Masalimo 3:5 - Chiyawo Bible

⁵ Ngupakombola gona, cilo cosope mwa mtendele. Ngwimuka soni kundaŵi pakuŵa ŵalakwe AMBUJE akunjenjela.

Masalimo 3:5 Iomraidhean Croise

Masalimo 127:2

Mkulisawusya kulaŵa kundaŵindaŵipe ni kugona mwakucelewa, kamula masengo mwakulajila kuti mpate yakulya, pakuŵa AMBUJE akwapa ŵakunonyelwa ŵakwe yikwasoŵa, jemanjajo ali mlugono.

Masalimo 34:5

Ŵakulaga pakulola kwa AMBUJE; ngope syawo syasangalele, nganatenda soni.

Masalimo 4:8

Pingugona pasi, ngugona mu mtendele; Pakuŵa ŵalakwe jika AMBUJE, akusunga une mwa mtendele.

Masalimo 66:9

Jwalakwe awucenjele umi wetu, nganakunda sajo syetu sitelesye.

Misyungu 14:26

Mundu jwakwajogopa AMBUJE* jwana cikulupi ca macili, soni ŵanace ŵakwe tacikola pakutilila.

Misyungu 18:10

Lina lya AMBUJE* lili mpela sanja jakulimbangana mnope, mundu jwakulungama akusatilila kweleko ni kulupuka.

Misyungu 3:24

Ndaŵi jimkutama pasi, ngasimtenda woga; pa ndaŵi jimkuja kukugona, timcigona lugono lwakunong'a.

Yesaya 26:3

Ŵalakwe AMBUJE,* akusapeleka mtendele usyesyene kwa ŵele ŵakwete umi wakutamilicika, ligongo lya cikulupi cawo pa ŵalakwe.

Lefitiko 26:6

“Tinjipeleka mtendele mcilambo mwenu, nipo timkagoneje mwa jii, pangali mundu jwine jwakumjogoya. Tinjiyitopola yilombo yosope yakogoya mcilambo mwenu, ni timuciŵa mwamtendele, mwangali ngondo.

Masengo 12:6

Cele ciloco, mkanikuce Helodi ŵatiji amjimbe magambo Petulo pameso pa ŵandu wosope, Petulo ŵagonile pasikati pa asilikali ŵaŵili. Ŵaliji ŵataŵidwe mawunyolo gaŵili, nipo alonda ŵane ŵaliji pa mlango.