Masalimo 53:1 - Chiyawo Bible

¹ Jwakuloŵela akusati mu mtima mwakwe, “Kwangali Mlungu.” Akusatenda yangalumbana ni yakunyalaya. Pangali ni jumo jose jwakusatenda yambone.

Masalimo 53:1 Iomraidhean Croise

1 Ayi 12:26

Yelobowamu ŵaliji mganisya mu mtima mwakwe kuti, “Muyiŵelele yindu sambano, naga ŵandu ŵanguŵa ngwakunda kwawula ku Yelusalemu ku Nyumba ja AMBUJE, kuja kutaga mbopesi kwa AMBUJE, mitima jawo tijiciwujila kwa Lehobowamu, mwenye jwa ku Yuda, nipo tacimbulaga.”

1 Ayi 14:24

Konjecesya pa yindu yeleyi, ŵakundile acalume ni acakongwe kutenda cigwagwa, m'malo muŵapopelelaga milungu ja unamijo. Ŵandu ŵa ku Yuda ŵatendaga yindu yosope yakunyalaya yiŵatendaga mitundu ja ŵandu jele AMBUJE ŵajitopwele mcilambo ca Kenani, ndaŵi jiŵayikaga Aisalaeli.

Yobu 14:4

Ana ŵani ŵampaka akoposye cindu cambone kutyocela mu cindu cakusakala? Pangali ni jumo jose.

Yobu 15:16

Nambi uli mundu, jwali jwakusakala soni jwa cabecabepe, akusatenda yindu yakusakala mpela akumwa mesi.

Masalimo 10:11

Mundu jwakusakala akuganisya mu mtima mwakwe kuti, “Mlungu aliŵalile, asisinile meso gakwe ni ngasayiwona yeleyi.”

Masalimo 10:13

Ligongo cici mundu jwakusakala akunyosya Mlungu, aciliŵecetelaga msyene kuti, “Ŵalakwe ngasamba kose une cilango.”

Masalimo 10:4

Mundu jwakusakala jwangasamalila kose ya AMBUJE; ligongo lyakutwanga kwakwe. Mu mtima mwakwe akusatiji, “Kwangali Mlungu.”

Masalimo 10:6

Jwalakwe akusaganisya mu mtima mwakwe acitiji, “Une ngapagwa patinjilepela; ngisiyikomboleka kose une kuŵa m'yisawusyo.”

Masalimo 88:1

Ŵalakwe AMBUJE* Mlungu jwangu, ngwalilila ŵalakwe musi ni cilo kuti angamucisye.

Masalimo 92:6

Mundu jwangali lunda ngasasimanyilila, mundu jwakuloŵela ngakupakombola kuyipikanicisya yakuti.

Esek 16:47

M'mwe nganimjikutila kuya matala gawo gakusakala ni kutendaga yakusakala. Nambo jili jipite ndaŵi panandi, mwatandite kutenda yindu yakusalala mnope kupunda yiŵatendaga jemanjajo.

Esek 16:51

“Samaliya nganatenda hafu ja ulemwa umwatesile m'mwejo. M'mwejo mwatesile yindu yakusakala mnope kupunda acalongo acimjenu ŵaŵiliŵa, kwamti jemanjajo ŵawonekaga mpela ŵangali ulemwa pakumlandanya ni m'mwejo.

Matayo 5:22

Nambo une ngumsalila kuti jwalijose jwakumpila mtima mlongo mjakwe taciŵajilwa kuŵilanjidwa ku nganya ja magambo. Jwalijose jwakumnyosya mjakwe kuti, ‘Nganimŵa kandu m'mwe,’ taciŵajilwa kuŵilanjidwa kunganya jekulungwa kukwimbidwa magambo. Nipo jwalijose jwakumkolanga mjakwe kuti, ‘M'mwe ŵangali mate,’ taciŵajilwa kuja kukuponyedwa ku moto wa Jahena.*

Luka 12:20

Nambo Mlungu ŵamsalile jwalakwejo kuti, ‘Ŵakuloŵela m'mwe! Umi wenu tiniwusose cilo cino. Ana nambi yindu yosope yimwalisunjileyi tiyiŵe ya ŵani?’ ”

Ŵaloma 1:21

Atamose kuti jemanjajo ŵam'manyi Mlungu, m'malo mwakuti amlumbe jwalakwejo kapena kumtogolela, nganisyo sya ŵanduwo syaliji syangali mate, nipo soni m'mitwe mwawo mugumbele ni nganisyo syakusakala.

Ŵaloma 1:28

Pakuti jemanjajo nganayitendela masengo ya kumpikanila Mlungu, Mlungujo ŵalesile jemanjajo mu nganisyo syawo syakusakalasyo, pakuti ŵatendaga yangasosekwa.

Ŵaefeso 5:12

Yikusaŵa yakutesya soni kuti mundu ayikolanje yindu yakusatenda jemanjajo mwakusisika.

Detulonomo 12:31

Mkasimwalambila AMBUJE Mlungu jwenu, mwakulandana ni mwakujilambilila ŵandu ŵa ngosyo sine akujilambila milungu jawo. Jemanjajo akusatenda yindu yakusakala yele yakuŵengana nayo AMBUJE pa ndaŵi ja mapopelo gawo. Jemanjajo akusayikana mwakwataga mbopesi ŵanace ŵawo pa moto, pa malo gakupelecela mbopesi.

1 Petulo 4:3

Kalakala mwajasaga ndaŵi jejinji pakutenda yindu yele yakusayinonyela ŵandu ŵa mitundu jine.* Mwakuyaga yindu yakunyalaya, yilakolako yakunyalaya, kukolelwa, kutunduka, masegwe ga pa mkologo ni kupopelela yindu yakupanganyidwa ni ŵandu.