Masalimo 81:8 - Chiyawo Bible

⁸ Jemanja ŵandu ŵangu, mpikane pangumtetela. Isalaeli nganonyele kuti mkambikanile une.

Masalimo 81:8 Iomraidhean Croise

Masalimo 50:7

“Mpikane ŵandu ŵangu, tinjiŵeceta; tinjipeleka umboni wakumgomeka jemanja Aisilayeli. Une ndili Mlungu, Mlungu jwenu.

Masalimo 81:13

Ŵandu ŵangu akambikanile, Aisilayeli akajesile m'matala gangu.

Ekisodo 15:26

AMBUJE ŵatite, “Naga mkumbikanila une, AMBUJE Mlungu jwenu, ni kutenda yindu yakulungamika, ni kugasunga malamusi gangu, ni kuyipikanila yosope yingumgombelesya kuti myitende, ngasinimpa cilango ca yilwele yili yose yinayipelece kwa Aiguputo. Ligongo une ndili AMBUJE ŵingusamposya jemanja.”

Ekisodo 17:7

Malogo ŵagapele mena gakuti Masa ni Meliba, ligongo lyakuti Aisalaeli ŵakanganile ni Mose, soni ŵamlinjile AMBUJE piŵawusisye kuti, “Ana AMBUJE ali pampepe ni um'weji, kapena iyayi?”

Ekisodo 19:16

Kundaŵi kwa lisiku lyakwelyo, kwapali kulindima ni kumesya kwa njasi, ni lyapali liwunde lyakandapala petumbipo, ni kulila kwakukulungwa kwa lipenga. Ŵandu wosope ŵaliji m'masakasa ŵatetemele ligongo wakamwile woga.

Yesaya 1:19

Naga mkulipeleka ni kumbikanila, timcilya yambone ya mcilambo.

Numeli 20:13

Ayi yatendece ku Meliba, kuŵadandawile ŵandu ŵa ku Isalaeli mwakusisyana ni AMBUJE nipo jwalakwe ŵalilosisye kuti ali jwamswela mwamacili gakwe pakwapa mesi gakumwa.

Yohana 3:11

Une ngwasalila yakuwona kuti: “Uwe tukuŵeceta yitukuyimanyilila ni kusala yituyiweni, nambope pangali jumo jwa jemanja jwakusosa kwiticisya utenga wetu.

Masengo 20:21

Nasalicisye kusyesyene Ayuda ni ŵandu ŵa mitundu jine,* kuti apitikucile kwa Mlungu ni kumkulupilila Ambuje Yesu* Klistu.*

Detulonomo 32:46

Ŵasalile soni kuti, “Mgakumbucileje cenene malamusi gele ginampele lelo jinoga. Mwasalile ŵanace ŵenu kuti agapikanileje mwakulupicika maloŵe gosope ga malamusiga.

Detulonomo 5:27

Ŵalakwe Mose, awujilile akatupikanile yosope yitakaŵecete AMBUJE Mlungu jwetu. Kaneko ayice, kukutusalila wosopewe yele yitakasalile ŵalakwe. Uwe wosope tucipikanila ni kuyitenda yitakasalileyo.’

1 Yohana 5:9

Tukusapocela umboni wa ŵandu, nambo umboni wa Mlungu uli wakupunda umboni wa ŵandu. Umboniwo ni wele Mlungu uŵamtendele mwanace jwakwe.