Masalimo 8:3 - Chiyawo Bible

³ Pingukuwona kwinani masengo ga magasa gawo, mwesi ni ndondwa siŵasiŵisile kweleko,

Masalimo 8:3 Iomraidhean Croise

Genesesi 1:1

Pandanda Mlungu ŵapanganyisye kwinani ni cilambo capasi.

Yobu 22:12

Ana eti Mlungu akusatama kwinani kwanawula? Mlole ndondwa sili mwinani mnopesyo, mlole kutalika kwakwe pa malo pasilipo.

Yobu 25:3

Ana makuga gakwe ga ngondo kwinaniko gali gakuŵalanjika? Ana pana malo pangakuŵalilapo lilanguka lya Mlungu?

Yobu 25:5

Naga mwesi kapena ndondwa ngasikupeleka lilanguka lyakwanila kwa jwalakwejo,

Yobu 36:24

Mkwenela kukumbucila masengo ga Mlungu, gakusagatogolela ŵandu pakwimba nyimbo.

Masalimo 104:19

Ŵalakwe ŵawupanganyisye mwesi kuti ulekanganye ndaŵi, ni lyuŵa likumanyilila ndaŵi jakwe jakukapila.

Masalimo 111:2

Masengo ga AMBUJE gali gamakulungwa, wosope ŵakunonyelwa nago akusagaganicisya.

Masalimo 148:3

Mwalumbe jemanja lyuŵa ni mwesi, mwalumbe jemanja ndondwa syosope syasikuŵala.

Masalimo 19:1

Yakwinani yikusajenesya ya lumbili lwa Mlungu; nipo lipananga likusalosya masengo ga magasa gakwe.

Masalimo 33:6

AMBUJE ŵaŵecete nipo ya kwinani yapanganyidwe, yosope yayili kweleko yapanganyidwe piŵaŵecete jwalakwejo maloŵe gakwe.

Masalimo 89:11

Yakwinani yili yawo, cilambo capasi nombe naco cawo. Ŵacipanganyisye cilambo cosope ni yosope yayili mwelemo.

Ekisodo 31:18

AMBUJE piŵamasile kuŵeceta ni Mose Petumbi lya Sinayi lila, ŵampele Mosejo maganga gaŵili ga umboni, gele Mlungu msyene ŵaliji ali alembile kala.

Ekisodo 8:19

Myoyo ŵandu ŵamatipwi ŵala ŵamsalile Mwenye jwa ku Iguputo kuti, “Ŵayitesile yeleyi ali Mlungu nditu.” Nambo Mwenye jwa ku Iguputo ŵaliji ŵakumula mtima, ni nginapikanila yiŵaŵecete Mose ni Aloni mpela muŵaŵecetele AMBUJE mula.

Luka 11:20

Nambo naga une ngusakamulisya masengo macili ga Mlungu pakujikoposya misimu jakusakala, ni kuti yikulosya kuti Mlungu atandite kala kuwutamilisya Ucimwene wakwe pasikati pa jemanja.”

Ŵaloma 1:20

Kutyocela pa ndaŵi jiŵapanganyisye cilambo, ŵandu aŵele ali mkumanyilila ndamo jangawoneka ja Mlungu, yele yili macili gakwe gangamala nambo soni umlungu wakwe. Aŵele ali mkumanyilila pakuyiwona yiŵapanganyisye jwalakwejo. Myoyo ŵangali pakutilila palipose.

Detulonomo 4:19

Mkasimlinga amta panandi kulambila kapena kuyitumicila yindu yimkuyiwona kwinani, mpela lyuŵa, mwesi ni ndondwa. Ligongo AMBUJE Mlungu jwenu ayipelece yindu yeleyi kwa ŵandu ŵa ngosyo sine kuti ayilambileje.