Masalimo 82:8 - Chiyawo Bible

⁸ Ajimuce, Ŵalakwe Mlungu, alamulile cilambo capasi, pakuŵa ngosyo syosope sya ŵandu sili syawo ŵalakwe.

Masalimo 82:8 Iomraidhean Croise

Masalimo 102:13

Ŵalakwe tacijimuka, ni kuwutendela canasa msinda wa Siyoni;* kusyene ndaŵi jakuwutendela canasa jiyice.

Masalimo 12:5

Ligongo lyakuti ŵakulaga ŵasumwile yindu yawo, ni ŵakulaga akudandawula. AMBUJE akuti, “Tindendepo kandu sambano, tinakulupusye mpela mwakusacila jemanjajo.”

Masalimo 2:8

Naga mkuŵenda une, tinjijitenda mitundu josope; ni cilambo cosope kuŵa cenu.

Masalimo 22:28

Pakuŵa ulamusi uli wawo AMBUJE, Jwalakwe akwalamulila ŵandu ŵa mitundu josope.

Masalimo 44:26

Ajimuce, ni ayice kutukamucisya. Atukulupusye ligongo lya cinonyelo cawo cangamala.

Masalimo 7:6

Ajimuce, mwa ukali ŵalakwe AMBUJE, ajime ni kulimbana ni ukali wa amagongo ŵangu. Ajimuce mwamacili, Mlungu jwangu, pakuŵa ŵalakwe akusosa cilungamo.

Masalimo 76:10

Kusyene, kutumbila kwa ŵandu, kukwamba konjecesya lumbili lwawo, ŵatacikulupuka ku cilango cawo, tacitama mwakuŵandikana ni Ŵalakwe.

Masalimo 94:2

Ajimuce ŵalakwe ŵakulamula cilambo capasi; ŵape ŵakulikwesya cacikwaŵajila.

Masalimo 96:13

pameso pa AMBUJE, pakuŵa taciyika; kukulamula cilambo capasi. Tacalamula ŵandu wosope ŵa pa cilambo capasi mwakulupicika ni mwagoloka.

Yesaya 51:9

Mjimuce, AMBUJE, mjimuce mtukamucisye! Kamucisyani ni macili genu kuti gatukulupusya, mtende mumwatendelaga kala. Ana ngaŵa ŵawoji uŵamkatile Lahabu cilombo ca m'nyasa cila ni kucisoma cijoka ca m'nyasa cila?

Mika 7:2

Ŵandu ŵambone amasile pa cilambo capasi, pangali ni jumo jose jwali jwakulungamika. Wosope akuŵililana mwaciswamba. Jwalijose akumsakulila mjakwe ku ukonde.

Mika 7:7

Nambo une tinjijegamila pa AMBUJE. Tinjiŵika mtima wangu pa Mlungu mkulupusyo jwangu. Mlungu jwangu tacimbikana.

Sefaniya 3:8

“Munjembecele,” ni yakuti AMBUJE. “Mjembecele lisiku lyele litinjajimba magambo. Pakuti simicisye yakujisonganya mitundu ja ŵandu pampepe ni ma ucimwene gosope, kuti apikane kupweteka kwa lutumbilo lwangu. Cilambo cosope capasi ticicitinika ni moto wa ukali wa lutumbilo lwangu.”

Chunukuko 11:15

Kaneko lilayika lya msano ni kaŵili lyagombile lipenga lyakwe. Pilyatesile myoyo kwinani kwapikanice maloŵe gamacili. Maloŵe gatite kuti, “Sambano macili gakulamulila cilambo capasi gali m'myala mwa Ambuje ŵetu ni mwa jwakusagulidwa jwakwe jula, nipo tacilamulila mpaka ndaŵi syosope.”