Masalimo 81:3 - Chiyawo Bible

³ Gombani lipenga mwesi ucikopokaga mwasambano, pati ucikopokaga kwambumbu, soni pa lisiku lyetu lyacindimba.

Masalimo 81:3 Iomraidhean Croise

2 Ayi 4:23

Ŵamkwakwe ŵala ŵamwusisye kuti, “Ligongo cici akwawula kwa jwalakwejo lelo? Lelo nganiliŵa lisiku lya Sabato kapena lyuŵa lya cindimba Cakuwoneka Mwesi.” Jwamkongwe jula ŵajanjile kuti, “Yangali kandu.”

1 Mbi 15:16

Daudi ŵalamwile acimlongola ŵa Alefi kuti asagule ŵane mwa ŵandu ŵa mwiŵasa lya Alefi kuti ajimbeje ni kulisya mwamacili yida yawo yakwimbila ya ngonji, ni micekece.

1 Mbi 16:42

Hemani ni Yedutuni ŵakwete masengo gakulolela malipenga ni micekece ni yida yine yiyajimbidwaga pa ndaŵi ja kwalambila AMBUJE. Ŵanace ŵa liŵasa lya Yedutuni ŵaŵisile kuŵa acilonda ŵa pa yipata.

1 Mbi 16:6

nipo ŵambopesi ŵaŵili, Benaya ni Yahasiyele ŵagombaga malipenga masiku gosope pasogolo pa Libokosi lya Cilanga ca AMBUJE.

1 Mbi 25:1

Mwenye Daudi* pamo ni acimlongola ŵa ci Lefi ŵasagwile ŵandu ŵane ŵa mwiŵasa lya Alefi ŵakuyicisyaŵa kuti alongoleleje mapopelo m'Nyumba ja AMBUJE:* Asafu, Hemani ni Yedutuni. Jemanjaji ŵaliji mkulalicila utenga wa AMBUJE kupitila mu kwimba nyimbo pakukamulisya masengo yida yakwimbila ya ngonji ni micekece. Mena ga ŵandu ŵaŵatendaga masengo m'Nyumba ja AMBUJE pamo ni mtundu wa masengo gawo ni aŵa:

2 Mbi 13:12

Mlungu jikape ali mlongola jwetu soni ŵakutaga mbopesi ŵakwe ali apano ni malipenga gawo gitacigomba pakutuŵilanga uwe kuti tuyice kuputa ngondo ni jemanja. Ŵandu ŵa ku Isalaeli, mkalimbana ni AMBUJE, Mlungu jwa acinangolo ŵenu, ligongo jemanja ngaŵa mkupunda.”

2 Mbi 13:14

Asilikali ŵa ku Yudeya ŵala piŵalolite, ŵayiweni kuti asyungulilidwe ni amagongo ŵawo. Kaneko ŵapopesile kwa AMBUJE kuŵenda cikamucisyo, nipo ŵakutaga mbopesi ŵaliji mkwimba malipenga.

2 Mbi 2:4

Une ngusaka kuti nacimbicisye AMBUJE pakwataŵila ŵalakwewo Nyumba. Tigaciŵa malo geswela kwele une pamo ni ŵandu ŵangu tucimlambilamo jwalakwejo pakututumisya ya liwungo lyakununjila pameso pa AMBUJEWO, ni kupelecelamo soni mkate wa AMBUJE ndaŵi syosope. Tucipelecelagamo soni mbopesi syakutinisya kundaŵi ni ligulo lililyose, pa masiku ga sabato, pa cindimba ca kuwoneka kwa mwesi wasambano, ni masiku gane ga kwacimbicisya AMBUJE, Mlungu jwetu. Ŵalamwile Aisalaeli kuti atendeje yeleyi mpaka kalakala.

2 Mbi 5:12

Alefi wosope mpela Asafu, Hemani, Yedutuni ni ŵane ŵa m'maŵasa mwawo ŵajimbaga nyimbo ali awete yakuwala yeswela mbee. Ŵajimi ciŵandika ni malo gakupelecela mbopesi mbali ja kungopoko lyuŵa, ŵajigele micekece, ni yida yakwimbila ya ngonji, nipo ŵakutaga mbopesi ŵosope ŵaŵajimbaga nyimbo ŵakwanile 120.

2 Mbi 8:13

Ŵapelece mbopesi syakutinisya pakugakuya malamusi giŵapelece Mose* mpela muyasosedwelaga pa lyuŵa lililyose lya sabato, lyuŵa lyandanda pawuwonece mwesi, ni pa cindimba ca mkate wangali cakusasaŵilisya,* cindimba cakugungula mbeju mu mgunda, ni cindimba ca masakasa.*

Masalimo 149:3

Alilumbe lina lyakwe aciŵinaga; amjimbile nyimbo jakunonyelesya ni ngoma ni cida cakwimbila ca ngonji.

Masalimo 33:2

Mwalumbe AMBUJE ni yida yakwimbila ya ngonji; mwajimbile ŵelewo ni yida yakwimbila ya ngonji likumi.

Masalimo 98:6

Mjimbe nyimbo mwakulimbika ni malipenga ni yitolilo; mwajimbile mwakusengwa AMBUJE, ŵali mwenye.

Malilo 2:6

Ŵapasulenye Nyumba jakwe jele jitwapopelelaga ŵalakwewo; AMBUJE ŵamasisye masiku gakusangalala ni masiku gakupumula ga Ayuda. Ni lutumbilo lwakwe ŵakanile ayimwene ni ŵakutaga mbopesi.

Nahumu 1:15

Mlole, jwa mtenga akwika kutyocela ku matumbi ni ngani syambone! Jwalakwe ali mwitala gombelesya ya kupunda! Ŵandu ŵa ku Yuda, msangalalile cindimba cenu ni kumpa Mlungu yele yimwalumbilile kuti timcimpa jwalakwe. Ŵandu ŵakusakala ngasamputa soni. Jemanjajo ali ŵajonasice kusyesyene!

Numeli 15:3

Ng'ombe syamkambako, ngondolo, kapena mbusi komboleka kusipeleka kwa AMBUJE mpela mbopesi syakutinisya kapena mpela mbopesi jakwanilisya malumbilo kapena mpela mbopesi ja mtendele kapena mpela mbopesi ja ndaŵi sya pakutenda yindimba ya pakupopela, liwungo lya mbopesi sya yele yakulyayi likusaŵa lyakusangalasya kwa AMBUJE.

Numeli 28:11

Apeleceje mbopesi jakutinisya kwa AMBUJE kundanda kwa mwesi uliwose: ng'ombe syasinondi sya mikambako siŵili, ngondolo jimo ja mkambako, ngondolo sya mikambako sya caka cimo msano ni siŵili, syosopesyo syangali yilema.

Detulonomo 16:15

Mkacimbisye AMBUJE Mlungu jwenu, pakutenda cele cindimbaci kwa masiku msano ni gaŵili, pa malo gitacisagula AMBUJE kuti mkalambile. Mkaŵe ŵandu ŵakusengwa, ligongo AMBUJE Mlungu jwenu ayipele upile yagowola yenu pamo ni masengo genu.

Ŵakolosai 2:16

Myoyo mkasimkunda kuti mundu jwalijose amlamulile pa yakulya kapena yakumwa, kapena pa masiku gacindimba ca pa caka, kapena mwesi wagamba kopoka kwene kapena pa lisiku lyakupumula* lya Ayuda.