Masalimo 26:10 - Chiyawo Bible

¹⁰ ŵandu ŵakutenda yakusakala ni makono gawo; ni ŵandu ŵele mkono wawo wamlyo ugumbele ni yindu yakupocela pacisyepela.

Masalimo 26:10 Iomraidhean Croise

Masalimo 10:14

Nambo Ŵalakwe, akusalolecesya yisawusyo ni yipwetesi, nipo ŵalakwe akupakombola kwakamucisya ŵakusingalilwa ŵakulipeleka kwa ŵalakwe. Ŵalakwe akusiŵakamucisyaga ŵamasije ndaŵi syosope.

Masalimo 11:2

ligongo lyakuti ŵangalumbana akunjile ukunje, aŵisile mipamba jawo ku lukonji, kuti ŵasome ŵandu ŵambone mtima.

Masalimo 36:4

Jwelejo akuganicisya yangalumbana naga agonile cilo, akwenda mwitala lyanganiliŵa lyambone, ni cangalumbana ngakucikana.

Masalimo 52:2

Lisiku lyosope mkusaganicisya ya kwajonanga ŵane. Lulumi lwenu luli mpela lwembe lwakutema, masengo genu gali gakunyenga.

Ekisodo 23:8

Mkapocela yipupu, pakuŵa, mbote ja cilo jikwatendesya m'meso cipi, ŵandu ŵakulamula magambo pa nganya, ni magambo gakumsakalila mundu jwangalemwa.

Misyungu 1:16

Pakuti jemanjajo ŵangakaŵa kutenda yakusakala, akusaŵaga ali cile kuwutucila ya kuwulaga basi.

Misyungu 4:16

Ŵandu wakusakala ŵangagona lugono akaŵe atende cindu cilicose cakusakala basi. Ŵangagona lugono mpaka amtengusye mcilu mundu jwine ni kumkuŵasya basi, nawusimene mtima.

Yesaya 33:15

Jwampaka apakombole ali mundu jwakusatenda yakulungamika soni kuŵeceta yakuwona, jwakusakana cakupata cakucisimana mwakunyenga. Jwakusaligosa kuti akasakamula ya cipupu, jwakusawugala m'mapikanilo gakwe kuti agapikane maloŵe ga ŵakupangana kuwulaga acimjawo. Ŵakusawugala m'meso kuti akayiwona yakusakala.

Amosi 5:12

Une ngumanyilila winji wa ulemwa* wenu ni ukulu wa magambo genu. Jemanja mkusimwalagasya ŵandu ŵambone, ni kupocelaga yipupu ni kulamula mwangajenela magambo ga ŵandu ŵakulaga ku nganya sya magambo.

Mika 7:3

Ali ŵa umanyilisi mnope pakutenda yindu yakusakala. Nduna ni ŵakulamula akusasosa kupocela ya pacisyepela nipo mlongola ŵamacili mnope akusiŵasalila yakusakala yakusosa jemanjajo kuti ayitende. Myoyo akusalemwa pampepe.

Masengo 23:12

Kundaŵi kwakwe Ayuda ŵane ŵawonegene pampepe ni kupangana. Ŵatesile cilanga* cakuti ngasalya kapena kumwa kalikose mpaka ali amwuleje Paulo.

Detulonomo 16:19

Akaja kutenda yindu yangaŵa ya cilungamo, kapena kulamula magambo mwalusagu. Akaja kupocela mbote ja cilo, ligongo yikasatendesya cipi m'meso mwa ŵandu ŵalunda soni yikusalemwekasya ŵandu ŵa cilungamo pa kulamula magambo.

1 Sam 8:3

Nambo ŵanacewo nganakola ndamo syambone mpela sya baba ŵawo, m'malo mwakwe ŵapocelaga mbote sya cilo soni nganalamulaga magambo cenene.