Masalimo 53:3 - Chiyawo Bible

³ Nambo ŵandu wosope ali ŵasokonecele, ŵandu wosopewo ali ŵakusakala. Pangali atamose jumo jose jwakusatenda yambone, pangali ni jumo jose.

Masalimo 53:3 Iomraidhean Croise

2 Sam 20:2

Pelepo Aisalaeli wosope ŵalesile kumkuya Daudi, ni ŵatandite kumkuya Sheba, mwanace jwa Bikili. Nambo ŵandu ŵa ku Yuda ŵalijipe panyuma pa mwenye jwawo, kutandila ku Yolodani mpaka ku Yelusalemu.

Yobu 15:16

Nambi uli mundu, jwali jwakusakala soni jwa cabecabepe, akusatenda yindu yakusakala mpela akumwa mesi.

Masalimo 14:3

Nambo ŵandu wosope ali ŵasokonecele, ŵandu wosope ali ŵakusakala. Pangali jumo jose jwakusatenda yambone, pangali atamose jumo jose.

Yesaya 53:6

Wosope twasokonecele mpela ngondolo. Jwalijose jwagambaga kulijendela mwa lisosa lyakwe, nipo AMBUJE ŵampele jwalakwejo cilango, citukajenele uwe wosope.

Yesaya 64:6

Wosopeŵe tuŵele mpela ŵandu ŵesakasidwe, nipo masengo getu gosope gambone gaŵele mpela yiwisa yakunyalaya.

Esek 36:25

Tinjimtaga jemanja mesi gambone nipo timciswejela, yosope yakumsakasya yicityoka. Soni tinjimswejesya pakujityosya milungu jenu jine josope.

Sefaniya 1:6

Tinjajonanga soni ŵele ŵiŵalesile kunguya une, ŵingakusaka kwika kwa une kapena kuŵenda lunda.”

Ŵaloma 3:12

Ŵane ngakusosa kuti akole Mlungu m'mitima mwawo, pangali jwakutenda yambone atamose ni jumo jose.

2 Akoli 7:1

Acalongo acimjangu, pakuŵa tukwete cilanga* celeci, kwende tutyosye yindu yosope yakusakasya cilu cetu kapena mtima wetu. Nipo pakogopa Mlungu tuliswejesye kuŵa ŵaswela mtima.

1 Yohana 2:29

Naga mkumanyilila kuti Klistu ali jwakulungama, m'manyilile soni kuti jwalijose jwakutenda yakulungama, ali Mwanace jwa Mlungu.

3 Yohana 1:11

Mlongo mjangu jwakunonyelwa, kasimkuyaga yangalumbana nambo yayili yambone. Jwalijose jwakusatenda yambone, ali Mwanace jwa Mlungu; nambo jwakusatenda yangalumbana, nganambona Mlungu.

Chunukuko 22:11

Jwakutenda yakusakala apitilisye kutenda yakusakalayo, soni jwasakele ligongo lyakutenda yangalumbana apitilisye kuŵa jwakusakala. Jwali jwambone apitilisye kutenda yambone, soni jwali jwamswela mtima apitilisye kuŵa jwamswela mtima.”