Masalimo 26:1 - Chiyawo Bible

¹ Andamule pameso pa ŵakunjimba magambo, kuti nganindemwa, ŵalakwe AMBUJE,* pakuŵa ngusatenda yakulungamika ni kwakulupilila ŵalakwe mwangakayicila kose.

Masalimo 26:1 Iomraidhean Croise

2 Ayi 20:3

“Ŵalakwe AMBUJE akumbucile kuti naliji mkwatumicila ŵalakwe mwakulupicika ni mwakulipeleka. Naliji mkutenda yindu yiŵasakaga ŵalakwe kuti une nayitende ndaŵi syosope.” Ali amasile kupopelako, Hesekiya ŵatandite kulila mwakupwetekwa mtima.

Yobu 2:3

Kaneko AMBUJE ŵamwusisye Satana kuti, “Ana kum'manyilila jwakutumicila jwangu lina lyakwe Yobu? Pa cilambo capasi pangali soni mundu jwine jwakulandana ni jwalakwejo pakuti jwalakwejo jwangali ulemwa soni ali jwakulungama. Akusanjimbicisya une soni jwangatenda yindu yakusakala. Atamose kuti m'mwejo mwanganganice une kuti nimkunde mumlagasye Yobu pali pangali ligongo, jwalakwejo akukulupicikape.”

Yobu 4:6

Mwamlambilaga Mlungu, nipo mwatamaga mwakulungama, myoyo mkwenela kukola cikulupi mwa Mlungu.

Masalimo 121:3

Ngasakunda lusajo lwenu kuti lutelesye, ŵakumcenjela ŵenu akusaŵa mesope ndaŵi syosope.

Masalimo 15:2

Ali mundu jwakwenda mwangalemwa, jwakutenda yakulungamika ndaŵi syosope, jwele jwakuŵeceta yakuwona ni mtima wakuwona,

Masalimo 21:7

Pakuŵa mwenye akusakulupilila AMBUJE; ngasatenganyika, ligongo lya cinonyelo cawo cangacenga ca AMBUJE asyene macili gosope.

Masalimo 25:2

une nguŵika mtima ŵangu pa ŵalakwe AMBUJE ŵangu. Akakunda kuti amagongo ŵangu andesye soni; akasiŵakunda kuti asangalale pandili une m'yisawusyo.

Masalimo 25:21

Kulupicika kwangu ni kulungamika kwangu kunjenjele une, pakuŵa ngwakulupilila ŵalakwe.

Masalimo 26:11

Nambo une, ngwenda mwakulupicika, andendele canasa ni kungulupusya une.

Masalimo 28:7

AMBUJE ali macili gangu ni ŵakunjenjela ŵangu, mbisile mtima wangu wosope pa ŵelewo. Angamucisye, myoyo mtima ŵangu ukusangalala, nipo ngusatogolela ni nyimbo syangu.

Masalimo 31:14

Nambo cikulupi cangu cili mwa ŵalakwe AMBUJE; ngusati, “Ŵalakwe ali Mlungu jwangu.”

Masalimo 35:24

AMBUJE, AMBUJE ŵangu, ligongo lyagoloka kwawo, alamule kuti une nganindemwa, akasiŵakunda amagongo ŵangu kuti asecelele ligongo lya yisawusyo yangu.

Masalimo 37:31

Jwelejo akusunga mu mtima mwakwe malamusi ga Mlungu, ni ngakusatenganyika pakwenda mu umi awuno.

Masalimo 4:5

Mpelece mbopesi syagoloka kwa AMBUJE, ni kuŵika cikulupi cenu mwa jwalakwejo.

Masalimo 43:1

Ŵalakwe Mlungu alosye kuti une ndili mundu jwangalemwa, anjinjilicisye pa magambo gangu kwa ŵandu ŵangakum'manyilila Mlungu; angulupusye kwa ŵandu ŵa unami ni ŵangali cilungamo.

Masalimo 54:1

Asunje une ni macili gawo, ŵalakwe Mlungu ambe mtendele ni macili gawo,

Masalimo 62:2

Jwalakwe pejo ali lwala lwangu, cikulupusyo cangu, ni ŵakunjenjela ŵangu; une ngasindenganyika kose.

Masalimo 62:6

Jwalakwe jika ali lwala lwangu ni cikulupusyo cangu, ali ŵakunjenjela ŵangu ngasindenganyika kose.

Masalimo 7:8

AMBUJE akusalamula ŵandu wosope, Andamule une AMBUJE, mwakulingana ni goloka kwangu ni mwakulingana ni kulupicika kwangu.

Masalimo 94:18

Pinamanyilile kuti, “Lusajo lwangu lukutelesya,” cinonyelo cawo cangamala, ca ŵalakwe AMBUJE, cangamwile.

Misyungu 20:7

Mundu jwambone jwakusajenda mwakulungama, Mlungu akusapeleka upile kwa ŵanace ŵakuya panyuma pakwe.

Misyungu 29:25

Kumjogopa mundu kuli mpela kulitaŵa ukapolo, nambo mundu jwakwakulupilila AMBUJE akusaŵa pambone soni jwagopoka.

2 Akoli 1:12

Citukusangalalila ni cakuti mtima wetu utendeleje umboni palipose pele patwapite, nambo mnopemnope pasikati penu, kwenda kwetu kwaliji kwagoloka ni kwangali unami. Yaliji myoyo ngaŵa ligongo lyakuya lunda lwa ŵandu iyayi, nambo kuti Mlungu ŵatusalalile mtima.

Ŵaeblania 10:23

Kwende tukamulisye mnope cembeceyo citukwiticisyaci, ligongo tukulupilila kuti Mlungu tacisunje cilanga cakwe.

1 Petulo 1:5

Mwamacili gakwe Mlungu akumsunjila jemanja ŵikumkulupilila jwalakwejo kuti timpocele cikulupusyo cele jwalakwejo ali cile kucilosya pa ndaŵi jakumalisya.

2 Petulo 1:10

Ni ligongo lyakwe acalongo acimjangu ŵakulupilila, mtende citema kupunda kala kusimicisya kuti Mlungu ŵamŵilasile soni ŵamsagwile. Naga mkutenda myoyo ngasimgwa mu ulemwa.

1 Sam 2:9

“Mlungu akusacinjilisya umi wa ŵandu ŵakumkulupilila jwalakwejo nambo ŵandu ŵakusakala akusasimililaga mcipi, pakuŵa mundu jwangapunda ni macili gakwe.

1 Sam 24:15

AMBUJE tacilamula, nipo tacilamula pasikati pa wawojo ni une kuti asimanikwe jwali jwakulemwa. Jwalakwe akuwone kulungamika kwangu pa jele nganiji nipo anjinjilicisye ni kungulupusya une kwa wawojo.”