMBUJE acisokonesye cilambo ca Iguputo. Ŵandu ŵa mcilamboco agamba kupepeluka pakutenda yiliyose, akupepeluka mpela mundu jwakolelwa ukana pakutapika.

Yelemiya 4:24

Nalolite soni kwinani, ni kwaliji kwangali lilanguka. Nalolite ku matumbi, ni galiji mkutenganyika, ni mikuli josope jaliji mkusejelana aku naku.

Yelemiya 49:21

Cilambo capasi ticicitetemela ligongo lya kugwa kwawo. Kulila kwawo tikucipikanika mpaka ku Nyasa Jecejewu.*

Yelemiya 5:22

Une ndili AMBUJE, ana ngamkutenda woga ni Une? Ana ngamtetemela pameso pangu? Une ni junaŵisile mcenga kuti uŵe malile ga nyasa, gele nyasajo ngaŵamkomboleka kugapunda. Atamose matumbela gakukume camtuli ngaŵa mkomboleka kupelenganyapo. Atamose matumbela gakukume camtuli, ngaŵa mkomboleka kupelenganyapo.

Yelemiya 50:46

Cilambo cosope capasi ticicitetemela ligongo lyakugwa kwa msinda wa Babiloni. Kulila kwakwe tikucipikanika pasikati pa mitundu josope ja ŵandu.”

Esek 43:7

Ŵasalile kuti, “M'mwe mwanace jwa mundu, malo gano ni malo ga citengu ca ucimwene wangu, malo gele gingusaliŵataga ni sajo syangu. Akuno ni kwele kucinjitama ni ŵandu ŵangu Aisalaeli mpaka kalakala. Jemanjajo atamose ayimwene ŵawo ngasalisakasya lina lyangu lyeswela pakuŵa ŵangakulupilila kapena pakusika mitembo ja ayimwene ŵawo kuyikwesya ya kupopelela.

Luka 19:12

Jwalakwejo jwatite, “Jwapali mundu jwine juŵaliji nduna nipo ŵapite ku cilambo cakwakutalika kuti akamjinjisye ucimwene nipo panyuma pakwe awujile kumusi.

Luka 19:14

Nambo ŵa mcilambo mwakwemo ŵaŵenganaga najo, nipo ŵatumisye mitenga kukusala kuti, ‘Uwe ngatukusaka kuti mundu jweleju aŵe mwenye jwetu.’

Luka 19:27

Nambo kwamba ya amagongo ŵangu ŵiŵasosaga kuti une ngaŵa mwenye jwawo ŵala, myice nawo apano ni mwawulaje une ndili mkulola.’ ”

Ŵafilipi 2:12

Ali ni ligongo lyakwe ŵakunonyeledwa acimjangu, mŵele mli ŵakupikanila ndaŵi syosope kutyocela pa ndaŵi jinaliji ni jemanja. Nambo sambano pinganimba ni jemanja, mŵeje ŵakupikanila mnope. Mpitilisye ni kwikasya cikulupi cenu pasyesyene mwa woga ni mwakutetemela.

Chunukuko 11:17

Jemanjajo ŵatite kuti, “Ambuje Mlungu ŵamacili gosope, Ŵalakwe ŵapali nipo ŵapali kala! Tukwatogolela ligongo lyakuti alosisye macili gawo gekulungwa, soni ŵalakwe atandite kuwutamilisya ucimwene wawo.

Chunukuko 20:11

Kaneko naciweni citengu ceswela ni jwele jwakusatama pelepo. Cilambo capasi ni ca kwinani yatisile pameso pakwe, mwakuti nganiyiwoneka soni.

Chunukuko 6:14

Liwunde lyatyosile mpela yakusati pakuwutandukula ugono. Litumbi lililyose ni cilumba cilicose yasejecekwe pa malo piyaliji.