Masalimo 8:1 - Chiyawo Bible

¹ AMBUJE,* Mlungu jwetu, lina lyawo lili lyalikulungwa pa cilambo cosope! Kwinani nombe nako akwajimbila nyimbo sya lumbili lwawo;

Masalimo 8:1 Iomraidhean Croise

1 Ayi 8:27

“Ana yakuwona kuti ŵalakwe Mlungu akukomboleka kutama pa cilambo capasi? Ligongo atamose kwinani kosope ngikukukwanila kutama ŵalakwe, nambi tikombolece uli ŵalakwe kukwanila m'Nyumba jindaŵileji?

Masalimo 145:1

Tinalumbe ŵalakwe, Mlungu jwangu ni mwenye jwangu. Tinalicimbicisye lina lyawo kwa yaka yosope.

Masalimo 148:13

Wosope alilumbe lina lya AMBUJE! Pakuŵa lina lyawo jika lili lyakucimbicikwa, lumbili lwawo luli lwakupunda cilambo capasi ni ca kwinani.

Masalimo 36:5

Ŵalakwe AMBUJE,* cinonyelo cawo cili cangamala, cikwika mpaka kwinani, ni kulupicika kwawo kukwika mpaka ku mawunde.

Masalimo 57:5

Ŵalakwe Mlungu atulosye ukulu ŵawo kwinaniko, lumbili lwawo luŵeje pacanya pa cilambo cosope capasi.

Masalimo 63:1

Ŵalakwe Mlungu, ali Mlungu jwangu, ngusinasosasosa ŵalakwe. Umi ŵangu ukwete njota jakwasosa ŵalakwe, cilu cangu cikwasacilila ŵalakwe, mpela cilambo cacijumu ni cangali mesi.

Masalimo 68:4

Mumjimbile Mlungu, mjimbe nyimbo syakulilumba lina lyawo. Mjimbe nyimbo, mwakwesya maloŵe, syakwalumba Ŵelewo ŵakwenda m'mawunde. Lina lyawo ali AMBUJE* mjangale pameso pakwe.

Masalimo 8:9

AMBUJE, Mlungu jwetu, lina lyawo lili lyalikulungwa mcilambo cosope!

Masalimo 81:1

Mkwesye maloŵe kumjimbila Mlungu jwali macili getu; gumilani mwakusengwa kwa Mlungu jwa Yakobo.*

Masalimo 84:1

Alole kusalala kwakwe kwa malo gawo gakutama ŵalakwe AMBUJE* Ŵamaciligosope.

Ekisodo 15:11

“Ŵalakwe AMBUJE, ana jipali milungu jine jakulandana ni ŵalakwe? Ŵani ŵakulandana ni ŵalakwe, ŵali ŵakucimbicika ligongo lya kugoloka kwawo? Ŵani ŵakulandana ni ŵalakwe, wawo ali ŵakogoya ligongo lya masengo gawo gamacili ni gakusimonjeka?

Nyimbo ja Solomoni 5:16

Pakamwa pakwe pali pakunonyelesya mnope; soni cilicose mwa jwalakweju cikusanjigala mtima mnope. Mwelemu ni mwaŵelele ŵakunonyelwa ŵangu, jemanja acakongwe ŵa ku Yelusalemu.

Yesaya 26:13

AMBUJE Mlungu jwetu, atamose ŵane aŵele alimkutulamulila, nambo nganitulicimbicisya lina line akaŵe lya wawo jikape.

Habakuku 3:3

Mlungu ŵayice kutyocela ku Temani; Mlungu jwamswela ŵayice kutyocela Kwitumbi lya Palani. Lumbili lwakwe lwawunicile kwinani; ni cilambo capasi cikumlumba jwalakwe.

Matayo 22:45

“Naga Daudi akumkolanga Mkulupusyo jwakulocesedwa jula kuti ‘Ambujegwe,’ ana mpaka yikombolece uli kuti aŵe mwanace jwakwe?”

Yohana 20:28

Tomasi ŵatite, “Ambuje ŵangu ni Mlungu jwangu!”

Ŵaefeso 4:10

Juŵatulwicejo, ni jujojo juŵakwesile, nipo ŵapelengenye kwinani kosope kuti yindu yosope yiŵe yagumbalilwa ni jwalakwe.

Detulonomo 28:58

“Naga ngamkuja kugapikanila mwakulupicika malamusi gosope ga AMBUJE Mlungu jwenu, galembedwe m'buku ajino, soni naga ngamkuja kulicimbicisya lina lyakusimonjeka ni lyakutesya woga lya AMBUJE Mlungu jwenu,

Ŵafilipi 3:8

Kusyene, yosope nguyiwona kuti yili yangapindulisya pakuyiwanicisya ni kum'manyilila Yesu Klistu, ŵele ŵali Ambuje ŵangu. Ligongo lya Klistu nakundile kuleka yosope yene, ni kuyiwona mpela ya pacitutu, kuti cakupata cangu ciŵe Klistu,

Ŵaeblania 7:26

Yesu ali jwamkulungwa jwa ŵakutaga mbopesi* wosope jwele jwakukwanilisya yakusoŵa yetu. Ali jwamswela mtima, jwangali cileŵi kapena ulemwa* uliwose, jwakulekangana ni ŵandu ŵakulemwa, nipo soni Yesu ali jwakupedwa ucimbicimbi kupunda ya kwinani yosope.

Chunukuko 19:6

Kaneko napikene maloŵe mpela ga namtindi jwa ŵandu, mpela kukokoma kwa mesi gejinji, nambo soni mpela kulindima kwa njasi. Napikene ali mkuŵeceta kuti, “Kwende tumlumbe Mlungu! Pakuti Ambuje, Mlungu jwetu, ali Mwenye!