Masalimo 81:1 - Chiyawo Bible

¹ Mkwesye maloŵe kumjimbila Mlungu jwali macili getu; gumilani mwakusengwa kwa Mlungu jwa Yakobo.*

Masalimo 81:1 Iomraidhean Croise

Genesesi 50:17

ŵatusalile kuti, ‘Jemanja mwatesile yindu yangalwe soni yakogoya, kumtendela Yosefe, nambo ngumsalila mkamdandawulile jwalakwejo kuti amkululucile.’ Myoyo uweji tukwaŵenda ŵalakwe acimwene kuti, conde, atukululucile yindu ya ngalwe soni yakogoya yitwatendele ŵalakwe, acimwene. Soni tukutumicila wosopewe Mlungu jwele baba ŵetuwo ŵamtumicilaga.” Ali agapikene gele maloŵego Yosefe ŵatandite kulila.

1 Mbi 6:17

Mena ga ŵanace ŵa Geleshomu galiji Libini ni Shimeyi.

Masalimo 28:7

AMBUJE ali macili gangu ni ŵakunjenjela ŵangu, mbisile mtima wangu wosope pa ŵelewo. Angamucisye, myoyo mtima ŵangu ukusangalala, nipo ngusatogolela ni nyimbo syangu.

Masalimo 46:11

AMBUJE Ŵamaciligosope ali pampepe ni uwe, Mlungu jwa Yakobo ni kwakutilila kwetu.

Masalimo 50:1

Mlungu, AMBUJE* Mlungu Jwamacili, akuŵeceta kuti, akwaŵilanga ŵandu ŵa cilambo cosope capasi, kutyocela kungopoko lyuŵa mpaka kungapilo.

Masalimo 52:7

“Mumlole mundu jwangasaka kutilila kwa Mlungu, nambo ŵakulupilile winji wa cipanje cakwe, ŵalimbicile kutenda yakusakala.”

Masalimo 66:1

Mumlumbe Mlungu pakwimba nyimbo syakondwa, jemanja ŵandu wosope ŵa pa cilambo capasi.

Masalimo 67:4

Mitundu ja ŵandu jisangalale ni kwimba mwakondwa, pakuŵa ŵalakwe akusiŵalamula ŵandu mwa mwakulungamika, ni kwalongolela pa cilambo capasi.

Masalimo 8:1

AMBUJE,* Mlungu jwetu, lina lyawo lili lyalikulungwa pa cilambo cosope! Kwinani nombe nako akwajimbila nyimbo sya lumbili lwawo;

Yelemiya 31:7

AMBUJE akuŵeceta kuti, “Mjimbe mwakwesya ni mwa lukondwa ligongo lya Yakobo.* Gumilani ligongo lya mtundu wakupunda mitundu josope. Lalicilani, mwalumbeni ni kwenesya kuti, ‘AMBUJE akulupwisye ŵandu ŵakwe, akulupwisye wosope ŵakusigala Aisalaeli.’

Matayo 22:32

‘Une ndili Mlungu jwa Abulahamu,* Isaki, ni Yakobo?’* Nikutitu jwalakwe nganaŵa Mlungu jwa ŵandu ŵawe, nambo jwa ŵandu ŵa cijumi.”

Ŵafilipi 4:13

Ngukomboleka kutenda yosope yene ligongo Klistu akusandendekasya kuti mbeje jwakulimbangana pa yiliyose yakusimana nayo.