Masalimo 82:5 - Chiyawo Bible

⁵ Jemanjajo ngakumanyilila kandu soni nganakola lunda, akwamba kwenda mcipi; yilimbilimbi yosope ya cilambo capasi yitenganyice.

Masalimo 82:5 Iomraidhean Croise

Yobu 8:9

Umi wetu ukusaŵa wawujipi mwakuti ngatukusamanyilila kandu. Masiku getu pa cilambo capasi pano gakusapita mpela mucikusapitila ciwilili.

Masalimo 11:3

Naga yilimbilimbi ya cilambo yijonasice, ana jwakulungamika mpaka atende cici?”

Masalimo 14:4

AMBUJE akuwusya kuti, “Ana ŵandu ŵakutenda yangalumbana ali ŵangali lunda camti myiyi? Ana wosope ŵakutenda yangalumbanaŵa ali ŵangamanyilila? Jemanjajo akuŵa cijumi pakwajiŵila ŵandu ŵangu, nipo jemanjajo ŵangapopela kwa une.”

Masalimo 53:4

Ana ŵandu ŵakutenda yangalumbanaŵa ngakumanyilila? Pakwalyaga ŵandu ŵangu mpela mwakusalila mkate; soni ngakumpopela Mlungu?

Masalimo 75:3

Pacikutenganyika cilambo capasi, ni yosope ya yikutama mwelemo. Une ni jungulimbisya misati jwakwe.”

Masalimo 99:1

AMBUJE* ali mwenye; mitundu ja ŵandu jitetemele. Jwalakwe akutama pa akelubi mpela citengu cakwe ca ucimwene, cilambo capasi citenganyice.

Misyungu 1:29

Ligongo mwaŵengene nalo lunda nambo soni nganimwajogopa AMBUJE.

Misyungu 2:13

Ŵele ŵakusaleka matala ga kulungamika ni kwendaga m'matala ga mcipi.

Misyungu 4:19

Litala lya ŵandu ŵakusakala lili mpela cipi cakogoya. Ŵandu ŵakusakala akusagwa, nambo ngakusamanyilila kuti cicakuŵesye ni cici pakuti agweje.

Jwak 2:14

Ŵandu ŵalunda akusajenda acilolaga kusogolo, nambo ŵakuloŵela akusajenda mwangalimanyilila.” Nambo namanyilile kuti cindu cacimtendekwele mundu jwalundajo, cicoco ticicimtendekwela soni mundu jwakuloŵelajo.

Jwak 3:16

Cindu cine cinaciweni pa cilambo capasi pano cili cakuti, papakwenela kuŵa cilungamo pakusimanikwaga kuti pangali cilungamo.

Yesaya 5:7

Mgunda wa mpeleya wa AMBUJE* Ŵamaciligosope uli ŵandu ŵa cilambo ca Isalaeli. Ŵandu ŵa cilambo ca Yuda ali mpeleya wakupandidwa ni AMBUJE. Ŵajembecelaga kuti ŵandu ŵeleŵa tatendeje yambone, nambo m'malo mwakwe ŵagambaga kuwulaga. Ŵajembecelaga cilungamo, nambo ŵagambile kupikana kulila kwa ŵandu ŵakulagasidwa.

Yesaya 59:9

Ŵandu akuti, “Ligongo lya yosopeyo cilungamo citutalicile, soni ngaŵa mkomboleka kutama mu umi wa uswela. Tukusasosasosa lilanguka, nambo tusagamba kusimana cipi. Tukusajembecela kuti tikucilanguka, nambo kuli cipi.

Mika 3:1

Une natite, mpikane jemanja acimlongola ŵa Isalaeli. Ana ngaŵaga jemanja ni ŵimkwenela kumanyilila cilungamo?

Yohana 12:35

Yesu ŵajanjile kuti, “Lilanguka tiliciŵa pasikati pawo kwa kandaŵi panandi. Mpitilisye kwenda mu lilangukali, kuti cipi cikasicimsimana, pakuŵa mundu jwakwenda mcipi jwangamanyilila kwakwawula.

Yohana 3:19

Amu ni muciciŵela cilamulo cakwe: lilanguka liyice mcilambo capasi, nambo ŵandu akunonyela cipi kupunda lilanguka, ligongo yitendo yawo yili yakusakala.

Ŵaloma 1:28

Pakuti jemanjajo nganayitendela masengo ya kumpikanila Mlungu, Mlungujo ŵalesile jemanjajo mu nganisyo syawo syakusakalasyo, pakuti ŵatendaga yangasosekwa.

2 Timoseo 2:19

Nambo cilimbilimbi cakulimbangana, cele ciŵaŵisile Mlungu, cili cakutamilicika nipo maloŵe galembedwe ni aga: “Ambuje akwamanyilila ŵele ŵali ŵakwe,” nipo soni, “Wosope ŵakuti ali ŵa Ambuje alece kutenda yangalumbana.”

1 Yohana 2:11

Mundu jwakusaŵengana ni mjakwe, jwelejo ali mu cipi, soni akwenda mu cipi. Akusaŵa ali ngakumanyilila kwele kwakwawula, ligongo lyakuti cipi cimsiŵile m'meso.