Masalimo 81:13 - Chiyawo Bible

¹³ Ŵandu ŵangu akambikanile, Aisilayeli akajesile m'matala gangu.

Masalimo 81:13 Iomraidhean Croise

Misyungu 1:31

Ni sambano timcilya yisogosi ya masengo genugo, timcilwala nayo yakusakala yimteje mwatendele ŵandu ŵane.

Yesaya 48:18

“Mkambikanile malamusi gangu, Mtendele wenu ukamyicilile mpela mesi ga mu lusulo, cilungamo cikaliji kumwunicila ndaŵi syosope, mpela matumbela ga pa nyasa.

Yelemiya 7:24

Nambo ŵanduwo nganapikanila, nganasamala kose, myoyo ŵapitilisye kuŵa ŵangapikanila ni mitima jawo jakusakala. Jemanjajo ŵalolaga ya mu nyuma ngaŵa ya msogolo.

Matayo 23:37

“Jemanja ŵandu ŵa mu msinda wa Yelusalemu! Jemanja ŵandu ŵa mu msinda wa Yelusalemu! Mkusawulaga ŵakulocesya, ni kwaponya maganga ŵandu ŵele Mlungu akusamtumicisyaga. Ana kalingwa kimbele ndili mkusosa kuti nimsonganye jemanja wosope, mpela mujikusasonganyicisya nguku ŵanace ŵakwe kusi kwa mapapiko gakwe, nambo jemanja mwakanile!

Detulonomo 32:29

Ligongo akaŵe ŵandu ŵalunda akapikanicisye, soni akamanyilile yakomboleka kwagwila.

Detulonomo 5:29

Une ngusosa kuti ŵandu ŵeleŵa aganisyeje camti myoyo masiku gosope. Soni ngusosa kuti ŵandu ŵeleŵa anjimbicisyeje ni kugapikanila malamusi gangu, kuti yindu yajendeleje cenene jemanjajo pamo ni yisukulu yawo kwa yaka yosope.