Masalimo 81:12 - Chiyawo Bible

¹² Myoyo nalesile ni mitima jawo jangapikanajo. Kuti akuye yiŵayisakaga.

Masalimo 81:12 Iomraidhean Croise

Genesesi 6:3

Myoyo AMBUJE* ŵatite, “Ngasingunda kuti ŵandu akoleje umi wangawa, wa mpaka kalakala. Pakuŵa mundu ali cilu cakuwa. Kutandila sambano mundu tatameje ni umi yaka 120.”

2 Ayi 18:12

Yeleyi yatendekwe ligongo ŵandu ŵa ku Isalaeli nganagapikanila maloŵe ga AMBUJE Mlungu ŵawo. Ŵakasile cilanga* ciŵapangene AMBUJE ni jemanjajo, pamo ni malamusi gosope gaŵapele Mose. Nganagapikanila malamusigo ni kugatendela masengo.

Nehemiya 9:16

Nambo acinangolo ŵetuwo ŵalikwesisye ni kumusya mitima jawo nipo ŵakanile kugapikanila malamusi ga wawo.

Yobu 8:4

Komboleka kuti mwine mwakwe ŵanace ŵenu ŵamlemwecesye Mlungu, ali ni ligongo lyakwe Mlungu ŵapele jemanjajo cilango ligongo lya ulemwa wawo.

Ekisodo 11:9

Ni AMBUJE ŵamsalile Mose kuti, “Mwenye jwa ku Iguputo tapitilisye kukana kumpikanila m'mwejo, kuti pakutenda myoyo, une nayitende yitagu yangu yakusimonjeka yejinji mcilambo ca Iguputo.”

Yesaya 30:1

AMBUJE* akuŵeceta kuti, “Likungu kwa ŵanace kunjimucila une! Ŵakusatenda yakulipanganyisya jika ngaŵa yimbanganyisye Une. Akusatenda cilanga* cawoco, mwangakuya lisosa lyangu nipo akusapelenganya kundemwecesya.

Yesaya 30:9

Ŵeleŵa ali ŵandu ŵakumjimucila Mlungu, ŵanace ŵa unami, ŵakanya kugapikanila majiganyo ga AMBUJE.

Yesaya 42:24

Ana ŵani uŵampelece Yakobo* kwa ŵandu ŵakusumula yacimsyene? Ana ŵani uŵampelece Isalaeli kwa ŵandu ŵawiyi? Ana jwakuyitenda yeleyi ngaŵa AMBUJE? Pajatu twamlemwecesye, nganitugakuya matala gakwe, soni nganitugapikanila malamusi gakwe.

Yelemiya 42:21

Nimsalile yosope yene lelo, nambo nginimwapikanila AMBUJE Mlungu jwenu pa yosope yiŵandumile kuti nimsalile jemanja.

Yelemiya 7:24

Nambo ŵanduwo nganapikanila, nganasamala kose, myoyo ŵapitilisye kuŵa ŵangapikanila ni mitima jawo jakusakala. Jemanjajo ŵalolaga ya mu nyuma ngaŵa ya msogolo.

Esek 20:8

Nambo ŵanjimucile ni ŵakanile kumbikanila. Nganajasa milungu jine kapena kujileka milungu jine ja Aiguputo. Naliji cilepe kuti alupikane lutumbilo lwangu lwakogoya ali ku Iguputo peko.

Hoseya 9:17

Mlungu jungumtumicila une tacakana ŵandu ŵakwe, ligongo lyakuti jemanjajo nginampikanila jwalakwejo. Tacigamba kuŵa ŵandu ŵagamba kwendajenda pasikati pa mitundu ja ŵandu pa cilambo capasi.

Lefitiko 26:14

AMBUJE ŵatite, “Naga ngamkugapikanila malamusi gangu, timcipocela cilango.

Masengo 14:16

Kalakalako Mlungu ŵakundile ŵandu ŵa mitundu josope kuti akuyeje matala gawogawope.

Masengo 7:42

Nipo Mlungu ŵatumbile ni ŵapele kuti asilambileje ndondwa mpela yayitite pakulembedwa m'buku ja ŵakulocesya; ‘Jemanja Aisalaeli, mkupela kuti mwapelekaga kwangune nyama syele simwawulagaga ni kusipeleka mpela mbopesi kwa yaka 40 yila mcipululu.

Ŵaloma 1:24

Ali ni ligongo lyakwe Mlungu ŵalesile jemanjajo kuti atendeje yindu yakusakala yiyasakaga mitima jawo mpaka kutenda yindu yakutesya soni jwine ni mjakwe.

1 Sam 8:19

Nambo ŵanduwo ŵakanile kupikanila maloŵe ga Samuele. Jemanjajo ŵatite kuti, “Iyayi! Uwe tukusaka mwenye jwakuti atulamulileje.