Masalimo 9:1 - Chiyawo Bible

¹ Tinjatogolela AMBUJE,* ni mtima wangu wosope; tinjasalila ŵandu ya yitendo yawo yosope yakusimonjesya.

Masalimo 9:1 Iomraidhean Croise

1 Mbi 16:12

Jemanja yisukulu ya Abulahamu,* ŵakutumicila ŵakwe; jemanja yisukulu ya Yakobo,* mundu jwele AMBUJE ŵamsagwile; mkumbucileje masengo gakumasya lunda ga AMBUJE ni mwele muŵalamulilaga ŵandu.

1 Mbi 16:24

Mjenesye ya lumbili lwakwe kwa ngosyo syosope ni masengo gakwe ga gakusimonjesya kwa ŵandu wosope.

Masalimo 106:2

Ana ŵani mpaka apakombole kuŵeceta ya masengo gekulungwa gapanganyisye jwalakwejo? Ana ŵani mpaka apakombole kwalumba mwakwanila?

Masalimo 111:1

Mwalumbe AMBUJE!* Tinjatogolela AMBUJE ni mtima wangu wosope, pa msongano ŵa ŵandu ŵagoloka mtima.

Masalimo 138:1

Ngwatogolela ŵalakwe AMBUJE,* ni mtima wangu wosope. Ngwimba nyimbo syakwalumba ŵalakwe pameso pa milungu.

Masalimo 26:7

Ngwimba nyimbo mwakwesya maloŵe, nyimbo jakutogolela; ni kwenesya ya masengo gawo gakusimonjesya.

Masalimo 51:15

AMBUJE,* awugule ngomo syangu, ni pakamwa pangu tipaciŵeceta yakwalumba ŵalakwe.

Masalimo 7:17

Ngusinatogolela AMBUJE ligongo lyakuti ali ŵakulungamika, tinjijimba nyimbo syakwalumba AMBUJE, Jwakwinani Mnope.

Masalimo 86:12

Ŵalakwe AMBUJE Mlungu jwangu, ngwatogolela ni mtima wangu wosope, tinjililumba lina lyawo yaka yosope.

Masalimo 9:14

Kuti nipakombole kutogolela pa masengo gawo gosope, pasikati pa ŵandu ŵa mu Siyoni. Kusyene tinjiŵa jwakusengwa ligongo angulupwisye.

Yesaya 12:1

Lisiku lyelelo jwalijose jwa jemanja taciti: “Ngwatogolela ŵalakwe AMBUJE!* Wawo ŵambilile mtima nambope ŵalakwe ŵangululucile, nipo ŵalakwe alimbikasisye mtima.

Yesaya 43:21

Ŵelewo ali ŵandu ŵangu unalipanganyicisye, kuti ajimbeje nyimbo syakulumba Une.”

Yesaya 60:6

Kuciyika likuga lyekulungwa lya ngamila,* ŵanace ŵa ngamila, kutyocela ku Midiyani ni ku Efa. Wosope ŵa ku Sheba taciyika. Taciŵa ali ajigele golidi* ni ubani* nipo tacalumba AMBUJE ni lisegwe.

Luka 10:27

Mundu jula jwajanjile kuti, “Mwanonyeleje Ambuje Mlungu jwenu ni mtima wenu wosope, ni umi wenu wosope, ni macili genu gosope ni lunda lwenu losope, mumnonyeleje soni mjenu mpela yimkuti pakulinonyela mwasyene.”

Ŵaeblania 13:15

Kwende ndaŵi syosope tumlumbeje Mlungu mwangalecesya mpela kupeleka mbopesi kupitila mwa Yesu, nipo kuti tukupeleka maloŵe getu mpela mbopesi jakwiticisya lina lyakwe.

Chunukuko 15:3

Jemanjajo ŵaliji mkwimba nyimbo ja Mose* jwakutumicila jwa Mlungu, ni nyimbo ja Mwanace Jwangondolo jula. Mu nyimbomo ŵatiji kuti: “Ambuje, Mlungu Jwamaciligosope yitendo ya ŵalakwe yili yekulungwa ni yakusimonjesya. Ŵalakwe ali mwenye jwa mitundu josope ja ŵandu soni matala gawo gali gagoloka ni gakulungamika.