Masalimo 72:3 - Chiyawo Bible

³ Une ngupopela kuti cilambo cape ŵandu yakulya yejinji. Cilambo citende yeleyi mwa cilungamo, ligongo ŵandu ŵenu ali ŵagoloka.

Masalimo 72:3 Iomraidhean Croise

Yesaya 52:7

Cili cindu cakusangalasya kwawona ali mkwisa petumbi ŵakulalicila ngani syambone, ŵakulalicila mtendele ŵakulalicila ngani syambone sya yambone, ŵakulalicila cikulupusyo, wakwasalila ŵandu ŵa ku Siyoni kuti, “Mlungu jwenu ali mwenye.”

Yoweli 3:18

Pitijiciyika ndaŵi jelejo, matumbi tigacikoposya finyo jwasambano, nipo kumkuli tikucijendelela mkaka; sulo syosope sya ku Yuda tisicigumbala ni mesi. Yiwulika ya mesi tiyicikopokaga ku Nyumba ja AMBUJE ni kwitilila ku Ciŵata ca Akesha.

Daniele 9:24

“Yaka 49 yaŵicidwe kuti ŵandu ŵenu ni msinda wenu weswela alece ya upandu ni kuleka ulemwa ni yakusakala. Sambano yimwayiweni m'mesomkulola yila soni yiyalocesedwe tiyicitendekwa, nipo malo gamaswela gakulambila tigacitamilisidwa.

Masalimo 72:16

Mcilambomo muŵe yakulya yejinji; atamose pacanya pa matumbi paŵe yakulya yejinji. Yisogosi yakwe yitupe mpela ya ku Lebanoni, ŵandu aŵe ŵajinji mu msindamo mpela manyasi ga kwitinji.

Masalimo 65:12

Atamose ku cipululu kukumela mopo wejinji, ni matumbi gakusagumbala ni lukondwa.

Yesaya 45:8

Mgwisye ula, m'mwe liwunde, kutyocela kwinani mawunde gagwisye cilungamo cakulupusya. Cilambo capasi ciwuguce kuti pawonece cikulupusyo kuti cilungamo cimelepo. Une ndili AMBUJE, junapanganyisye yeleyi.”

Yesaya 60:17

“Tinjimpa golidi m'malo mwa bulonsi, m'malo mwa cisyano tinjimpa silifa, bulonsi m'malo mwa citela, cisyano m'malo mwa liganga. Ŵakumlolela tinjatenda kuŵa ŵamtendele, ŵakumlamulila tinjatenda kuŵa ŵakulungama.