Masalimo 26:3 - Chiyawo Bible

³ Cinonyelo cawo cikusalongolela; soni ngusaŵa jwakulupicika kwa ŵalakwe.

Masalimo 26:3 Iomraidhean Croise

2 Ayi 20:3

“Ŵalakwe AMBUJE akumbucile kuti naliji mkwatumicila ŵalakwe mwakulupicika ni mwakulipeleka. Naliji mkutenda yindu yiŵasakaga ŵalakwe kuti une nayitende ndaŵi syosope.” Ali amasile kupopelako, Hesekiya ŵatandite kulila mwakupwetekwa mtima.

Masalimo 101:2

Tinjikuya litala lyangali ulemwa.* Nambi taciyika cakaci kwa une? Tinjitama m'Nyumba mwangu ni mtima wakulupicika.

Masalimo 119:142

Kugoloka kwawo kuli kwangamala ni malamusi gawo gali gakuwona.

Masalimo 25:5

Alongolele ni kunjiganya mu yakuwona yawo, pakuŵa ŵalakwe ali Mlungu jwakungulupusya une, ngusajegamila pa ŵalakwe masiku gosope.

Masalimo 52:1

Ligongo cici mkupoka ni masengo genu gakusakala m'mwe mundu jwamacili? Canasa ca Mlungu cili cangamala.

Masalimo 86:11

Anjiganye une matala gawo, yakusaka ŵalakwe kuti une niyitendeje; nipo tinjapikanila mwakulupicika.

Yesaya 2:5

Jemanja yisukulu ya Yakobo,* kwende tujende mu lilanguka lyakutupa uwe AMBUJE!

Yesaya 8:20

M'mwejo mkajanje kuti, “Mpikane yele yakumjiganya AMBUJE! Mkapikanilaga ŵakutenda ya misimu, yakuŵeceta jemanjajo ngaŵa mkutyosya yisawusyo.”

Luka 6:36

Mŵeje ŵa canasa mpela mwaŵelele Atati ŵenu ŵakwinani.”

Yohana 14:6

Yesu ŵamjanjile kuti, “Une ndili litala, usyesyene, ni umi, pangali mundu jwakwawula kwa Atati akaŵe kupitila mwa une basi.”

2 Akoli 3:18

Uwe wosope, ŵangali cakuwunicila ngope syetu, tukusalosya lumbili lwa Ambuje, mpela ligalasi lyakulolela likusalosya ngope ja mundu. Myoyo Ambuje, ŵele ŵali ni Msimu, akusatusandusya kuti tulandane nawo, ni kutama nawo mu lumbili lwakwe lwekulungwa.

2 Akoli 8:9

Paja mkumanyilila kusalala mtima kwa Ambuje ŵetu Yesu* Klistu,* kuti atamose ŵaliji ŵakusicila, ŵalitesile kuŵa ŵakulaga ligongo lya jemanja, kuti mkulaga kwakweko jemanja mŵe ŵakusicila.

Ŵaefeso 4:32

M'malo mwakwe, mnonyelaneje ni kutendelana canasa nipo ni kululucilanaga jwine ni mjakwe mpela muŵamkululucile Mlungu mwa Klistu jemanja mula.

1 Yohana 1:7

Nambo naga tukwenda mu lilanguka mpela jwalakwejo ali mu lilanguka, pelepo ni kuti tukutama mu kusyoŵekana najo. Soni miasi ja Yesu mwanace jwakwe, jikusatuswejesya ni kututyocesya ulemwa* uliwose.

2 Yohana 1:4

Une naliji jwakusengwa pakwasimana ŵane mwa ŵanace ŵenu alimkulondesya ya usyesyene, mpela mwele ŵatulamulile Atati ŵetu.

3 Yohana 1:11

Mlongo mjangu jwakunonyelwa, kasimkuyaga yangalumbana nambo yayili yambone. Jwalijose jwakusatenda yambone, ali Mwanace jwa Mlungu; nambo jwakusatenda yangalumbana, nganambona Mlungu.