Masalimo 82:2 - Chiyawo Bible

² Akuti, “Timciŵa mkulamula mwangalungamika ni kulosya kwanonyela mnope ŵangalumbana mpaka cakaci?

Masalimo 82:2 Iomraidhean Croise

1 Ayi 18:21

Eliya ŵajimi pasogolo pa ŵanduwo ni ŵasalile kuti, “Ana timtame ŵandu ŵa mitima jiŵili mpaka cakaci? Naga AMBUJE ni ŵali Mlungu mwalambileje ŵelewo. Nambo naga Baala ni jwali Mlungu, mumlambileje jwalakwejo.” Ŵanduwo nganajanga maloŵe galigose.

2 Mbi 19:7

Msamalile pa yele yimkutenda soni mwacimbicisyeje AMBUJE, ligongo AMBUJE, Mlungu jwetu jwangalola mbali pakusaka kupeleka cilango, jwangali lusagu, soni jwalakwejo jwangapocela mbote ja cilo.”

Yobu 32:21

Ngandosya kumjimilila mundu jwalijose soni ngimbeceta mwakunyenjelela.

Yobu 34:19

Jwalakwejo jwangatenda ya lusagu kwa ŵakulamulila, kapena kwacimbicisya ŵakusicila kupunda ŵakulaga, pakuti Mlungujo ni juŵapanganyisye wosopewo ni magasa gakwe.

Masalimo 62:3

Ana jemanja wosope timcimjimucila mundu mpaka cakaci kuti mumgwisye mpela lipupa lyependece ni mpela lipupa lyakutenganyika?

Ekisodo 10:3

Mose ni Aloni* ŵajawile kwa Mwenye jwa ku Iguputo kuja kumsalila kuti, “AMBUJE, Mlungu jwa Ahebeli, akuwusya kuti, ‘Ana timkanepe kulitulusya pameso pangu mpaka cakaci? Mwakunde ŵandu ŵangu kuti ajawule, kuti akandumicile une.

Misyungu 18:5

Nganiciŵa cindu cambone kutenda lusagu pakunonyelesya magambo ga mundu jwakusakala, kapena kuwunicila meso melepe kumtendela ngalwe mundu jwambone.

Esek 45:9

AMBUJE Mlungu ŵatite kuti, “Mlemwisye kwa ndaŵi jajikulungwa, jemanja ŵakulamula ŵa ku Isalaeli. Alece ngalwe ni kwalagasya ŵandu. Atende cilungamo ni yambone. Mkasimwatyosya soni ŵandu ŵangu mcilambo cawo. Une, AMBUJE Mlungu ni yinguti.

Lefitiko 19:15

“Mŵe ŵakulupicika ni ŵa cilungamo, ndaŵi jimkulamula magambo, mkasimtenda lusagu pasikati pa ŵandu ŵakulaga ni ŵakusicila.

Matayo 17:17

Yesu ŵatite, “Aa! Ŵandu ŵa mpago awuno ŵangali cikulupi soni ŵa nganisyo syagulupanya! Ana nguŵajilwa kutama namwepe mpaka cakaci? Ana tinjipimilila namwe mpaka cakaci? Myice najo akuno mwanacejo.”

Ŵagalatia 2:6

Nambo kwa ŵele uŵatendekwe kuŵa acimlongola sikati ja ŵakulupilila nguŵeceta yeleyi ligongo lyakuti muŵaŵelele jemanjajo kala, une nganingola nayo masengo. Mlungu jwangajamuka ni mwakuwonecela mundu. Nguwilisya kuŵeceta soni kuti acimlongolawo nganasalila une kuti ndende cindu cine cakwe cakutindana ni yinalalicilagayo.

Detulonomo 1:17

Mkasimtenda lusagu pakulamula magambogo. Mundu jwalijose kutandila mundu wamba kapena jwamkulungwa, mlamule magambo gakwe mwacilungamo, mwangalekanganya. Mkasimumjogopa mundu jwalijose, ligongo kulamula kwenu kwa magambo kuli kwakutyocela kwa Mlungu. Naga magambo gane gakumsawusya kulamula, myice nago kwa une, une tinjilamula gele magambogo.’