Masalimo 48:2 - Chiyawo Bible

² Litumbi lya Siyoni,* utame wakwe uli wakusalala, ukusangalalisya pa cilambo cosope capasi. Litumbi lya Siyoni lyalili kumpoto, lili msinda wa mwenye jwamkulungwa.

Masalimo 48:2 Iomraidhean Croise

Masalimo 135:21

Mwalumbe AMBUJE ku Siyoni,* ŵele ŵakutama ku Yelusalemu. Mwalumbe AMBUJE!

Masalimo 50:2

Mlungu akunyesima kutyocela mu msinda wa Siyoni,* msinda ŵakwe wakusalala kusyesyene.

Masalimo 76:2

Kumangwawo ni ku Salemu, ni kwakutama ŵalakwe ni ku Siyoni*

Masalimo 87:3

Mpikane, m'mwe msinda wa Mlungu, ku yindu yakusimonjesya yakwamba m'mwejo:

Masalimo 99:9

Mwalumbe AMBUJE Mlungu jwetu, mwalumbe kwitumbi lyawo lyaliswela. AMBUJE Mlungu jwetu ali jwamswela.

Yesaya 14:13

Mu mtima mwenu mwatiji kuti tinjikwela mpaka kwinani; pacanya pa ndondwa sya Mlungu, tinjitamikapo citengu cangu ca ucimwene; Tinjitama pa citengupo pa litumbi lya kumpoto, kwele milungu josope jikusasongana.

Yesaya 2:2

M'masiku gagali mkwisa, pa litumbi pijili Nyumba ja AMBUJE* tilicitendekwa kuŵa lyelewu mnope kupunda matumbi gane gosope. Mitundu josope ja ŵandu tijiciwutucila kwitumbi lyelelo.

Yesaya 60:14

Ŵanace ŵa ŵandu ŵiŵamlagasyaga taciyika nipo tacimtindiŵalila kulosya kulinandiya. Wosope ŵiŵanyosisye tacimjinamila mpaka pasi. Tacimkolanga kuti mli Siyoni,* ‘Msinda wa AMBUJE,’ ‘Siyoni msinda wa Mlungu jwamswela jwa Isalaeli.’

Yesaya 66:10

“Sangalalani najo Yelusalemu, msangalale ligongo lya jwalakwe, jemanja wosope ŵimkusawunonyela msinda welewu. Sangalalani najo mwa lukondwa, jemanja wosope ŵimkulila ligongo lya jwalakwe.

Yelemiya 3:19

AMBUJE akuŵeceta kuti, “M'mwe Isalaeli, nganonyele kumtamika sikati ja ŵanace ŵangu ni kumpa cilambo cambone, cakupata cambone mnope kupunda yilambo yine ya mitundu jine ja ŵandu. Naganisyaga kuti timcingolanga kuti ‘Atati,’ nambo soni ngasimleka kunguya.

Malilo 2:15

Ŵandu ŵakupita mu msindawo agamba kumlola ni kumnyosyaga. Akusapukunya mitwe jawo ni kusekaga masame ga Yelusalemu. “Ana msinda wakunonyelwa ula nawu? Ana awu ni msinda wakusangalasya cilambo cosope capasi ula?”

Esek 20:6

Lisiku lyelelyo ni linatesile cilanga kwa jemanjajo kuti tinjakoposya mcilambo ca Iguputo, ni kwawula nawo ku cilambo cinasagulile jemanjajo, cilambo ca mkaka ni uci, cambone kupunda yilambo yosope.

Daniele 11:16

Sambano m'magongo jwa kumpotojo tacitenda mwakusacila, nipo pangali jutacilimbana najo. Tacitamilicika myilambo yambone mnopeyo, nipo yosope tiyiciŵa mu ulamusi wakwe.

Daniele 11:45

Jwalakwejo tacitaŵa matenti gakwe ga ucimwene pasikati pa nyasa ni petumbi pijitaŵidwe Nyumba ja AMBUJE. Nambope pakumalisya pakwe mwenyejo taciwulajidwa ngapata jwakumkamucisya.”

Daniele 8:9

Pa jimo mwa misengo mcecejo pasipwice kamsengo kane kamwana, kele kakakusile kulosya kum'mwela ni kungapilo lyuŵa nambo soni ku cilambo cakusangalasya cila.

Mala 1:14

Alwesece mundu jwa unami jwakupeleka mbopesi ja cinyama celemale kwa AMBUJE, kutendaga ali akwete cinyama cambone mwicinga mwakwe cele ciŵatesile cilanga* kuti tacimba Une! Pakuti une ndili mwenye jwamkulungwa, nipo ŵandu ŵa mitundu josope akunjogopa une.”

Mala 3:12

Myoyo ŵandu ŵa mitundu josope tacimkolanga jemanja ŵajaliwe, ligongo cilambo cenu ticiciŵa cambone kutama. Ni yinguti une AMBUJE Ŵamaciligosope.

Matayo 5:35

Kasimlumbila pakolanga kuti, ‘Pali cilambo capasi!’ Pakuti cilambo capasi ni pakuliŵatilapo sajo syakwe. Kasimlumbila kuti, ‘Pali Yelusalemu!’ Pakuti Yelusalemu uli msinda wa mwenye jwamkulungwa.

Ŵaeblania 12:22

Nambo jemanja myice Kwitumbi lya Siyoni* ni msinda wa Mlungu jwacijumi, ku Yelusalemu jwakwinani, mwele mugali malayika* gangaŵalanjika.