Masalimo 92:3 - Chiyawo Bible

³ pakwimba nyimbo syakusalala ni gitala, cing'wenyeng'wenye ni pangwe.

Masalimo 92:3 Iomraidhean Croise

1 Mbi 13:8

Pandaŵi jeleji Daudi ni ŵandu wosope ŵaliji mkuŵina mwamacili gawo gosope kwacimbicisya Mlungu, ali mkwimba nyimbo ni yida yakwimbila ya ngonji, mpela, tugoma, micekece ni malipenga.

1 Mbi 15:16

Daudi ŵalamwile acimlongola ŵa Alefi kuti asagule ŵane mwa ŵandu ŵa mwiŵasa lya Alefi kuti ajimbeje ni kulisya mwamacili yida yawo yakwimbila ya ngonji, ni micekece.

1 Mbi 23:30

Kundaŵi kulikose ni ligulo lililyose ŵatogolelaga ni kwalambila AMBUJE.

1 Mbi 25:6

Ŵanace wosopeŵa ŵajimbaga micekece ni yida yakwimbila ya ngonji ku Nyumba ja AMBUJE. Ŵakulongolela ŵawo ŵaliji baba ŵawo. Nipo Asafu, Yedutuni ni Hemani ŵalamulwaga ni mwenye.

2 Mbi 20:28

Piŵayice ku Yelusalemu, jemanjajo ŵajesile kwawula ku Nyumba ja AMBUJE aku ali mkwimba yida yakwimbila ya ngonji ni malipenga.

2 Mbi 23:5

likuga line tililondeleje ku nyumba ja mwenye, nipo likuga line tililondeleje pa mlango wa cipata cekulungwa. Ŵandu wosope tacisongana ku luŵala lwa mkati mwa Nyumba ja AMBUJE.

2 Mbi 29:25

Hesekiya ŵaŵisile Alefi m'malo mwawo m'Nyumba ja AMBUJE kuti ajimbeje ni yida ya ngonji, malipenga ni micekece, pakugakuya Malamusi ga AMBUJE giŵapelece kwa Mwenye Daudi kupitila kwa Gadi ni kwa Natani ŵakulocesya ŵa mwenye.

Nehemiya 12:27

Ŵandu piŵatiga kuti apelece lipupa lya msinda ŵa Yelusalemu, ŵaŵilasile Alefi wosope kutyocela kulikose kuŵatamaga kuti ayice ku Yelusalemu kukutenda msyungu wakupeleka lipupalyo mwalukondwa, mwakutogolela soni pakwimba nyimbo ni micekece ni yida yakwimbila ya ngonji.

Masalimo 149:3

Alilumbe lina lyakwe aciŵinaga; amjimbile nyimbo jakunonyelesya ni ngoma ni cida cakwimbila ca ngonji.

Masalimo 33:2

Mwalumbe AMBUJE ni yida yakwimbila ya ngonji; mwajimbile ŵelewo ni yida yakwimbila ya ngonji likumi.

Masalimo 42:9

Nguwusya kwa Mlungu, lwala lwangu kuti, “Ligongo cici andiŵalile? Ligongo cici ngwenda ndili mkulila, ligongo lyakalalisya kwa m'magongo jwangu?”

Masalimo 57:8

Jimukani m'mwe umi wangu. Jimukani, m'mwe cida cakwimbila ca ngonji ni pangwe tinjijimuka lyuŵa mkanilikopoce.

Masalimo 68:25

Ŵakwimba nyimbo ali alongolele, ŵagomba yida yakwimbila ya ngonji acikuyaga munyuma, aciŵali ŵakugomba ngoma ali pasikati.

Masalimo 9:16

AMBUJE alimanyisye asyene kwa ŵandu wosope, mwakulamula kwawo kwa cilungamo; ŵangalumbanawo ŵatanjile mu yitendo yawo.

1 Sam 10:5

Kaneko timkayice ku Litumbi lya Mlungu ku Gibeya kwele kuli likuga lya ngondo lya Afilisiti. Patimkaŵandicile pa cipata cakwinjilila mu msinda timkasimane ni likuga lya ŵakulocesya ali mkutuluka kutyocela ku malo gakupelecela mbopesi kwitumbi aku ali mkwimba ni yida yakwimbila ya ngonji, ngoma ni yitolilo kwineku ali mkulocesya.