Masalimo 4:1 - Chiyawo Bible

¹ Anjanje une pingwalilila, ŵalakwe Mlungu, ŵakunjenjela, ŵalakwe ŵangamucisye pinaliji m'yisawusyo. Andendele canasa nipo alipikane lipopelo lyangu.

Masalimo 4:1 Iomraidhean Croise

Yobu 36:16

Mlungu ŵamtyosisye m'mwejo mu yipwetesi, ni kumŵika pambone kuti mkasoŵaga cindu cilicose.

Masalimo 11:7

Pakuŵa AMBUJE ali ŵakulungamika, soni akuyinonyela yitendo yambone, ŵakutenda yambone tacijiwona ngope jakwe.

Masalimo 116:16

Une ndili jwakutumicila jwawo, ŵalakwe AMBUJE, mwanace jwa jwakutumicila jwawo jwamkongwe. Ŵalakwe angopwele unyolo wangu.

Masalimo 116:6

AMBUJE akusiŵasunga ŵandu ŵa mtima ŵakulitulusya. Pinaliji myisawusyo yekulungwa; AMBUJE ŵangulupwisye.

Masalimo 119:132

Angalawucile ni kundendela canasa mpela mwakwatendela ŵandu ŵakwanonyela ŵalakwe.

Masalimo 143:2

Akasanjimba magambo une jwakutumicila jwawo, pakuŵa pangali mundu jwacijumi jwali jwagoloka pameso pa ŵalakwe.

Masalimo 17:6

Une ngupopela kwa ŵalakwe Mlungu, pakuŵa tacinjanga, myoyo agalawucile kwa une kupikana maloŵe gangu.

Masalimo 22:1

Mlungu jwangu, Mlungu jwangu, ana ligongo cici andesile une? Ana ligongo cici ngakungamucisya, ana ligongo cici ngakugapikana maloŵe gakuwuwula kwangu?

Masalimo 24:5

Tacipocela upile kutyocela kwa AMBUJE; nipo Mlungujo tacilamula kuti jwele mundujo jwangali ulemwa.*

Masalimo 25:16

Angalawucile une, ni kundendela canasa; ŵalakwe AMBUJE, ligongo ndili jikajikape m'yisawusyo yekulungwa.

Masalimo 31:8

Ni ŵalakwe nganambeleka m'makono mwa amagongo ŵangu, nambo ambisile pa malo pakutambasukuka.

Masalimo 41:12

Ŵalakwe tangamucisye ligongo lya kulupicika kwangu; ni andamice pameso pawo mpaka kalakala.

Masalimo 42:1

Mpela mbaŵala jikusapumasika kusosasosa lusulo lwa mesi gakusisima, myoyo soni ni mwele mtima ŵangu muwukwasosela ŵalakwe Mlungu jwangu.

Masalimo 45:1

Mtima ŵangu ugumbele ni ngani jambone; ngwajimbila mwenye nyimbo jangu. Lulumi lwangu luli mpela cakulembela ca mundu jwakumanyilila kulemba.

Masalimo 56:1

Andendele canasa, ŵalakwe Mlungu, pakuŵa ŵandu akusawusya, amagongo ŵangu akundiŵatila ni kutenda ngondo lisiku lili lyose.

Masalimo 57:1

Andendele canasa ŵalakwe Mlungu, andendele canasa, pakuŵa umi wangu ukutilila kwa ŵalakwe, ni tinjitilila ku mbwilili wa mapapiko gawo, mpakana mbungo jakonanga yindu jili jipite.

Masalimo 6:1

Ŵalakwe AMBUJE* akambila mtima ni kunjamuka, Akamba une cilango ali apile mtima.

Masalimo 67:1

Atutendele canasa Mlungu, ni kutupa upile, atumulicile ni cinonyelo cawo.

Masalimo 76:1

Mlungu ali jwakumanyika mcilambo ca Yuda, lina lyawo lili lyalikulungwa mu Isalaeli.

Yesaya 45:24

“Pakuŵeceta ya Une taciti, kupunda nambo soni macili yikasapatikana mwa AMBUJEPE. Wosope ŵiŵamjimucilaga taciyika kwa ŵalakwe nipo tacitenda soni.

Yelemiya 23:6

Pandaŵi jitaciŵa mwenye, ŵandu ŵa ku Yuda tacikulupuka, nipo ŵandu ŵa mu Isalaeli tacitama mwa mtendele. Jwele mwenyejo tacimpa lina lyakuti ‘AMBUJE cikulupusyo cetu.’ ”

Habakuku 3:19

AMBUJE, Mlungu Jwamacili, ni ŵakusamba macili. Akusasitendesya ngongolo syangu kuŵa mpela sya mbaŵala, kuti mpaka ngayice penani petumbi.

1 Akoli 1:30

Mlungu ni juŵamlumbikenye jemanja ni Klistu Yesu, soni Mlungujo ŵamtesile jwalakwejo kuti aŵe lunda lwetu. Ligongo lya Yesu tukusasimanikwa kuti tuli ŵakulungamika pameso pa Mlungu, soni tukusaŵa ŵandu ŵakweŵakwepe ŵa Mlungu, soni ŵagopoledwe.

2 Akoli 1:10

Mlungu ŵatukulupwisye ku yakogoya ya ciwa, nipo soni tacitukulupusya. Tuŵisile cembeceyo cetu mwa jwelejo kuti tacitukulupusya soni.

2 Akoli 1:8

Acimjangu, ngusaka kuti m'manyilile, yakulaga kwetu kutwasimene nako ku Asiya.* Twasitopelwe mnope, kwakupundanganya macili getu, kwamti nganitujembecelaga kuti tuŵe soni ni umi.

1 Sam 17:37

AMBUJE* ŵangulupwisye ku masimba ni yimbala ngondo, ŵawowo soni tacingulupusya une kwa aju m'Filisitiju.” Saulo ŵajanjile kuti, “Cambone, jawulani, nipo AMBUJE aŵe ni m'mwejo.”