Masalimo 3:7 - Chiyawo Bible

⁷ Ajimuce; conde AMBUJE, angulupusye une, Mlungu jwangu! Ŵaputile makofi amagongo ŵangu, ni ŵagakusile meno ga ŵandu ŵakusakala.

Masalimo 3:7 Iomraidhean Croise

2 Sam 18:8

Ngondo jaliji palipose mcilambomo, nipo yakogoya ya mu ukwetiwo yawuleje ŵandu ŵajinji kupunda ŵandu ŵiŵawulajidwe ni upanga.

Yobu 16:10

Ŵandu akusandola une ni kusekaga, Akusambunjicila ni akusambuta pejeje mwacipongwe.

Yobu 29:17

Namasyaga macili ga ŵandu ŵangalwe, soni nacengulanyaga ŵele ŵiŵaliji ali akamwilwe ni jemanjajo.

Masalimo 10:12

Ajimuce, Ŵalakwe AMBUJE, Ŵalakwe Mlungu anyakule mkono wawo, akaliŵalila ŵali m'yisawusyo.

Masalimo 12:5

Ligongo lyakuti ŵakulaga ŵasumwile yindu yawo, ni ŵakulaga akudandawula. AMBUJE akuti, “Tindendepo kandu sambano, tinakulupusye mpela mwakusacila jemanjajo.”

Masalimo 27:3

Atamose ŵa ngondo asyungulile une, mtima wangu ngasiwujogopa; atamose ngondo jiyice kulimbana ni une, nambo ngasindeka kukulupilila.

Masalimo 35:23

Ajimuce ŵalakwe AMBUJE, kuti anjenjele pa magambo gangu, Ŵalakwe Mlungu jwangu, ni AMBUJE ŵangu.

Masalimo 44:23

Ajimuce, ŵalakwe AMBUJE.* Ligongo cici akugona? Atame mesope, akatujasa.

Masalimo 58:6

Ŵalakwe Mlungu, akuwule meno mkamwa mwawo, agatyosye meno gosope ga masimba gamwana, ŵalakwe AMBUJE.*

Masalimo 59:5

Ajimuce ŵalakwe Mlungu Jwamaciligosope, alolecesye asyene ŵalakwe Mlungu jwa Isalaeli. Ajimuce kuti ŵape cilango ŵandu ŵa ngosyo sine; akasiŵaleka ni jumo jose jwa ŵele ŵandu ŵakunyenga ni ŵaciswamba.

Masalimo 6:4

Ayice, ŵalakwe AMBUJE kukungulupusya une, angulupusye une ligongo lya cinonyelo cawo.

Masalimo 7:6

Ajimuce, mwa ukali ŵalakwe AMBUJE, ajime ni kulimbana ni ukali wa amagongo ŵangu. Ajimuce mwamacili, Mlungu jwangu, pakuŵa ŵalakwe akusosa cilungamo.

Masalimo 74:11

Ligongo cici akuwusisa mkono wawo wakutukamucisya? Kwa ligongo cici akusunga mkono wawo wamlyo pamtima pawo?

Masalimo 76:9

Piŵajimwice Ŵalakwe Mlungu kuti ŵalamule; ni kwakulupusya ŵandu ŵali myisawusyo pa cilambo capasi.

Yesaya 51:9

Mjimuce, AMBUJE, mjimuce mtukamucisye! Kamucisyani ni macili genu kuti gatukulupusya, mtende mumwatendelaga kala. Ana ngaŵa ŵawoji uŵamkatile Lahabu cilombo ca m'nyasa cila ni kucisoma cijoka ca m'nyasa cila?

Malilo 3:30

Atamose kuputidwa kapena kunyosyedwa, uwe tuyikunde yosopeyo.

Habakuku 2:19

Likungu kwa mundu jwakucisalila citela cejumu kuti, “Mnyakuce!” kapena kwa liganga lyagamba kutama kuti, “Mjimuce!” Ana yeleyi yikwamba cici kwenumwe? Yeleyi yapanganyidwe ni silifa* ni golidi,* nambo yangali umi.