Masalimo 3:4 - Chiyawo Bible

⁴ Ngwalilila ŵalakwe AMBUJE kuti angamucisye, kutyocela mwitumbi lyawo lyaliswela akunjanga une.

Masalimo 3:4 Iomraidhean Croise

Genesesi 15:1

Piyamasile yeleyi, maloŵe ga AMBUJE* gamyicile Abulamu mesomkulola kuti, “Mkasimjogopa Abulamu une tinamcenjele ku yindu yosope yakogoya, tinampe soni m'mwejo mbote jajikulungwa.”

Masalimo 119:114

Ŵalakwe ali malo gakunjenjela ni gingusajuŵa une, nguŵika cikulupi cangu m'maloŵe gawo.

Masalimo 138:3

Pa lisiku linaŵilasile, ŵalakwe ŵanjanjile; akusalimbisya mtima ni macili gawo.

Masalimo 18:3

Ngwaŵilanga AMBUJE, ŵakwenela kwalumba, ŵawombwele une kutyocela kwa amagongo ŵangu.

Masalimo 2:6

“Une namsyene nimjinjisye kala mwenye jwangu,” jwalakwejo ali petumbi lyangu lyeswela lya Siyoni.

Masalimo 27:6

Tinjapunda amagongo ŵangu ŵasyungulile une, tinjipeleka mbopesi m'Nyumba jawo ndili mkugumila mwakusengwa. Tinjijimba nyimbo jakwalumba AMBUJE.

Masalimo 28:7

AMBUJE ali macili gangu ni ŵakunjenjela ŵangu, mbisile mtima wangu wosope pa ŵelewo. Angamucisye, myoyo mtima ŵangu ukusangalala, nipo ngusatogolela ni nyimbo syangu.

Masalimo 34:4

Napopesile kwa AMBUJE, ni ŵanjanjile, ŵangulupwisye une ku yosope yinayijogopaga.

Masalimo 34:6

Mundu jwakulagaju jwalisile, nipo AMBUJE ŵampikene, ni ŵamkulupwisye m'yisawusyo yakwe yosope.

Masalimo 43:3

Conde, apelece lilanguka lyawo ni yakuwona yawo yilongolele une, yikambicisye kwitumbi lyawo lyeswela ni kwakusatama ŵalakwe.

Masalimo 50:15

Mumbilanje une pa ndaŵi ja yisawusyo. Une tinjimkulupusya, ni timcinjimbicisya.”

Masalimo 62:8

Ŵandu ŵangu, mumkulupilileje Mlungu ndaŵi syosope. Mumsalileje jwalakwejo yakusawusya yenu yosope, pakuti jwalakwejo ali kwakutilila kwetu.

Masalimo 84:12

Ŵalakwe AMBUJE Ŵamaciligosope, ŵana upile ŵele ŵakulupilila mwa ŵalakwe.

Masalimo 89:19

Kala ŵaŵecete musagamisi kwa ŵandu ŵawo ŵakulupicika, ŵatite, “Namwecice cisindi ca ucimwene jwali jwamacili, namkwesisye jwele junamkwesisye pasikati pa ŵandu.

Masalimo 91:15

Pitacimbilanga, tinjijanga tinjitama najo pa ndaŵi ja yisawusyo. Tinjimpokasya ni kumcimbicisya.

Masalimo 99:9

Mwalumbe AMBUJE Mlungu jwetu, mwalumbe kwitumbi lyawo lyaliswela. AMBUJE Mlungu jwetu ali jwamswela.

Misyungu 2:7

Mlungu akusapeleka lunda lusyesyene kwa ŵandu ŵa cilungamo, soni jwalakwejo ali mpela cida cakwacenjelela ŵandu ŵakusajenda matala gagoloka.

Yesaya 65:24

Tinjitenda yakuyisosa mkanamalisye kose kupopelela, Tinjapikana alimkuŵeceta kwene.

Malilo 3:56

Ndaŵi jinaŵendile ŵalakwe kuti apikane kulila kwangu, ŵalakwe ŵambikanile.

Matayo 7:7

“Mŵende, nipo Mlungu tacimpa yimkusaka, msosesose nipo timsimane, poposyani nipo Mlungu tacimwugulila litanga.

Yakobo 5:13

Ana jwine mwa jemanja ali myisawusyo? Apopele. Ana jwine asangalele? Ajimbe nyimbo syakumlumba Mlungu.