Masalimo 3:3 - Chiyawo Bible

³ Nambo ŵalakwe AMBUJE, ali ŵakunjenjela, akumba macili gakujipunda ngondo ni angwesisye pa citengu cangu.

Masalimo 3:3 Iomraidhean Croise

Genesesi 15:1

Piyamasile yeleyi, maloŵe ga AMBUJE* gamyicile Abulamu mesomkulola kuti, “Mkasimjogopa Abulamu une tinamcenjele ku yindu yosope yakogoya, tinampe soni m'mwejo mbote jajikulungwa.”

Genesesi 40:13

patigamale masiku gatatu Mwenye jwa ku Iguputo tamkululucile, ni kumwucisya soni pa masengo genu. Timkapelecele mgawo myala mwa Mwenye jwa ku Iguputo mpela yimwatendaga pimwaliji jwamkulungwa jwakupelecela mgawo wakwe.

2 Ayi 18:30

Mkakunda kuti amlambusye jemanja kuti mwakulupilile AMBUJE kuti tamkulupusye, ni soni kuti mwenye jwa ku Asiliya ngasumula msinda wenuwu.

2 Ayi 18:32

mpaka pa ndaŵi jitacimjigala jemanja mwenye jwa ku Asiliyajo kwawula namwe ku cilambo cakulandana ni cilambo cenu cino, cilambo cana cajila ni yakulya yejinji. Naga mkupikanila yakumsalila mwenye jwa ku Asiliyajo, timtame ni umi, ngim'wa. Myoyo jemanja mkalamuce, Hesekiya akamloŵesya pakumsalila kuti AMBUJE tamkulupusye.

2 Ayi 25:27

Yehoiyakini ŵaliji mu ukayidi kwa yaka 37. Nipo Efili Melodaki, mwanace jwa Nebukadinesa, ŵajinjile ucimwene wa ku Babiloniya. Mcaka cakwe candanda cakulamulila cilambo ca Babiloniya, pa lisiku lya 27 lya mwesi wa 12, ŵalosisye mtima wa canasa kwa Yehoiyakini mwenye jwa ku Yuda, ni ŵamgopwele mu ukayidi.

Masalimo 110:7

Mwenye tacimwa mesi mu lusulo lwa petala, tacipata macili, ni tacijima mwakulosya kuti apundile.

Masalimo 119:114

Ŵalakwe ali malo gakunjenjela ni gingusajuŵa une, nguŵika cikulupi cangu m'maloŵe gawo.

Masalimo 18:2

AMBUJE ali ŵakusunga, ni ŵakunjinjilicisya ŵangu, ali ŵakungulupusya, Mlungu jwangu, ni lwala lwangu kungusatilila une, mwa ŵelewo une ndili mu mtendele. Ŵalakwewo ali cakulicinjilicisya cangu, ali ŵakunjenjela ŵangu, macili ga cikulupusyo cangu, ni pakutilila pangu.

Masalimo 27:6

Tinjapunda amagongo ŵangu ŵasyungulile une, tinjipeleka mbopesi m'Nyumba jawo ndili mkugumila mwakusengwa. Tinjijimba nyimbo jakwalumba AMBUJE.

Masalimo 28:7

AMBUJE ali macili gangu ni ŵakunjenjela ŵangu, mbisile mtima wangu wosope pa ŵelewo. Angamucisye, myoyo mtima ŵangu ukusangalala, nipo ngusatogolela ni nyimbo syangu.

Masalimo 4:3

Nambo m'manyilile kuti AMBUJE* alisagulile ŵagoloka kuti aŵe ŵakwe; soni akusambikana pa ndaŵi jingwaŵilanga.

Masalimo 62:7

Cikulupusyo ni lumbili lwangu, yosopeyo yili mwa Mlungu. Mlungu ali lwala lwangu lwamacili, ni kwakutilila kwangu.

Masalimo 84:11

Pakuŵa AMBUJE ŵakutucinjilicisya ŵetu ni mwenye jwetu jwa lumbili, akusatupa upile mwa umbone wakwe mtima ni mwa ucimbicimbi. Jwalakwejo jwangakanya yindu yambone kwa ŵele ŵakwenda mwagoloka.

Yesaya 45:25

Nambo mwa AMBUJE yisukulu yosope ya Isalaeli tiyicipunda ni kupata lumbili.”

Yesaya 60:19

“Lyuŵa ngasiliŵa soni cakumulicila cenu musi, kapena lwesi ndaŵi ja cilo. Nambo Une AMBUJE ni jutinjim'mulicila mpaka ndaŵi syangamala. Une Mlungu jwenu ni jutinjiŵa lumbili lwenu.

Luka 2:32

Ŵalakwe apelece lilanguka lyakwamulicila ŵandu ŵa mitundu jine, ni kwapa ucimbicimbi Aisalaeli ŵandu ŵawo.”

Detulonomo 33:29

Mkwete upile m'mwejo Isalaeli, pangali ŵakulandana ni m'mwejo, m'mwejo lukosyo lwele AMBUJE ŵalukulupwisye. AMBUJE ni ŵakumcenjela soni ali upanga wenu ŵele ŵakusamcenjela ni kumkamucisya kupunda pa ngondo. Amagongo ŵenu taciyika kukumŵenda kuti mwatendele canasa, nambo m'mwejo timcatwinyicisya pasi.

Chunukuko 21:11

Lumbili lwa Mlungu lwawutendesyaga msindawo kuti uŵale mnope. Kuŵala kwakwe kwaliji mpela kuŵala kwa liganga lya mtengo wapenani, lyamti mbee lyakolanjidwa jasipa lyele lyakunyesimila mpela ligalasi.

Chunukuko 21:23

Pangali ligongo lyakuti lyuŵa kapena mwesi yiŵalileje pa msindapo, pakuti lumbili lwa Mlungu ni lwele lukusaŵalilapo, nipo nyali jakwe jili Mwanace Jwangondolo jula.