Masalimo 8:4 - Chiyawo Bible

⁴ Ngusaliwusya kuti, “Ana mundu ali nduni kuti ŵalakwe akumkumbucila, ni mwanace jwa mundu ali nduni kuti ŵalakwe amsamalileje?”

Masalimo 8:4 Iomraidhean Croise

Genesesi 1:1

Pandanda Mlungu ŵapanganyisye kwinani ni cilambo capasi.

Genesesi 1:14

Kaneko Mlungu ŵatite, “Kwiwunde kuŵe yakumulicila, kuti yilekanganyeje musi ni cilo, ni soni kuti yiŵe yilocesyo ya ndaŵi, yaka ni masiku.

Genesesi 19:35

Cilo celeco ŵapele finyo baba ŵawo soni kuti akolelwe. Nipo jwamnondi jula ŵagonile nawo baba ŵawo ŵala. Ndaŵi jelejo soni ni kuti baba ŵawowo ŵaliji ali akolelwe, ni nganayimanyilila yiyatendekwaga.

Genesesi 21:1

AMBUJE* ŵampele upile Sala, ni ŵamtendele yindu yele yiŵapangene najo, mpela mwele AMBUJEWO ŵaŵicile cilanga.*

2 Mbi 6:18

“AMBUJE, ana mpaka akombolece kutama ni ŵandu pa cilambo capasi pano? Ana kwinani kwangali malo gakwanila gakuti mpaka atameko, nambi sambano ana tiyikombolece uli kuti wawo atame pa cilambo capasi pano m'nyumba jindaŵile une?

Yobu 25:6

kuli uli mundu jwele jwali mpela mbisu, kuli uli soni mundu jwali mpela mbisu mwitaka?”

Yobu 7:17

Ana ligongo cici mundu ali jwakusosekwa mnope pameso pa wawo, mwakuti ŵala akusapikanila yakutenda jwalakwejo?

Masalimo 106:4

Ŵalakwe AMBUJE, angumbucile pakwasalalila mtima ŵandu ŵawo; angamucisye pakwakulupusya jemanjajo,

Masalimo 136:5

Ŵapanganyisye ya kwinani mwa lunda lwakwe, pakuŵa cinonyelo cawo cili cangamala.

Masalimo 136:9

Mwesi ni ndondwa kuti yilamulileje cilo, pakuŵa cinonyelo cawo cili cangamala.

Masalimo 144:3

Ana mundu nduni kuti ŵakumbucileje ŵalakwe AMBUJE? Mwanace jwa mundu nduni kuti amganisyeje?

Masalimo 146:3

Mkasimwakulupilila ayimwene, kapena ŵandu ŵane ŵangakupakombola kukamucisya.

Masalimo 19:2

Musi uliwose ukuŵeceta yeleyi ku musi ujakwe, ni cilo cilicose cikusalicisya ya lunda ku cilo cijakwe.

Masalimo 4:2

Jemanja ŵandumwe, ana timunjalusye une mpaka cakaci? Mpaka cakaci timyinonyele yayili yangali mate, ni kusosa ya unami?

Masalimo 80:17

Nambo ni mkono wawo ŵacenjele ŵandu ŵawo ŵaŵasagwile, ni ŵaŵapele macili kuti ŵatumicile.

Masalimo 96:5

Pakuŵa milungu josope ja ngosyo sya ŵandu jili yinyago, nambo AMBUJE ni juŵapanganyisye ya kwinani.

Ekisodo 4:31

Ŵanduwo ŵakulupilile. Soni piŵapikene kuti AMBUJE ŵayicilile Aisalaeli, ni soni kuti ŵakuweni kulaga kwawo, ŵajineme mitwe jawo pasi ni kumlambila.

Yesaya 40:17

Mitundu josope ja ŵandu nganijiŵa kandu kose pameso pa AMBUJE, Ŵalakwe akusajiwanicisya kuŵa jacabe soni jangali mate.

Yesaya 51:12

AMBUJE akuŵeceta kuti, “Uneji ndili AMBUJE jungusinamtulasya mtima. Ana jemanja mli ŵani kuti mumjogopeje mundu jutaciwa, mwanace jwa mundu jwakusatama ni umi ndaŵi jamnono mpela manyasi?

Esek 8:15

AMBUJE ŵaŵecete ni une kuti, “M'mwe mwanace jwa mundu, ana mkuyiwona yeleyi? Timyiwone yindu yine yakusakala yekulungwa kupunda yeleyi.”

Matayo 8:20

Yesu ŵamjanjile kuti, “Makule gakwete mbanga syakwe, soni yijuni yikwete yisusi yakwe, nambo Mwanace jwa Mundu* nganakola palipose pakuti agone ni kupumula.”

Luka 1:68

Ngwalumba Ambuje, Mlungu juŵamlambilaga Aisalaeli, pakuti ŵalakwewo ŵayice kukwawombola ŵandu ŵakwe.

Luka 19:44

Tacimjonanga jemanja pamo ni ŵanace wosope ŵali mkati mwa lipupa lyenu lyakulimbangana. Ngasaleka liganga pacanya pa lijakwe. Ayi tiyicitendekwa ligongo nganimwona kuti Mlungu ayice kukumkulupusya jemanja.”

1 Petulo 2:12

Msamale wende wenu pimkutama pasikati pa ŵandu ŵa mitundu jine,* kuti atamose amlambucisye jemanja kuti mli ŵandu ŵakutenda yakusakala, nambotu aloleje yitendo yenu yambone. Pakutenda myoyo tacimcimbicisya Mlungu pa lisiku lyakwika kwakwe.