Masalimo 26:9 - Chiyawo Bible

⁹ Akanjasa pamo ni ŵandu ŵakulemwa; soni akatyosya umi wangu pampepe ni ŵandu ŵakusaka kuwulaga acimjawo,

Masalimo 26:9 Iomraidhean Croise

2 Sam 16:7

Pakutukanapo Shimeyi ŵatiji kuti, “Tyokani, tyokani, m'mweji mundu jwa kusakala jwakuwulaga ŵandu, mundu jwacabecabe.

2 Sam 21:1

Masiku ga ucimwene ŵa Mwenye Daudi,* kwapali sala kwa yaka yitatu yakuyana. Ni Daudi ŵaŵendile lunda kwa AMBUJE. AMBUJE ni ŵatite kuti, “Saulo ni liŵasa lyawo magambo gakuwulaga Agibiyoni ŵala gaciŵela.”

Masalimo 139:19

Yinganonyele kuti ŵalakwe Mlungu ŵajonanje ŵandu ŵangalumbana! Nganonyele kuti ŵandu ŵakuwulaga acimjawo atyoce.

Masalimo 51:14

Angululucile une ku magambo gangu gakoposya miasi, Mlungu, ŵalakwe ali Mlungu ni Mkulupusyo jwangu, ni tinjikwesya maloŵe pakwimba ya kulungamika kwawo.

Masalimo 55:23

Nambo Ŵalakwe Mlungu tacaponya amagongo ŵangu mwicenje lyakusokoka; ŵandu ŵakuwulaga acimjawo, ni ŵa unami, taciwa citema mkanacekulupe. Nambo une tinjakulupilila ŵalakwe kungulupusya une.

Mala 3:18

Pelepo timcilekanganya pasikati pa ŵandu ŵakulungama ni ŵangalumbana, pasikati pa ŵandu ŵakutumicila Mlungu ni ŵangamtumicila.”

Matayo 24:51

Myoyo tacimwonesya yipwetesi yakogoya kwabasi, nipo tacimjasa ku malo ga ŵandu ŵa unami, kweleko ticilila ni kulumanya meno.

Matayo 25:32

Tacasonganya ŵandu ŵa ngosyo syosope pameso pakwe, nipo tacalekanganya mpela mwele jwakucinga mwakusalekanganicisya ngondolo ni mbusi.

Matayo 25:44

“Pelepo nombe nawo soni tacitiji kuti, ‘Ambuje, ana lisikuci litwaweni jili jakwete sala, pane jili jakwete njota, pane ŵamakonope, lisikuci twapikene kuti ali mkulwala, pane ali m'nyumba ja ukayidi, uwe ni ngakamucisya?’

Matayo 25:46

Pelepo jemanjajo tacityoka kwawula ku cilango cangali mbesi, nambo ŵakulungama ŵala tacijawula ku umi wangamala.”*

1 Sam 25:29

Naga jwalijose akwatanda wawojo ni kusosa kwawulaga, AMBUJE Mlungu jwawo tacakulupusya, mpela mundu jwakusunga cipanje ca mtengo wejinji. Kwamba ya amagongo ŵawo, AMBUJE tacaponya jemanjajo kwakutalika mpela mwakuponyela mundu maganga pa cinawo.